Ҳуқуқ ҳимоячилари ва «Бирдамлик» лидери отасининг қариндошлари, 71-ёшли Хасан Чориевга қўйилган, унинг Матлуба Абдураҳмоновага жинсий тажовуз қилгани ҳақидаги айбловлар – мисли кўрилмаган фитна эканлигини аниқлашди.
«11 июн куни унинг ичи кетди, тунда юраги ёмон бўлиб қолди, келин унга укол қилди, эрталаб прократурага ҳассага суяниб борди», – дейди Зулайхо.
Бундан ташқари, Ҳасан Чориев кейинги икки йил ичида инсульт ва инфарктни бошидан кечирди.
Касалманд қария 19 яшар қизни зўрлаши мумкинлигига бўлган шубҳа билан, қариндошлар ва ҳуқуқ ҳимоячилари – Матлуба Абдураҳмоновани топиш ва бу айблов қандай пайдо бўлгани ҳақида унинг ўз оғзидан эшитиш учун Қамаши туманига отланишди.
Бироқ Матлубанинг онаси ва унинг синглиси, бўлиб ўтган воқеани даҳшат билан тинглаб, қизларининг уйдан чиқиб кетганига уй йил бўлганини айтишди.
У Тошкентга коллежга ўқишга кириш учун кетган, кейин қаердадир Қаршида яшаган.
Ойда бир икки марта меҳмонга келиб туради, қўнғироқ қилади, бироқ қаерда яшашини қариндошларига айтмайди.Қашқадарё прокуратураси версиясига кўра, Матлуба зўрланган адресда, аслида қиз ҳеч қачон яшамаган – уйдаги барча сўралганлар ишонч билан, бу квартира аллақачонлардан бери бўш ётгани ва у ерда ҳеч ким бўлмаслигини билдиришди.
Ҳуқуқ ҳимоячилари ва қариндошлар, қўшни уйдаги бошқа бир квартирада яшоқчи Наргиза исмли, уйнинг ҳақиқий эгасини топишга муваффақ бўлишди.
Наргиза — иши юришган бизнесвумен, прокуратура чиқарган ажримни кўриб жуда ҳайратда қолди, жинсий тажовуз содир этилгани айтилган квартирани бир йил аввал сотиб олганини, калитини ҳеч кимга бермаганини билдирди.
Ҳатто у бу юзадан ариза ёзмоқчи бўлди, бироқ кутилмаганда унинг эри ишга аниқлик киритди.
Маълум бўлишича, 17 июн куни ҳуқуқ тартибот идоралари уй бекасидан яширинча уни, нимагадир очиқ бўлган, шу квартирага олиб келишган, ва тергов экспериментида холис гувоҳ бўлишини сўрашган, шундан кейин «бошқа тегмасликлари»ни билдиришган.
Эркак квартирада қандайдир қиз ва қария ўтирганини кўрган.
«Энди ҳуқуқ тартибот идоралари қочишолмайди – бу суҳбатга Чориевнинг қариндошлари, шунингдек, Гулшан Қораева каби обрўли ҳуқуқ ҳимоячилари гувоҳ бўлишди», – дейди, Матлубани қидиришда фаол иштирок этган «Бирдамлик»нинг Ўзбекистондаги раҳбари Малохат Эшонқулова.
Ҳасан Чориевнинг қариндошлари ва ҳуқуқ ҳимоячилиари фикрига кўра, улар қўлга киритган маълумотлар, – қариянинг ҳибсга олиниши, унинг ўғли, яқинда президент бўлиш нияти ҳақида билдирган, Баҳодир Чориев фаолияти билан боғлиқлиги ҳақидаги уларнинг дастлабки версияларини тасдиқлайди.
Uznews.net