“Бирдамлик” Халқ Демократик Ҳаракати фаоллари Ўзбекистон Республикаси Мустақиллигининг 22 йиллигини Сиз билан биргаликда демократик мезонлар томон дадил қадамлар қўйиш ила кутиб олсак дегандик. Демократия сари мардоновор одим отиш, ривожланган мамлакатлар қаторига қўшилиш, адолатли жамият қуриш, тўкин турмуш таъмини тотиш, адолат тантанасини кўриш азалий орзуингизми? Ана шундай ўлмас орзулар армонга, умидлар саробга айланиб қолмасин десангиз бизга – “Бирдамлик” Халқ Демократик Ҳаракатининг нозўравон кураш йўлига, рангли инқилоб қилиш ғоясига эргашинг!
“Бирдамлик” Халқ Демократик Ҳаракати Каримов диктатурасига барҳам беришнинг энг безарар, қурбонларсиз кураш йўли сифатида – нозўравон кураш усули – фуқароларнинг оммавий бўйсинмаслик амалиётини, Рангли Инқилобни бошланғич биринчи босқичини тавсия этади!
Мана Мустақиллик байрами кунида яйраган юқоридаги ҳисоб халқаро оммавий ахборот воситаларининг эьтиборида. Бу яхши албатта, аммо, «Озодлик» радиосида бу масалада баҳс, мунозара ташкил этдики, уларнинг юқорида айтилганидек, ҳечдан кўра кеч бўлсада халқимизнинг ибораси билан ҳаракат бошланиб, озулар рўёбига уриниб кўрилябди, яхши ниятлар қилинмоқда, бу орзулар ушалмаётган бўлса-да, унинг сафига ҳеч бўлмаганда битта инсон қўшилябди, шу ҳам аслида ютуқ-ку. Таниқли мухолифат аьзолари Гулчеҳра Нуриллаева, илм-билимда тенгсиз Камолиддин Раббимовлар икки гапларининг бирида бу бўлмаган иш, рўёбга чиқмайди, ҳеч ким тан олмайди, ҳеч ким эьтибор бермайди, деган иддоаларни айтиб чиқишди.
Тўғри бу уларнинг эркин фикрлари аммо, битта йўлда, битта истакда, битта орзуда ҳаракат олиб бораётган инсонлар бу тариқа фикр билдиришлари тўғридан-тўғри мухолафатчиларнинг ўртасида аҳиллик, бир-бирини қўллаб-қувватлаш йўқлигини яққол намоён қилиб қўйди.
Дунё тажрибасидан маълумки, қаерда аҳиллик йўқ бўлса, бир-бирини қўллаб қуввотламаса ўша ерда парокандалик вужудга келади. Ҳар икки таниқли мухолифатчиларнинг фикрлари ана шунга хизмат қилди.
Лекин, нима бўлганда ҳам айниқса , Мустақилликнинг 22 йиллик кунларида руҳий қарамликдан қутилишга, қўрқувларга чек қўйишга, оммавий Бўйсинмасликка чорлаш – ОШ – ИНҚИЛОБИЙ БОСҚИЧЛАР томон мардоновор чорлаш ҳар кимнинг ҳам қўлидан келмайди. Буни фақат олқишлаш, қўллаб-қувватлаш керак.
Ўзбекистоннинг эртаси учун қайғуриш ҳисси кўнгилларга ошно бўлса ОШ амалиётига қўшилинг, сафимиздан ўрин олинг!
Насиба МАЪМУР қизи
“Бирдамлик” Халқ Демократик Ҳаракати фаоли