Феруза Ҳуррамова ўғли Дадахон билан Туркияда
Ўтган ҳафтада мухолифатдаги “Бирдамлик” Халқ ҳаракатининг етакчиси Баҳодир Чориевнинг хотини Феруза Ҳуррамовага Тошкент аэропортида унинг Ўзбекистон фуқаролигидан маҳрум этилганини маълум қилиб Ўзбекистонга қўйилмагани ҳамда 9 ёшли ўғли Дадахон билан Туркияга депортация қилингани ҳақида хабарлар тарқатилганди. Ф. Ҳуррамова. У 2014 йил 12 октябрь куни 45 ёшга киради, шу муносабат билан у қонунда кўзда тутилганидек, паспортини янгилаб олмоқчи бўлди.
Баҳодир Чориев “Фарғона” агентлигига содир бўлган воқеанинг тафсилотларини ва бундан кейин нима қилмоқч экани ҳақида сўзлаб берди.
– Феруза аэропортда паспорт назорати масканига етиб келганида, унинг паспортини олиб, ўзини алоҳида хонага ўтишга таклиф қилдилар. У ерда паспорт хизмати ходими билан бирга ёш эсенбечи (миллий хавфсизлик хизмати ходими) йигит турган экан. Шунда улар хотинимга паспортингизда муаммолар бор, мамлакатга кира олмайсиз, дейишди. Президент Каримовнинг сизни ва болангизни мамлакатга қўймаслик тўғрисида буйруғи бор. Шунда хотиним, буйруқни кўрсатинг, сизга ишонмайман, деди. Мени мамлакатга нимага асосланиб қўймаётганларини билишга ҳаққим бор, деди. Улар бўлса паспортингизга ёзиб берамиз, нимага асосанлиги ҳақида, деб жавоб бердилар. Улар бирорта ҳужжат кўрсатмай, хотинимни ва ўғлимни 18 соатга ушлаб қолдилар ва шундан сўнг Туркияга жўнатиб юбордилар.
-Нега бунчалик узоқ ушлаб ўтирдилар?
– Кўринишидан, нима қилишни билишмаган. Феруза норозилигини изҳор этиш учун очлик эълон қилди, унга овқат олиб келишган бўлса ҳам ҳеч нарса емади. Болани эса албатта, қорни тўйғазилди
Феруза Ҳуррамованинг паспортидаги Ўзбекистон президентининг 2014 йил 28 апрель кунги фармони билан унинг фуқаролиги бекор қилингани тўғрисидаги ёзув
– Нима қилмоқчисиз энди?
– Биз АҚШ фуқаролигига ўтмоқчи эмасмиз (Баҳодир Чориев оиласи билан АҚШда яшайди, аммо у бор президентликка номзодини қўйиш имкониятига эга бўлиш учун Ўзбекистон фуқаролигида қолмоқчи эканлиги ҳақида бир неча билдириб келган.-таҳр.). Шунинг учун хотинимнинг ўзбек фуқаролигида қолиш ҳуқуқини ҳимоя қиламиз. Эҳтимол халқаро судга мурожаат қиламиз ёки халқаро ташкилотлар орқали ҳаракат қиламиз. Уни қонунга зид равишда фуқароликдан маҳрум этиб депортация қилдилар.
– Оммавий ахборот воситаларида хабар берилишича, Феруза беш йил давомида консулхонада рўйхатдан ўтмагани учун фуқароликдан маҳрум этилган экан.
– Унақа эмас. У ОВИР рухсатномаси билан, расмий равишда чет элга чиққан, унинг фуқаролиги ва пропискаси қолган, шунинг учун унинг консулхонада рўйхатдан ўтиш талаб қилинмаган. Бу қоида фақат пропискадан ўчирилиб четга доимий яшаш учун чиқиб кетган фуқаролардан талаб қилинади. Феруза ҳозир Туркияда, энди биз Ўзбекистон элчихонаси ёнида пикет ўтказишни режалаштириб турибмиз. Эҳтимол матбуот-анжумани ўтказишимиз мумкин бўлади.
http://uzbek.fergananews.com/news.php?id=10080&mode=snews
“Фарғона” халқаро ахборот агентлиги