Биз – Ўзбекистондаги ҳур фикрли инсонларни, демократик жамият қуриш истагида интилаётган ҳамюртларини бир ғоя остига жипслаштирган, жисплаштира олган бир ватанпарвар йўлбошчи бор орамизда – Баҳодир.
Биз бугун Баҳодир Чориевнинг халқни ҳуриятга етакловчи забардаст ғояларига таърифу тавсиф бермоқчи, “Бирдамлик” Халқ Демократик Ҳаракати етакчисининг тонгги шабнамга чайилган қалби, содда-самимий феъли, одамийлик сийратига чизгилар чизмоқчи, самимий табригу тилакларимизни зерикарли “мажлис”га айлантирмоқчи эмасмиз.
Шусиз ҳам Баҳодир Чориевни яқиндан билганлар, таниганлар унинг олийжаноб феъл, тоза юрак соҳиби, юксак қалб эгаси эканлигини жуда яхши билишади.
Бугун куну тун эл дардига малҳам бўлиш дардида ёниб яшаётган ўзбек ўғлонининг туғилган куни.
Биз бебаҳо умрини ўз ватандошларини диктатор зулмидан халос қилишдек буюк мақсадларга бахшида қилаётган етакчимизни таваллуд куни билан қутламоқчи, унга инжу истакларимизни изҳор қилмоқчимиз, холс.
Баҳодир ҲАСАН!
Туғилган кунингиз муборак!
Танингизни саломатлик, кўнглингизни хотиржамлик, оилангизни тинчлик, дастурхонингизни тўкинлик ҳеч қачон тарк этмасин.
Сизга кўкўпар орзуларингиз рўёбини кўриш бахти насиб этсин.
Ҳеч қачон Аллоҳнинг назаридан, элнинг олқишидан қолманг, халқ хизматидан толманг.
Худо ёрингиз, Пирлар ҳамиша мададкорингиз бўлсин!
Таваллуд кунингиз билан!
Сизга чуқур ҳурмат ва самимият ила “Бирдамлик” Халқ Деомкратик Ҳаракати Ўзбекистон бўлими фаоллари