 | |
| «Бирдамлик» аъзолари «ОШ» – «Оммавий шодлик» тадбирида – Тошкент 2013 йил | |
15 март куни Ўзбекистон “Бирдамлик” халқ ҳаракатининг Жиззах вилоятидаги вакили Нуринисо Холбоева милицияга чақирилди.
Уни Пахтакор туман пастпорт бўлимидан Баҳодир дегани чақиртирди.
У, биометрик паспорт босишда қандайдир хато бўлганини айтиб, уни бошлиғи Олқар Пардаевнинг олдига олиб кирди ва унинг паспортини олиб қўйишди.
Холбоеванинг сўзларига кўра, Пардаев яқин кунлар ичида, тўғирланган паспорт тайёр бўлиши билан, унга қўнғироқ қилишни ваъда қилди, бироқ орадан бир ҳафта ўтгач ҳам у билан ҳеч ким боғлангани йўқ.
“Бирдамлик” фаоли, унинг паспортини 9-10 апрел куни АҚШнинг Миссури штати, Сент Луис шаҳрида ўтадиган ҳаракат қурултойида иштирок этишига йўл қўймаслик учун паспортини олиб қўйишган дея фараз қилади.
Мақсад – рангли инқилоб
Ҳаракат лидери Баходир Чориевнинг сўзларига кўра, АҚШдаги қурултойга Ўзбекистондан 16 нафар шахс таклиф қилинган, 15 та ҳаракат аъзолари ва бир нафар меҳмон — ҳуқуқ ҳимоячиси Елена Урлаева.
Чориевнинг айтишича, ҳаракатнинг кўплаб аъзолари халитдан қийинчиликларга дуч келишмоқда, шулардан асосийси – ОВИР визасини олиш билан боғлиқ, уни Ўзбекистондан ҳорижга чиқиш учу икки йил муддат билан беришади.
Сент-Луисдаги қурултойда “Бирдамлик” ҳаракат рахбарияти таркибига сайлов ўтказиш, низом ва дастурни тасдиқлаш, унинг асосий ядроси бўлган Ўзбекистонда рангли инқилоб амалга ошириш режасини тасдиқлашни кўзламоқда.
“Бирдамлик” 2009 йили Ўзбекистонда, Шаҳрисабзда илк қурултойини ўтказишга уринган, ўшанда Чориевнинг ўзи ҳам мамлакатга келган эди.
Бироқ ўшанда ҳам ҳукумат тўсқинлик қилган, Қашқадарёдаги қурултойга таклиф қилинганлардан саноқли одам келган, айримларни йўлда ушлашган, айримларни эса уй қамоғига олишган.
Uznews.net