(эркин таржималар)
***
МАНУЭЛ БАНДЕЙРА
(1886 – 1968)
***
НАДОМАТ
Ёзурман шеър – йиғлаб худди
Омад чопмай, руҳий хазин…
Кўз ёшсиз ким Хумо тутди,
Буни, наф йўқ, ўқимасин.
Ёзурман қон билан гўё,
Алам қийнаб, пушмон эзиб…
Танимда жўш бахту ахё,
Юрагимдан чиқар сизиб.
Мисралардан юки оғир,
Жоним лабда сўлётгандек,
Оғзимга там келди тахир.
– Ёзурман шеър ўлётгандек.
***
ЮЛДУЗ
Илиқликдан ҳаётий махрум,
Сухо юлдуз кўринар аранг.
Ботмоқда у ва гўё мавхум,
Қмсматимга қилмоқда аттанг.
Коинотда чексиз ва мангу,
Мунчали у совуқ ва олис –
Митти нуқта бўлиб ёнар у,
Худди мендай танҳо, беанис.
Шу экан-да менинг юлдузим,
Лек мендан у мунчалар йироқ,
Юксаклардан, не учун бир зум,
Тушиб, қилмас умримни порлоқ?
Деди осмон: Сенинг юлдузинг,
Сендан шунча юксак ва олис,
Дунёда бу энг сўнги рўзинг,
Ожизликни қилишига хис.
***
МУХБИРГА
Яшаш мушкул,
Дунё тор, баттол,
Ҳаёт эса оқар оққандай.
Менга, мухбир, берсангиз савол:
“Дунёда энг нима севинчли?”
“Билмайман, – деб, айтаман халол, –
Биламан лек не энг ўкинчли –
Хомиладор аёл.
Ҳар қандай!
***
ХОФИЗ ШЕРОЗИЙГА ҒАЗАЛ
Ёзай ғазал ховарисоз,
Хофиз, этиб мадҳинг фароз.
Хис-туйғум, ажаб, жам экан
Назмингда – куйланган Шероз.
Бизгача бул келган етиб,
Шеъриятинг афсун тироз.
Асру жафо қилса нигор,
Вафо қилибсан иҳтироз.
Олам унутди буткул ул
Жафогўларни сарвиноз.
Янграр Самарқандин хануз
Суррудларинг лек дилнавоз.
Олгай Мануэл ҳам бугун
Тафаккурингдин илтизоз.
***
АНДИЖОН
12 11 2011
Изоҳ: Ғазал мустафъилун, мустафъилун вазнда таржима қилинди.
Ундаги айрим сўзлар мазмуни:
*… афсун тироз – сеҳрли
*… илтизоз – завқ, лаззат
*… иҳтироз – сақлаш
*… фароз – очиш, кўтариш
*… ховарисоз – шарқона