Мен Намангандаги олий уқув юртларининг бирини 2-курсида ўқийман. Бир куни, интернетда тасодифан ёши мендан улуғ бўлган Васила исмли опа билан танишдим. Билсам бу аёл “Эзгулик” жамиятини раиси Васила Иноятова экан. Сиёсатга қизиққаним боис бу аёл билан жуда мароқли суҳбатлар қурдик. Кунларни бирида Васила опа менга яқин кунларда Наманган шаҳрида “Эзгулик” жамиятини йиғилишини ўтказишларини айтиб бу йиғилишга мени ҳам таклиф қилдилар. Шундай қилиб айтилган жойга яъни Наманган шаҳрининг микрарайон ҳудудидаги “Мажнун-тол” чойхонасига бордим. Йўл-йўлакай йиғин ҳақидаги турлича таъссуротлар билан манзилга борар эдим. Стол атрофида 10-12 нафар етмиш ёшлардаги чоллар ўтиришар эди. Энг тўрида Васила опа ўтирар эдилар. Уларни ичида энг кичиги мен эдим. Дастурхон турли ноз-неъматлар билан тўлган эди. Дастлаб Васила опа “Эзгулик” ташкилотининг тарихи ва бугунги фолияти ҳақида сўзлади. Ундан сўнг “Бирдамлик” ҳаракати фаоли Носир Зокир ҳақида алоҳида тўҳталиб ўтди. Васила опанинг иддаосига қараганда Носир Зокир ўзоқ йиллар ушбу жамиятни фаоли бўлган ва бирдан сафдошларига индамай нетмай “Бирдамлик” халқ демократик ҳаракатига ўтиб кетганлигини ярим зарда, ярим ўкинч билан таъкидлаб ўтди. Мени ҳайрон қолдирган жиҳатлар талайгина эди. Аввало Н. Зокирни “Эзгулик” жамиятига алоқаси йўқлигини, аксинча у “Бирлик” ҳаракатида фаолият олиб бориб сўнгра “Бирдамлик” ка ўтиб кетганини интернет хабарларидан билар эдим. Кейин иккиланиб қолдим. Мени таклиф қилганда Васила опа “Эзгулик” жамиятини Наманган вилоятидаги фаолларини йиғилишига деб мени таклиф қилган эди. “Эзгулик” ни йиғилиши деган йиғинда “Бирлик” даги масалалар кўрилгани менинг учун ғайри табиий кўринди. Агар ҳеч нарсадан хабардор бўлмаган инсон ушбу йиғинда қатнашганда, “Эзгулик” ва “Бирлик” бир ташкилот экан деган фикрга келар эди. Ваҳоланки “Бирлик” сиёсий партия, “Эзгулик” эса инсон ҳуқуқларни ҳимоя қилувчи ташкилотдир. Масалани иккинчи томони йиғинда иштирок этган, етмиш ёшли, кўп нарсадан бехабар чолларга нисбатан “Фаоллар” деган жумлани ишлатиш менимча хатолик бўлади. Чунки эътибор қилсам, қатнашаётган чолларнининг аксарияти у ерга шунчаки ҳордиқ чиқариш учун келишган экан.
Ҳуллас йиғилишдан кейин кўплаб саволларга жавоб топа олмай, ўйланиб юрибман. Бундан ташқари Васила опа “Бирдамлик” раҳбарларини -Америкада рўйхатдан ўтиб, провокация билан шуғулланиб юрибди- деди. Шундан кейин мени ўйлантирган саволларга жавоб топиш учун Носир Зокирни хонадонларига бориб у киши билан суҳбатлашиб бўлган воқеани айтиб бердим. У киши Васила опани менга, Ўзбекистонда демократик ҳаракатларни шакилланишида жуда катта ишларни қилган ва ҳозир ҳам инсонларни ҳуқуқларнини ҳимоя қилишда фаоллик кўрсатаётган жасоратли аёл сифатида тасвирлаб бердилар. Ва Носир ака Васила опани юқоридаги ишларни, у киши ҳақидаги сўзларини Абдураҳим Пўлатовнинг топшириғига асосан қилганини айтиб, у аёлдан хафа эмасликларини таъкидлаб ўтдилар. Носир ака, агар уша йиғилишга у кишини ҳам таклиф этишганда нима учун “Бирлик”дан чиқиб кетганлари сабабларини тушинтириб беришлари мумкинлигини айтиб ўтдилар. Ҳар бир иш ҳалол бўлиши керак. Агар эътибор берган бўлсангиз Носир Зокир, у кишига Васила опани айтган гапларини айтиб берганимда, жаҳл устида Васила Иноятовани менга ёмонлаб тасвирлаб беришлари ҳам мумкин эди. Лекин у киши ўз манфаатларини четга суриб қўйиб, Васила опани халқ учун қилаётган ишларни ўйлаб, у аёлни менга мақтадилар. Шуларни назарга олиб мен “Бирдамлик” ни танладим.
Элзар.
“Бирдамлик” Халқ Ҳаракати Наманган вилояти бўлими фаоли.