Навоий вилоят ногиронларни реабилитация қилиш марказида дори воситалари даволанувчиларнинг фикрига қараганда йил бошидан буён мутлақо берилмаябди экан.
Илгари беморларга бепул бериладиган пирацетам, витамин В1, В2, ва В3 каби дори-дармонлар тугул ҳаттоки шприцларнинг берилиши ҳам мутлақо тўхтатилган.
Яқин бир ойдан бери гўштсиз овқат ногиронлар учун макарон шўрва, ёвғон шўрва каби таомлар тақдим этилмоқда.
Марказ директори Отабек Тешаевга бу ҳақда мурожаат қилинганда, раҳбардан “Ҳозирги пайтда бирорта касалхонада бизники каби шароит йўқ, наҳот шукур қилмасанглар?!”, деган қабилида жавоб олинган.
Аслида бу оддий касалхона эмас, балки реабилация маркази эканлигини, беморлар бу ерда фақатгина йўлланма орқали бепул даволаниши лозимлигини, даволанувчилар пуллик хизмат учун кунига 34 минг сўмдан яъни, санатория режимида пул тўлаётганликларини марказ директори Отабек Тешаев унутган кўринади.
Шу сабаб бугун ҳар бир ногирон дорихонага, ҳаттоки ногиронлар аравачасида бориб, шприц харид қилиб олиб келишмоқда.
Хосият ҲОШИМОВА
“Бирдамлик” Халқ Демократик Ҳаракати
Навоий вилоят бўлими фаоли