Муҳтарам дўстлар!
Ватандошлар!
Дунё аҳли!
Мана, сониялар бир-бирининг ортиддан қувламачоқ ўйнай-ўйнай, Янги йил остонасига ҳам яқинлашиб қолибди! Тан олинг, дунё ташвишлари билан бўлиб 365 кунни орта қолганини сезмай ҳам қолдингиз, тўғрими?
Ўтган бу кунлар, шу бир йил кимларнидир орзулар қанотида осмонларга олиб чиқиб қўйган бўлса, яна кимларнингдир ўтган йилдан кўнгллари тўлмай қолди, қанчадан-қанча улкан орзуларимизимизни ўтган соатларимиз армонларга айлантириб қўйди. Худди ана шу важдан биримиз қайғу гирдобида, яна қай биримиз қувонч оғушида Янги йилни қаршилашга ҳозирлик кўраётган бўлишимиз, табиий!
Азизлар!
Нима бўлишидан қатиий назар, ўтган ҳар бир кунимиз, сониямиз барчамизга қай бир жиҳатдан самарали ҳаётий сабоқ бера олганлиги билан ҳам қадирли, шундай эмасми?
Муҳтарам дўстлар! Қадирдонлар!
Барчангизга Яратган яшамоқликни, тирикликнинг тахир таъмини татишликни насиб этган ўтган кунларингиз ва яна Оллоҳ ато этажак янги кунларингиз, Янги йилингиз муборак бўлсин!
“Бирдамлик” Халқ Демократик Ҳаракати барча-барчани Янги йил билан самимий қутлайди! Янги йилда Яратгандан барчангизга тан сиҳатлигини, оила тотувлигини, кўнгил хотиржамлиги-ю, дастурхон тўкинлиги сўрайди.
Янги йилда бахтингиз кулсин, толеинги тоғлардан-да баланд бўлсин.Келаётган йилимизда барча эзгу истакларингизнинг рўёбини кўриш насиб этсин! Омад деганлари йил бўйи ортингиздан соядек эргашиб юрсин, азизлар!
Янги йил муборак!
“Бирдамлик” Халқ Демократик ҳаракати