10.04.2017

«Бирдамлик» Халқ Демократик Ҳаракати 13 ёшда!

 

Ўз фаолиятини 2004 йил 10-апрелда бошлаган «Бирдамлик» Халқ Демократик ҳаракати ўтган йиллар ичида эл-юрт орасида ўз нуфузига, обрўйига, мартабасига эга бўлди. Фаолиятини бошлагандан то бугунги кунгача Ўзбекистондаги сиёсий режимга қарши нозўровон усул билан курашиб келган Ҳаракат номи айни пайтда нафақат Ўзбекистонда, балки узоқ-яқин хорижий мамлакатларда ҳам яхши таниш.

«Бирдамлик» ХДҲ ташкилот раҳбари, таниқли сиёсий арбоб, нуфузли мухолифатчи Баҳодир Хон Туркистон раҳнамолигида ўтган 13 йил ичида мамлакатимиздаги сиёсий режимга қарши юзлаб тинч норозилик намойишларини уюштиришга, ҳар хил сиёсий тадбирлар, Ҳаракатнинг биринчи ва иккинчи қурултойларини ўтказишга муваффақ бўлди.

Ҳар қандай қийинчиликларга, дўқ-пўписаларга, таъна-ю дашномларга туҳмату бўхтонларга, таъқибу тазйиқларга қарамай ҳақиқатни қарор топтириш, адолатни тиклаш йўлидаги фаолиятини янада кенгайтириш мақсадида холисона курашди ва бу жараённи бугунги кунга қадар давом эттириб келмоқда. Шу боисдан ташкилонинг сафи кундан-кунга сезиларли даражада кенгаймоқда.

Шу пайтгача фақат ўз кучи ва салоҳиятига, тажриба ва билимига таянган ҳолда фаолият юритиб келаётган, мамлакатимизда ҳуқуқий, адолатли демократик давлат барпо этишга ҳисса қўшиш мақсадида астойдил ҳаракат қилаётган, сиёсий, иқтисодий ва бошқа ислоҳотларга оид қатор ғоялари билан халқ ичида обрў-эътибори ошиб бораётган «Бирдамлик» ХДҲ ўзининг 13 йиллигини нишонламоқда.

Ишончимиз комилки, Ҳаракатимиз келгусида ўз олдига қўйган мақсадларга, албатта эришади. Биз, «Бирдамлик» ХДҲга, унинг миллатпарвар, ватанпарвар, жонкуяр раҳбарига ҳамда барча аъзоларига бу йўлда собитқадамлик, матонат ва муваффақиятлар тилаймиз!

«Бирдамлик» Халқ  Демократик ҳаракати матбуот хизмати

http://birdamlik.info/news/бирдамлик-халқ-демократик-ҳаракати-13/

Read also:

БОҲОДИР ЧОРИЕВ МУХОЛИФАТМИ ЁКИ ТАДБИРКОР?!
Боҳодир Чориевнинг Ўзбекистонга қайтиши ўзбек халқига нечоғли муҳим?!!!    Боҳодир Чориев янаям тўлиқроқ айтадиган бўлсак, “Бирдамлик” Халқ Демократик Ҳаракати Раҳбари Боҳодир Хон Туркистон илк танишган [...]
Сурат Икромов олдида ҳар қандай буқаламун ожиз!
  Рости, Ўзбекистон мустақил инсон ҳуқуқлари ташаббус гуруҳи раҳбари Сурат Икромовни эслаш ва унинг ёлғон-яшиқларга бурканган фаолияти ҳақида мақола ёзиш, ҳатто хаёлимга ҳам келмаганди. Аммо [...]
Ӯзбекистон Республикаси Президенти Шавкат Миромонович Мирзиёевга
Ӯзбекистон Республикаси Президенти Шавкат Миромонович Мирзиёевга   Муҳтарам Шавкат Миромонович! Ҳурматли жаноб  Президент! Мен Боҳодир Чориев, Бирдамлик Халқ Демократик ҳаракатининг асосчиси ва етакчисиман. Ҳаракатимиз 2004 [...]
2015 ЙИЛ ПРЕЗИДЕНТ САЙЛОВОЛДИ ДАСТУРИМИЗ
БАҲОДИР ЧОРИЕВ 2015 ЙИЛ ПРЕЗИДЕНТЛИК САЙЛОВОЛДИ ДАСТУРИ
Қўлланма-I
Ҳалқ хокимияти, инсон ҳуқуқлари заминидаги, озод ва фаровон Ўзбекистон учун! Қўлланма (биринчи) “Бирдамлик”Ҳалқ Демократик Ҳаракати Фуқаровий фаоллик учун амалий қўлланма АҚШ “Бирдамлик” нашри 2010 йил [...]
Қўлланма-||
  Халқ хокимияти, инсон ҳуқуқлари заминидаги, озод ва фаровон Ўзбекистон учун!   Қўлланма (иккинчи) “Бирдамлик” Халқ Демократик Ҳаракати ФУҚАРОВИЙ ФАОЛЛИК УЧУН АМАЛИЙ ҚЎЛЛАНМА   АҚШ [...]