Туркия Бош вазири Ражаб Тойиб Эрдўғон ўзининг тарафдорлари олдида чиқиш қиларкан, мухолифатни «уқтириш»га чақирган.
Бунинг учун сайловларда Эрдўғон партиясини демократик тарзда қувватлаб , намойишчиларга халқ кимни сайлашини маданий тарзда кўрсатиш керак, деб урғулаган жаноб Эрдўғон.
Шу билан бирга жаноб Эрдўғон мухолифатнинг муддатидан олдин сайлов ўтказиш талабини инкор қилган. Унинг фикрича, 2014 йилда ўтадиган маҳаллий сайловлар аҳолининг асосий қисмида унинг партияси катта дастакка эга эканлигини исботлайди.
«Мен намойишчиларга кўрсатишингизни хоҳлайман. Бунинг учун демократия талабларидан келиб чиқиб овоз беришингиз керак бўлади», деган Бош вазир.
Кейинги ҳафтада бошқарувдаги Адолат ва тараққиёт партияси Анқара ва Истанбулда Эрдўғонни тарафдорлари иштирокида намойиш ўтказишни режалаштирган.Кейинги ўн кун Туркияда оммавий намойишлар майдонига айланди. Дастлаб экологик талаблар билан бошланган тинч намойишни тарқатишга уринган полициянинг ҳаддан ташқари куч ишлатиши сабабли аксилҳукумат ҳаракатларига айланди.
Намойишчилар ҳукумат ва Бош вазирдан норозиликларини изҳор қилишди.
Ўз навбатида Туркия Бош вазири Эрдўғон норозилик иштирокчиларини экстремист ва бузғунчилар деб атади.
Жаноб Эрдўғон шунингдек Геза истироҳат боғи қайта қурилиши ва ўрнига музек ёки кўргазма зали барпо этилишини билдирди.
Аввалроқ Бош Вазир муовини Булант Аринж ўтган ҳафта юзага келган илк намойишларга бўлган полициянинг зўравон жавоби учун кечирим сўраганди.
Намойишлар рақиб футбол гуруҳларини бирлаштирди
Мухбирларга кўра, Истанбулда қурилган баррикадалар олдида турли футбол гуруҳлари мухлисларини учратиш мумкин.
Туркия Бош вазири Ражаб Тойиб Эрдўғон ўзининг тарафдорлари олдида чиқиш қиларкан, мухолифатни «уқтириш»га чақирган.
Бунинг учун сайловларда Эрдўғон партиясини демократик тарзда қувватлаб , намойишчиларга халқ кимни сайлашини маданий тарзда кўрсатиш керак, деб урғулаган жаноб Эрдўғон.
Футбол майдонларида ашаддий рақиблар ҳисобланган «Галатасарой», «Фенербахче» ва «Бешиктош» клублари мухлисларини ўзларига сув ва газ пуркаган полицияга қарши кайфият бирлаштирган.
Бундан олдин «Галатасарой» ва «Фенербахче» жамоалари мухлислари ўртасида тўқнашув келиб чиқиб, бир киши ўлдирилган эди.
Намойишчиларга қўшилган футбол мухлисларининг айтишича, полициянинг ўзларига нисбатан кўздан ёш оқизувчи газ ва сув пуркаши янгилик эмас.
Улар ўзларининг сиёсатдан узоқ эканликлари, Таксим майдонидаги одамларни полициянинг зўравонлигига қарши қувватлашга аҳд қилишган.
BBC