Республика ички ишлар идоралари ходимлари томонидан қонунбузарликларни олдини олиш мақсадида, Вазирликнинг Шахсий таркиб бўйича Махсус инспекция ва унинг жойлардаги тизимлари томонидан ички ишлар идоралари ходимларига нисбатан доимий равишда тезкор тадбирлар амалга оширилмоқда. Масалан, ДЙХХ ва бошқа хизмат ходимлари томонидан ҳаракат иштирокчиларига нисбатан таъмагирлик, порахўрлик қилган, қўполликка йўл қўйган ходимларни аниқлаш мақсадида бир қатор текширувлар ўтказиляпти ва чора кўриляпти.
Лекин шунга карамай қонунни чеклаб ўтаётган ходимлар хам йўқ эмас.
2014 йил 20 март куни эрталаб тахминан 09-00 лар чамаси Тошкент вилоятининг Бекобод туманидан Сирдарё вилоятининг Боёвут тумани йўналишидаги А.Навоий хўжалиги худудидан ўз бошқарувида бўлган “Нексия” автомашинасида нормал тезликда бошқариб, харакатланиб келаётган Зиёдулло Норбоевни тўхтатган ЙХХБ инспектори ўзини Исмоил деб таништириб, ўзига тегишли бўлган 20С 010 АА ВАЗ 2107 автомашинасидан тушиб келиб, хайдовчининг автомашинасидан айб тополмагач, машинанинг орқа ойнасидаги пардага нисбатан огоҳлантириш билдириб, жаримага тортиш мақсадида хайдовчининг ёнида бўлган ҳужжатларини куч ишлатиш йўли билан тортиб олиб, қўпол муомилада бўлади.
Шундан кейин Исмоилхон деган инспекторга Зиёдулло Норбоев “Наврўз айёми арафасида бу қилган ишингиз мусулмончиликка тўғри келмайди, илтимос, қўйиб юборинг” дейишига қарамай ундан пул талаб қилади.
Шундан сўнг мажбур бўлган Зиёдулло Норбоев инспекторга 100. 000 сўм санаб беради ва бу вазиятни моҳирлик билан мобиль телефон орқали тасвирга олишга муваффақ бўлади.
Шу ўринда таъкидлаш лозимки, Ички ишлар вазирлиги Шахсий таркиб бўйича Махсус инспекцияси хизмат интизоми ва қонунчиликни бузишга мойил, бир сўз билан айтганда, ҳаддидан ошган ходимларни фош қилиш борасида Ўзбекистон Республикаси Миллий хавфсизлик хизмати ва прокуратура идоралари билан ҳамкорликда иш олиб бормоқда.
Тўғри, ЙХХБ ходими зарур бўлганда кўчалар ва автомобил йўлларидаги транспорт ҳамда пиёдалар қатновини чеклаш ва тақиқлаш, зарур ҳолларда транспорт воситаларини тўхтатиш ва ҳайдовчиларнинг транспортни бошқариш ҳамда фойдаланиш ҳуқуқи ҳақидаги ҳужжатларини, йўл варақалари ва ташиб кетилаётган юкларининг транспортдаги юкларга ҳамда ҳужжатларга мос келишини текшириш, транспорт воситаларидан ноқонуний мақсадларда фойдаланганлиги гумон қилинганда уларни кўздан кечириб чиқиш, маст ҳолдаги, шунингдек транспорт воситасини бошқариш ва фойдаланиш учун ҳужжатлари бўлмаган шахсларни транспорт воситасини бошқаришдан четлатиш, белгиланган тартибда давлат транспортидан шахсий мақсадларда ўзбошимчалик билан фойдаланиш ҳолларини олдини олиш чораларини кўришга хакли.
“Мен уларнинг халқ осойишталиги йўлида олиб бораётган шарафли бурчларини бажаришларига қарши эмасман. Лекин йўл транспорт ҳаракатида иштирок этаётган, йўл қоидаларни бузмаган ҳайдовчини ушлаб олиб, ўзлари ҳеч қандай тегишли бўйруқ ёки дислокациясиз хилват жойга туриб олиб, бизга ҳуқуқ берилган деб қонунга ишора қилиб, йўл тўсарлик қилишлари, ҳайдовчига нисбатан конунга зид равишда ўз манфаатини кўзлаб молиявий санкция қўллашга ҳеч кимнинг ҳақи йўқ деб ўйлайман”-дейди фермер Зиёдулло Норбоев.
Мақолага ЙХХБ инспектори Исмоилхоннинг хайдовчидан пул олаётган пайтдаги холати тасвирга олинган далилий ашё илова қилинади.
Турсунқул ОСТОНАҚУЛОВ
мустақил журналист