Ўзбекистон Олий Судининг Адлия вазирлиги даъвосига асocланиб HRW нинг Республикада олиб бораётган фаолиятини тўхтатиш учун бошлаган маҳкамаси кутилмаган бир ҳолат бўлгани йўқ. Маълумки, 2005 йил Андижон воқеаларини мустақил халқаро комиссия ўрганиб ўз хулосасини айтиши керак, деган позицияда мустаҳкам турган мазкур ташкилот Ўзбекистон ҳукуматининг ва президент Каримовнинг «қора» рўйҳатига тушган эди. Ўшандан бери HRW нинг Тошкентдаги офиси ёпиқ, юборилган вакиллар эса турли баҳоналар билан мамлакатдан чиқариб юборилган.
Ўзбекистонда 15 йилдан бери фаолият олиб бораётган, дунёнинг 70дан ортиқ давлатида ишлаб турган бу ташкилотнинг Ўзбекистонда ёпилиши ҳукумат ва унинг раҳбарлари , шахсан президент И.Каримовнинг шаънига тушган энг катта доғлардан бири бўлиши шубҳасиздир.
Шу муносабат билан «Бирдамлик» ҳаракати Ўзбекистон ҳукуматининг бу ноқонуний ҳатти -ҳаракатига қаршилик кўрсатишга чақиради. Барча мустақил ҳуқуқбонлар, инсон ҳақлари ташкилотлари, муҳолифат вакилларини HRWни қўллаб қувватлашга, Олий Судда бошланган инсон ҳақларига қарши қаратилган маҳкамага фаол қаршилик кўрсатишга, шунингдек, Олий Суд биноси ёнида HRW нинг юртимизда фаолият олиб боришига руҳсат берилишини талаб қилиб пикетлар ўтказишга чақиради.