Носир Зокир
Ушбу мақолани, аслида, 2010 йилнинг сўнги кунлари ёзгандим. Бироқ,
ўзбекчилик экан, янги йил арафасида ҳеч кимнинг байрамона кайфиятини
бузмай деб, интернетга чиқармасдан тургандим. Балки, ахвол яҳши
томонга ўзгариб ҳам қолар, деган умидим ҳам йўқ эмас эди. Лекин ҳач
нарса ўзгармади ва ўзгарадигонга ўҳшамайди ҳам.
Байрам арафасида, «Бирдамлик» Ҳаракатининг Тўрақўрғон туман кенгаши
раиси Адҳам Отабоев, менга қўнғироқ қилиб, туман қишлоқларидаги
муаммолар ҳақида куйиниб гапириб берди. Уни айтишича, электр чироғи
қишлоқларда кеч соат 6-да ўчади, кейин соат 9ларда ёниб, бир соатга
бормай, яна ўчади. Шу холат кундузи билан ҳам қайтарилади.
Адҳам Отабоев истикомад килаётган Бордимгир қишлоғининг ахолиси,
қишлоққа газ қувурларини сотиб олиб, ўрнатиш учун 22 миллион сўм
маблағни туман газ бошқармасига йиғиб беришган эканлар. Қувурлар
ўргатилган, лекин хозирда юкоридан газни ўзи йўқ, ва қишлоқ ахолиси
газсиз ўтирибди.
Бошка қишлоқлардаги холат ҳам шундай. Лекин шу холатда ҳам соҳага оид
амалдорлар газ учун, электр учун, яъни, бир нави ҳам дуруст
кўрсатилмаган коммунал хизматлар учун тўлов пулларни сўраб
келаверишади.
Шаҳардаги холат эса сал бошқачароқ. Масалан мен яшаётган худудда,
душанба куни кечаси соат 12-да электр учади. Сешанба куни эрталаб соат
6-да ёниб, соат 8-да ўчади. Шу кун кечқурун соат 5-да ёнади. Бу холат
пайшанба ва жума кунлари ҳам қайтарилади. Совуқ сув биз яшайдиган кўп
қаватли уйларга 2 соат берилса, кечгача бўлмайди. Иссиқ сув ёзи билан
бўлмайди. Ноябр ойидан феврал ойигача берилади. Лекин иссиқ сув ҳам
бир тўхтаса, соатлаб бўлмайди.
Шундай холатда одамлар телевизорларини ёқишса 6 нафар «Камолотчи »
чиқиб, жўр бўлиб «Биз ҳеч кимдан кам эмасмиз ва ҳеч кимдан кам
бўлмаймиз ҳам» деб нақл ўқиса, одамларни ғаши келади. Тўғри, бундай
холатларни қўшни Тожикистонда ҳам кузатиш мумкин. Лекин одам бир
нарсага хайрон қоласан. Ахир ОАВ орқали эртадан кечгача
мақтанавермай, мутасадди шаҳслар юқоридаги холатларни сабабларини
ҳалққа тушунтириб берса бўлмайдими? Хозир бозорга борсанг, энг
харидоргир нарса шамчироқ бўлиб қолди. Қишлоқларда эса яҳшиям-ки
одамларда ғўзапоя бор, ўтин бор. Бизнинг ҳалқимиз, албатта, сабрли
ҳалқ, ҳамма нарсага чидайди.
Лекин бу чидам абадий давом этавермайди-ку. Биз тинчлик ҳақида кўп
гапирамиз. Тинчлик ҳаммамизга керак, лекин тинчлигимиз абадий бўлиши
учун, рахбарлар ҳам халқнинг хурматини қилишлари керак-да. «Гуллаб
яшнаб кетдик» деб қайтараверган билан, ҳеч қачон гуллаб яшнаб
қолмаймиз. Ҳалқ катта нарсаларни талаб қилаётгани йўқ. Атиги кундалик
ҳаётига керак бўлган, юқори лавозимли шахслар бажарариши шарт бўлган
нарсалари сўрамоқда холос. Шунга ҳам эътибор қаратилмаса, окибатлари
тузатиб бўлмас холатларни келтириб чикариши мумкин. Ҳалқнинг сабр
косасининг ҳам чегараси бор, хурматли бошлиқлар!
***
Носир Зокир,
Наманган.
3 01 2011