Ўзбекистон Ҳуқуқ ҳимоячилари Альянси 31 август куни учинчи муддатгак Елена Урлаевани ташкилот раислигига сайлади, унинг ўринбосари қилиб – Шуҳрат Рустамов сайланди.
Ҳисобот сайлов йиғилишига вилоятлардан ЎҲАнинг барча аъзолари келишга муваффақ бўлишмади, бироқ Урлаеванинг Тошкентдаги квартираси барибир гавжум бўлди.
Урлаеванинг билдиришича, Альянс низомига мувофиқ раис сайлови тўрт йилда бир марта ўтказилади. Агар календар муддатига қатъий риоя қилинса, йиғилиш майда ўтказилиши керак эди, бироқ ҳукумат таъқиблари, шунингдек, Рамазон ва жазирама иссиқ туфайли мажлис августнинг сўнгги якшанбасига қолдирилганди.
«Мен ЎҲА раиси лавозимини икки муддат кетма кет адо этиб келаяпман, шунинг учун сиёсий корректликдан келиб чиқиб, ўз ваколатимни топшириш кайфиятида эдим», – дея ҳикоя қилади Урлаева.
Елена Урлаевага мажбурий муолажани бекор қилишди 02.06.14
ЎҲА лидери уни мажбурий даволашдан қутқаришни сўрамоқда 22.05.14
Ўзбек ҳуқуқ ҳимоячисини психотроп дорилар билан мажбурий даволашмоқда 07.05.14
Ўзбекистон Омбудсмени журналистларни ҳимоя қилишни истамайди 01.11.13
Елена Урлаевани “жиннихона”га яширишмоқчи 16.04.13
«Шут me»: Нимага БМТ қочқинлар идораси Бондарга рад жавоби берди? 05.04.13
Унинг сўзларига кўра, у ҳатто ўз ўрнига одам ҳам мўлжаллаб қўйган, бунга икки номзодни – Шуҳрат Рустамов ва Аделаида Кимни мўлжаллаганди. «Улар каби шахсларга Альянс таяниб келади», – деди номзодлар юзасидан Урлаева.
Еленанинг раисликни тарк этишига йўл беришмади
Айни пайтда Урлаеванинг ўз ваколатини топшириш ниятини йиғилиш иштирокчилари қўллаб қувватламади.
«Ташкилотчилик бобида Еленага тенг келадиганини топиш қийин, ўзининг толмаслиги ва қўрқмаслиги билан у эътироф этилган лидер», – дея ҳисоблайди Ким.
«Урлаевани бутун дунё танийди, у эътироф этилган халқаро авторитетга эга, бундай лидерни ҳечам алмаштириб бўлмайди», – дея унга қўшилади Рустамов.
Натижада йиғилишда иштирок этганлар бир овоздан Урлаевани учинчи муддатга Альянс раислигига сайлашди.
Умуман, Еленанинг ўзи ҳам унинг фаолиятига ҳамкасбларининг берган баҳосидан жуда ҳурсанд бўлди.
«Мен яна кучимга куч қўшилганини сезаяпман ва Ўзбекистонда яшовчиларнинг ҳуқуқлари учун курашимни давом эттираман, менга берилган ишончни оқлаш учун жон жаҳдим билан курашни давом эттираман», – деди бу юзадан Урлаева.
Ноҳақликларга қарши курашда иборат ҳаёт
Елена Урлаева – тоғ туризми бўйича мастер, “Ахборот” теледастурида инженер бўлиб ишлаган. Мамлакатда “қонун устуворлиги ва адолатган эришиш” учун у ҳуқуқ ҳимоя фаолиятини тўқсонинчи йиллар оҳирларида бошлаган.
Жасурлик билан пикетларга чиққан, уларнинг айримлари ижобий самарасини берган. Ҳукумат қасдма қасд уни бир неча бор руҳий шифохонага мажбурий ётқизган.
Андижон воқеаларидан сўнг 2005 йилнинг майида Урлаева ЎҲАни ташкил қилди, бу ташкилот Ўзбекистоннинг оддий фуқароларини амалдорлар зўровонлигидан фаол ҳимоя қилишга киришди.
2010 йилнинг 15 ноябрида Стокгольмда Елена Урлаева Пер Ангер номидаги юксак халқаро мукофотга сазовор бўлди.
Uznews.net