“Бирдамлик” АҚШдa Малоҳат учун норозилик акциялари уюштиришини билдирмоқда

28.03.14 14:02

“Бирдамлик” агар Малоҳат Эшонқуловага Ўзбекистоннинг Вашингтондаги элчихонаси ва президентнинг кенжа қизининг Лос Анжелесдаги қасри олдида пикет ўтказишини билдирмоқда.Бугун мухолифатдаги “Бирдамлик” халқ ҳаракати ўзининг Ўзбекистондаги вакили Малоҳат Эшонқуловани, эҳтимол ўлдириш мақсадида, заҳарлангани юзасидан баёнот берди.АҚШ, Франция президентлари, Германия канцлери ва Буюк британия бош вазирига йўлланган мурожаатда, эркин демократик дунё Ўзбекистондаги Ислом Каримов режимини «қонун ва ҳуқуқ доирасига» қайтаришга қодирлиги айтилади.

“Бирдамлик” Барака Обама, Франсуа Олланд, Ангела Меркель ва Дэвида Камеронлардан унинг талабларини ўзбек ҳукуматига етказишини сўрайди: 

“Биз Ўзбекистон ҳукуматидан тибиёт комиссияси тузишни, улар Малоҳат Эшонқулова соғлиғи холати бўйича мустақил экспертиза ўтказишларини талаб қиламиз…”

Мухолифат, комиссияга АҚШ, Буюк британия, Германия ва Франция кузатувчилари киритилиши лозим дея ҳисоблайди.

Пикет билан жавоб берамиз

Агар Ўзбекистон ҳукумати «Бирдамлик» талабларини эътиборга олмаса, ҳаракат Ўзбекистоннинг Вашингтон элчихонаси олдида, шунингдек президентнинг кенжа қизи Лола Тиллаеванинг Лос Анжелесдаги, Беверли Ҳиллс саройи олдида, АҚШда муддатсиз пикетлар уюштиради.

2013 йилнинг ёзида, Ўзбекистоннинг ЮНЕСКОдаги элчиси Каримова-Тиллаева Беверли-Хиллсдан 58 млн. долларга савдога қўйилган Le Palais қасрини, 904 North Crescent Drive, Beverly Hills, CA 90210, сотиб олди.

“Биз ўзбек элчихонаси ва Лола Каримова Тиллаева қасри олдига ўз чодиримизни қурамиз – бас бизни ҳар куни кўришсин ва Малоҳат Эшонқулова ва унинг қизи Зарнигон ҳақида эслашсин…” – дейилади баёнотда.

“Бирдамлик”, Малоҳат Эшонқулова соғлиғидан жиддий ташвишда. Агар Каримов режими ўзининг бутун жиноятлари сирасига Малоҳат Эшонқулова ўлимини ҳам киритадиган бўлса, «у ҳолда, унинг мулозимларига, жумладан дабдабали ҳаёт кечираётган Лола Каримова-Тиллаевага маданиятли мамлакатларда ўрин йўқ”.

«Бирдамликчилар»га суиқасдлар бўлган

Ҳаракат, сўнгги йилларда ўзининг уч нафар аъзосини йўқотганини айтади, улар ҳаётдан ўз ажали билан кетганлигига шубҳа билдиради.

2009 йилнинг сентябрида Ўзбекистонда “сирли” тарзда Иномжон Турсунов, 2013 йилнинг ноябрида Валерий Назаров, шу йилнинг мартида эса, «Бирдамлик» лидери Баходир Чориевнинг отаси Хасан Чориев вафот этди.

“Иномжон Турсунов, Валерий Назаров, Хасан Чориевлар ўлимида Тошкент ҳукумати айбдор, улардан фуқаролик фаоллиги, эркинликлари ва жасурликлари учун қасд олишди”, – дея билдиради “Бирдамлик”.

Малохат Эшонқулова шу йилнинг бошидан ўзини ёмон ҳис қила бошлади, сўнгги ҳафталарда 15 кг га озиб кетди, ҳозир унинг силласи қуриган, у бир ойдан ортиқ яшай олишига кўзи етмаяпти.

Яқинда Ўзбекистон Ҳақиқий Журналистлари уюшмаси (ЎХЖУ) АҚШ, Германия ва Франциянинг Ўзбекистондаги элчихоналарига мурожаат йўллаб, зудлик билан Эшонқуловага ёрдам кўрсатилишини сўради.

Uznews.net