Тошкент милицияси бугун мухолифатчилар акциясини тарқатишди, улар кундузги бирда оқ кийимда Олой бозорига келиб йиғилмоқчи эдилар.
Бу ғоя афтидан Тошкентнинг ҳуқуқ тартибот идораларига ёқмаган, улар қўрқитиш ва уйдан чиқишни тақиқлаш йўли билан бу «базм»га йўл қўймасликка қарор беришган.
Тунда эшик қоққан ким?
Эшонқулованинг айтишича, тунги 12 ларда унинг квартираси эшигини кимдир 20 минут давомида қаттиқ тақиллатган.
«Айни пайтда, ўғрига ўхшаб, эшикдан нари кетиб индамай турди, кўриш туйнугидан у кўринмади», – дейди Эшонқулова.
У яқин атрофда яшовчи қариндошидан, ким эшик қоқаётганини қараб билиб беришини сўраган ва у, подъездда иккита милиционерни кўрганини айтган.
Эрталаб унинг эшигини тағин тақиллатишган. Бу сафар тақиллатаётганлар яширинишмади ва уй бекаси эҳтиётлик билан туйнукдан қараб, фуқаролик кийимидаги икки эркакни кўрди.
У бунга жавоб бермасликка аҳд қилди, бироз вақт ўтгача калит ёки очқич билан унинг эшигини очишга уринишаётганини сезди.
Ичкаридан уй эгаси калит солганини сезиб, эркаклар қочиб қолишди.«Оқлар»данмисан? Уйингда ўтир!
Агар Эшонқуловага руҳий босим ўтказишган бўлишса, ҳуқуқ ҳимоячиси Шуҳрат Рустамовни бугун эрталаб Шайҳонтохур туман милициясига олиб боришди, у ерда шу кунни агар уйда ўтказса яхши бўлишини билдиришган.
Ҳуқуқ ҳимоячилари Владимир Хусаинов, Татьяна Давлатова ва Чамангул Негмановаларни шунчаки уйлари олдини тўсиб – эшиклари олдига махсус ходимлар билан машиналар қўйишган.
Бунинг натижасида Олой бозори олдига келмоқчи бўлганларнинг ҳаммаси, бу фикрдан воз кечишга мажбур бўлишган..
Милиция эътиборини бугун тошкентлик ҳуқуқ ҳимоячилари ўзига жалб этди, улар кеча оқ кийимда Фарғона бозорида йиғилган эдилар.
Улар ҳеч бир қалтис ҳаракат қилишмаган – шунчаки суратга тушиб қаҳвахонада овқатланишган, бироқ фуқаролик кийимидаги шахсларнинг эътибори остига тушишган, улар ўз мобил телефонларига ҳуқуқ ҳимоячиларини очиқчасига суратга ола бошлашган.
Нозўровон кураш усулларини тарғиб қилувчи «Бирдамлик» мухолифат ҳаракати, яқинда Ўзбекистон Мустақиллигининг 22 йиллиги шарафига 1 дан 10 сентябрга қадар «Ош» («Оммавий шодлик») акцияси ўтказилишини эълон қилган эди.
Ушбу акция пайтида унинг иштирокчиларидан фақат, қандайдир оқ ранглаги кийим билан жамоат жойларида юришлари талаб этилади ҳолос.
Uznews.net