Тожикистон томонидан техника хавфсизлиги ва эксплуатация талабларига
амал қилмаслик натижасида Фарҳод ГЭСида авария ҳолати юзага келган. Бу
эса Ўзбекистоннинг бир қанча аҳоли пунктлари сув остида қолиш
эҳтимолини кучайтиради. Илгари ушбу ГЭС тўғони Ўзбекистон томонидан
назоратга олинганида 8 тоннадан ортиқ бўлган таранспорт
воситаларининг ушбу ҳудуддан ҳаракатланиши қатьиян тақиқланган эди.
Дамбага кираверишдаги йўлнинг икки томонида оғирликни чекловчи йўл
белгилари, мазкур ҳудудда ҳаракатланаётган транспорт ҳаракатини
назорат қилувчи милиция постлари ўрнатилган эди. Бугунги кунга келиб,
мазкур худудда оғир юк машиналари бемолол юриши, ҳаракатни чекловчи
йўл белгилари ғойиб бўлиши тўғон атрофининг емирилишига олиб келмоқда.Тўғонга маиший чиқиндилар ташлаш ҳолатлари ҳам аниқланмоқда. Бу
хатти-харакати билан Тожикистон томони Ўзбекистонга ўтаётган сув
йўлини тўсишга харакат қилганлигини тан олган. Бундан ташқари
ўзбекистонлик ишчи-ходимларни тўғонга киритмасликнинг турли ноқонуний
йўлларини қўллаб келмоқдалар. Бир пайтлар
Тожикистон томони ушбу худудни назорат қилишни бутунлай Ўзбекистонга
топширган эди. Бунинг эвазига Тожикистон Ўзбекистон худудидан сув
иншооатига уч баробар катталикдаги ўзлаштирилган ер майдонини қўлга
киритган. Аммо, 2000 йили Тожикистон яна ушбу худудга суқилиб кириб
олган.
Бу хатти-харакатларнинг барчаси Фарҳод ГЭСи тўғонининг атрофлари кун
сайин емирилишига, минтақадаги аҳоли ҳаёти ҳамда халқ хўжалигига
мислсиз офат гирдобида қолишига олиб келаётганини Тожикистон
маьмуралари кўра-била туриб амалий чораларни кўришни пайсалга
солаётганларини қандай баҳолаш мумкин?
Насиба МАЪМУР қизи
“Бирдамлик” Халқ Демократик Ҳаракати
Ўзбекистон бўлими фаоли