“Озодлик” Онлайн: “Ўзбекистон мустақиллиги орадан 23 йил ўтиб таҳдид остидами?” (1 сентябр 2014 йил) – (http://www.ozodlik.org/content/article/26559426.html) сарлавҳали эшиттиришда “Озодлик” радиосининг Ўзбек хизмати директори Алишер Сиддиқ жумладан шундай дейди: …“Мана биз ўтган 23 йил ичида сўз эркинлиги, демократия, қонун устуворлиги, диктатурани тугатиш учун ишлаб келдик. Яна “Озодлик” радиоси баъзилар фикрича бизнинг ходимлар ватангадо, хоин, сотқин, ҳасадгўй ва ҳокозо.
Лекин яна 20 йил ўтиб, балким биз, биздан кейинги журналистлар учун балким 10 йил ўтиб, балким 20 йил ўтиб, балким яна 60 йил ўтиб билмаймиз. Лекин аниқ, аниқ нарса шўки маълум муддатдан кейин бир кун бошқа одам озодлик куни билан табриклайди. Худди мана шу микрафонларда, балким бошқа саҳналарда. Озодлик бўлади ва ҳақиқатдан ҳам озодлик куни билан табрикланади. Лекин ўша куни аниқки “Озодлик” радиоси бўлмайди. Чунки “Озодлик” радиоси Ўз фаолиятини тўхтатади. Яъни ўша куни биз бўлмаймиз. …”
“Озодлик” радиосининг ўзбек хизмати директори Алишер Сиддиқ 2009 йилдан буён ўшбу радионинг ўзбек хизматида раҳбарлик вазифасини ўтаб келмоқда. Биз Алишер Сиддиқни радионинг ушбу бўлимига директор этиб тайинланганида жуда севинган эдик. Афсуски, ўтган 5 йил ичида Алишер Сиддиқ, биз 2006 йилдаб буён талаб қилиб келаётганимиз “Озодлик” радиоси ўзбек бўлими таҳририятидаги маҳаллийчилик, тарафкашлик, бирёқламалик, гуруҳбозлик иллатлаларига барҳам бермади, бера олмади, аксинча бу қусурларни авж олдирди.
Қолаверса, Алишер Сиддиқ айни дамда Ўзбекистон режимининг Миллий Хавфсизлик хизмати тўрида типирчиламоқда. У МХХга хизмат қилмоқда! Бунга менинг иймоним комил. Шу боис ҳам мен қўрқмасдан “Озодлик” радиоси ўзбек хизмати директори Алишер Сиддиққа “Ўзбекистон МХХсининг малайи” деган айблов қўймоқдаман ва матбуот орқали овоза қилмоқдаман. Худди ана шу айбловни асослаб бериш истагида Алишер Сиддиқни баҳсга, дебатга чақирмоқдаман. Бироқ у ҳамон менинг чақириғимга сукут билан жавоб бермоқда.
Алишер Сиддиқнинг иддаосига қулоқ соладиган бўлсак, “Озодлик” радиосининг ўзбек хизмати Ўзбекистондаги диктатурага қарши курашмоқда.
Бу лўттибозликдан бошқа нарса эмас.
Шуни комил ишонч билан айтишим мумкинки, “Оздлик” радиоси Ўзбек хизматининг раҳбари Ўзбекистон ҳукуматининг миллий хавфсизлик хизмати таъсирида. Бундан чиқдики, “Озодлик” радиосининг ўзбек хизмати раҳбари эркин фаолият юритишни тушида ҳам кўра олмайди. Шундай экан, мазкур бўлимнинг ўзга ходимларидан нимани ҳам кутиш мумкин?
Оддий бир мисол, “Озодлик” радиоси ўзбек хизматининг эфир эшиттиришлари ва сайтида ёритилаётган мақолаларни диққат билан кузатган киши мазкур “ижод маҳсуллари”да Ўзбекистондаги мавжуд диктатурани тугатиш эмас, аксинча, уни гуркиратишга хизмат қилувчи ахборот ва хабарлар билан тулаётганлиниги кўриш мумкин.
“Озодлик” радиосининг ўзбек хизматида ин қуриб олган, Ўзбекистон режимининг содиқ қули бўлган ва айни дамда ўзбек хизматини бошқариб келаётган Алишер Сиддиқ, унинг таъсирида қолган, ўз журналистлик принципларига путур етказган, касбий талабларини четга суриб қўйган, холислик, ҳалоллик, демократик ва эркин фикрларни айланиб ўтиб, лўттибозликка зўр бериш орқали миллионлаб халқимиз онгини чалғитишга хизмат қилаётган Замира Шукур, ҳамон маҳаллийчилик, тарафкашлик қилаётган “Эрк” партиясининг аъзолари Шуҳрат Бобожнов, Ҳурмат Бобожонов ҳамда Меҳрибон Бакиевалар ушбу радио даргоҳини бўшатиб қўйишлари шарт.
Агарда “Озодлик” радиоси раҳбариятида демократик тамойилларга нисбатан зиғирча ҳурмат қолган бўлса, сўзсиз шундай бўлиши лозим.
Ниҳоят, “Озодлик” радиоси ҳам ўзининг эркин, ҳур фикрли, ҳалол, тўғри сўз, адолатпарвар, ҳар қандай маҳаллийчилик ва тарафкашлиликлардан ҳоли, ҳақиқий, том маънодаги демократик журналистларга, Ўзбекистон режимига малай бўлмаган ходимларга эга бўлиш фурсати келди!
Бизнингча, “Озодлик” радиосининг ўзбек хизматида Ўзбекистон режими таъсирларидан ҳоли, диктатура деб тер тўкмайдиган ҳақиқий демократ журналистларни ишлашларига имкон берилиши керак. Акс ҳолда Ўзбекистондаги диктатуранинг умри чўзилгандан чўзилаверади.
Ишонаманки, бир куни албатта Вашингтонда жойлашган “Озодлик” радиосининг Бош қароргоҳи бизнинг талаб ва таклифларимизни инобатга олади ва тез орада “Озодлик” радиосининг ўзбек хизмати таҳририятини бирёқлама, тарафкаш, гуруҳбоз, маҳаллийчилик касалига чалинган журналистлардан халос қилади. “Озодлик” қачонки диктатурага хизмат қилишга бел боғлаган журналистлардан тозалангачгина “Озодлик” “сўз”да эмас, балким ишда Ўзбекистондаги ҳақсизликларга, инсон ҳуқуқларининг бузилишларига қарши амалий курашларнинг чин маънодаги курашчисига айланади, диктаура устидан демократик тамойиллар ғолиб келишига ўз ҳиссасини қўшади.
Баҳодир Чориев,
“Бирдамлик” Халқ Демократик Ҳаракатининг раиси.