Қарши ички ишлар бошқармаси 3 июл куни калтаклаган Ҳасан Чориев ҳимоясига пикет иштирокчилари аризаси бўйича иш қўзғатилишини рад қилди.
Қарши ҳуқуқ тартибот идораси версиясига кўра, 3 июл кун пикетчиларга ҳеч ким ҳужум қилмаган, улар билан кўчадан ўтган аёллар ва эркаклар ўртасида шунчаки даҳанаки жанг бўлган.
Милиция, нима учун пикетчилардан тортиб олинган нарсалар: сумкалар, паспортлар ва тиш протезлари бир тўп қилиб ташлаб кетилгани воқеаси тафсилотларига киришишни, суриштиришни истамайди.
«Бундан чиқадики, биз ўзимизнинг нарсаларимизни улоқтирган эганмиз», – дейди Эшонқулова.
Унинг сўзларига кўра, жиноий ишни рад қилиш жавобига илова қилинган ҳужжатлар уларни кўпроқ ҳайратини оширди.
Норозилик акцияси иштирокчиларининг айтишича, 3 июл куни ҳар бир калтакланган пикет иштирокчисига иккитадан экспертиза акти тузилган.Улардан бири калтакларга оид – бунга кўра барча гемотома ва кўкарган жойлар текширилган.
Иккинчиси буюмларга оид бўлиб, ҳеч бир эҳтироссиз қаерда пикетчининг сумкаси йиртилгани, кийими йиртилгани ва тугмаси узилгани қайд этилган.
Бироқ эндиликда ишда ушбу актлар йўқ, улар экспертларнинг хулосаси билан алмаштирилган, бунда пикетчилар ҳеч қандай жароҳат олишмаган бундан келиб чиқиб уларни ҳеч ким урмаган дея хулоса берилган.
Эшонқулова Чориевлар билан шу заҳоти, янги ариза ёзишган, бироқ милиция уни олишдан бош тортган.
Тошкентга ИИВ ишонч телефонига қилинган қўнғироқ ҳам фойда бермаган.
Эшонқулованинг айтишича, «ишонч телефони» мулозими, Қаршида аризани қабул қилишлари шартлигини билдирган ва гўшакни маҳаллий милиционерларга беришини сўраган, бироқ милиционерлар «сотка»ни олишдан бош тортишган.
Шунда тошкентлик мулозим Эшонқуловадан овозкучайтиргични қўшишни сўраган ва ўз сўзларини қаршилик изқуварлар учун яна бир бор такрорлаган.
«Бироқ Қарши учун Тошкентнинг гапи ўтмайди – аризамизни барибир қабул қилишгани йўқ», – дейди Эшонқулова.
Прокуратура олдига 17 июн куни ҳибсга олинган Баҳодир Чориевнинг отаси ҳимоясига норозилик билдириш учун келган одамларнинг таъзирини бериш шафқатсиз амалга оширилди.
Эшонқулова, ҳуқуқ ҳимоячиси Елена Урлаева ва Чориевнинг қариндошлари машинадан чиқишлари билан уларга йигирматача аёл ва ўнтача эркак ташланди.
Улар пикетчиларга карате зарбаларини қўллашди, сочларини юлишди, кийимларини йиртишди, ускуналарини, тилла сирға ва сумкаларини тортиб олишди.
Пуллар ва тилла тақинчоқлар шу бўйи топилгани йўқ.
Милициянинг бутун машмашани даҳанаки жангга йўяётгани ишнинг мутлақо уйдирилганидан далолат беради, дея ҳисоблайди воқеа жабрдийдалари.
Uznews.net