Ассалому алайкум кадрдон ва хурматли Баходир акам. Саломатмисиз?
Сизни хатингизни олиб жуда хурсанд булдим. Миннаторман сиздан.
- Рахматжон (Турабек Сано)
Биласизми, мен сизга тилёгламалик килишдан ёки сизга лаганбардорлик килишдан манфаатдор эмасман. Бундай килишдан менга заррача хам фойда йук. Лекин ХАКИКАТ булгани учун айтишим керакки мен орадан йиллар утиб тушуниб етдимки сиз жуда ОЛИЙЖАНОБ инсон экансиз. Мен буни кеч англадим, жуда кеч тушундим. Кеч тушунганим эса менинг хатойимдир.
Cизда инсонийликда мухим ахамиятга эга булган хислатлар, инсон юрагининиг эзгуликга тула булиши ва калби тозалиги мавжуд. Мана шу хислатлар купрок мухим экан бу хаётда. Мен эса Сизда хар кандай инсон хавас килса арзийдиган эзгуликларга тулган калб ва самимият борлигини уз вактида идрок этолмаган эканман.
Сизни аслида кандай инсон эканлигингизни билолмаганим ва БИРДАМЛИКдан чикиб кетганим менинг айбимдир. Тугри, БИРДАМЛИКдан чикишим асосан Надежда опани босими остида амалга оширган эди. Лекин бунинг учун Надежда Атаева эмас, мен айбдорман. Чунки менда акл бор эди ва мен фикрлашим керак эди.
Хатолар содир этдим, буни билман. Лекин уз умри давомида асло хатолик содир этмайдиган бирон инсон йуклигини хам билмаман.
Таклифингиз учун катта рахмат сизга. Мен Кушма Штатларга тез-тез бориб тураман. Лекин якин орада боролмайман, чунки Францияда хам мухим ишларим бор. Аммо сиз кайфиятингизни тушурманг, мен албатта яна бораман ва сухбатлашамиз. Чунки Сент-Луис шахри менга хам кадрдон булиб колди. Хаётимдаги мухим ходисалар айнан Сент-Луисда руй берди. Мен Сент-Луисни согинаман. Куёш уфкка бош куяётган вактда, окшом пайтида Сент-Луис кучаларида пиёда кезиш ва утмиш хотираларни ёдга олган холатда тонг отгунга кадар Сент-Луис шахрини кезиб юриш мен учун марокли. Нега деганда бу холат менга кайта хато килмаслик хакда сабок беради, Сент-Луис кучалари куп нарсалар хакда хикоя килади.
Балки БИРДАМЛИКнинг келаси сафарги курултойида катнашарман. Лекин бу сафарги курултой учун узр сурайман.
Умид киламанки самимий ва дустона алокаларимиз давом этади.
Мен эса укангиз Бобур Чориевни ва сизни олдингизда яна бир бора самимий тарзда хатоларим учун кечирим сурайман.
Сизни уз кадрдонлари сафида курувчи деб билувчи ва узим узокларда булсамда хаёлан сизни кулингизни махкам сикиб хайрлашувчи Рахматжон (Турабек Сано).
P.S: Мен сизга узимни Истанбулда шахрида тушган расмимдан бир дона юбормокдаман. Бу расмни ака-укачилигимиз рамзи сифатида кабул килинг. Хохласангиз мени шу хатимни ушбу расм билан бирга сайтингизга куйишингиз мумкин. Ихтиёр узингизда.