ЎЗБЕКИСТОН “БИРДАМЛИК” ХАЛҚ ДЕМОКРАТИК ҲАРАКАТИНИНГ ҚУРУЛТОЙИ ОЛДИДАН!
Халқ ҳокимияти, инсон ҳуқуқлари заминидаги, озод ва фаровон Ўзбекистон учун!
АЗИЗ ҚУРУЛТОЙ ВАКИЛЛАРИ, ХУШ КЕЛИБСИЗ!
Бугун 23 – апрель 2014 йил кеч соат 9. 20 таниқли адиб ва жамоат арбоби, ўзбек, қозоқ, туркман, қирғиз, қорақалпоқ, тожик зиёлилари орасида ҳақиқатпарварлик, адолатпарварлик, қардошлик ва инсонпарварлик уруғлари сочиб, ўстириб келаётган “Туркистон тонги” рўзномасининг бош муҳаррири Раҳимтой Бегалиев, Қозоғистоннинг Олма – Ота шаҳридан АҚШни Миссури штати, Сент Луис шаҳрига Ҳаракат Қурилтойида иштирок этиш учун учқичда учиб келди.
Ҳурматли меҳмонни унинг дўстлари, “Бирдамлик” Ҳаракатининг етакчиси Баҳодир Чориев, Ҳаракатнинг сиёсий ишлар бўйича масъули Абдуфаттоҳ Маннопов, Ҳаракатнинг Бошқарув Ҳайъатини аъзоси Ботир Норбоев ва Ҳаракатнинг фаоли Бобур Хасан кутиб олишди.
“БИРДАМЛИК” ХАЛҚ ДЕМОКРАТИК ҲАРАКАТИНИНГ МАТБУОТ МАРКАЗИ