Оғир касал Ўзбекистондаги “Бирдамлик” лидери Малоҳат Эшонқуловани Тошкентдан тиббий ёрдам бўлмагани учун Самарқандга олиб кетишди.
12 апрел куни касалликдан мутлақо ҳолдан тойган “Бирдамлик” лидери Малохат Эшонқуловани қариндошлари Самарқандга келтиришди, у ерда таниш шифокорлар ёрдамида уни даволашга ҳаракат қилишади.
Эшонқулованинг яқинларига кўра, жума 11 апрел куни, у мутлақо ўзини ёмон ҳис қилган – жигарида қаттиқ оғриқ пайдо бўлган.
Мухолифатчининг ташвишга тушиб қолган қариндошлари ўша куниёқ тунда уни туғилиб ўсган ватани Самарқандга олиб кетишган.
Бу ерда, ўзлари ишонган маҳаллий шифокорлар томонидан Эшонқулованинг даволанишига қариндошлари мажбурлашган, қўнғирроқ қилиб безовта қилмасликлари учун унинг мобил телефонини тортиб олишган.
«У жуда қаттиқ ҳолдан тойган кўринади»
Яқинда тошкентлик ҳуқуқ ҳимоячи Шуҳрат Рустамов Эшонқулованинг саломатлигини билиш учун Самарқандга махсус келди.
«Мен уни силласи қуриб, озиб-тўзиб, заифлашган бир алфозда кўрдим», – дейди у.
Шифокорлар Эшонқулованинг яқинларига, жигари қаттиқ касаллангани ташхиси қўйилганини маълум қилишган.
Бошқа тафсилотларига улар тўхталиб ўтиришмаган.
Фақат муолажа амбулатория шароитида ўтиши – беморга осма укол қилинишини айтишган. Айрим муолажаларга уни эри олиб боради.
Ўз ўзини даволаш ёздам бермади, элчихона ҳам
Эшонқулова ўз касали аломатларини илк бор декабрнинг ўрталарида – Конституция кунини нишонлашга уриниш учун милиция тунда қабристон ёнига ташлаб кетганидан сўнг сеза бошлаган.
Март ойида, унинг саломатлиги кескин ёмонлашгач, мухолифатчи уни заҳарлашган, дея гумон қила бошлади.
Март охирларида у АҚШ, Буюк Британия, Германия ва Франция элчихоналарига уни Тошкентдаги халқаро клиникада даволашларига ёрдам сўраб мурожаат қилди.
Унинг илтимоси Ўзбекистон Ҳақиқий журналистлар уюшмаси (ЎҲЖУ) петицияси билан қувватланганига қарамай, элчихона унинг илтимосини қабул қилмади.
Тошкентда журналист мурожаат қилган халқ табиблари ҳам айни ташвишли ташхисни қўйишган – оғир жигар хасталиги ва қаттиқ заҳарланган бўлиши мумкинлини ҳам инкор этишмаган.
Эшонқулованинг ўз-ўзин даволашга уринишлари бу даврда ҳеч бир сезиларли натижа бермади.
Айрим ҳуқуқ ҳимоячиларининг фикрича, Эшонқулова, Ўзбекистонда қолаётган таниқли ҳуқуқ ҳимоячиси сифатида, “Бирдамлик”нинг 26-27 апрел кунлари АҚШда бўладиган қурултойда иштирок этишига йўл қўймаслик учун атай заҳарланган.
Uznews.net