«Бирдамлик» Xалк Демократик харакатининг Хоразм вилоятидаги Етакчиси Валерий Назаров 8 декабр Конституция куни муносабати билан эьлон килинган харакатнинг «ош» тадбирида фаол иштирок этгани учун маьмурий органлар томонидан назората олинган эди. Айни кунда Валерий Назаровнинг такдири номаълумлигича колмокда.
Валерий Назаров хакида биздаги охирги маълумот шу еди:
Ассалому алайкум,Малоҳатхон!
Биз сизни куттирмаслик мақсадида 4 декабрь куни 10га яқин Конституция китобини Валерий оға томонидан оқ шарф ўраган ҳолда аҳолига тарқатилиш жараёнини суратга олган эдик. Эрталабдан кечгача Хива шаҳрини айланиб,туман ҳокимлиги олдида ҳам Валерий оғани оқ шарфда суратга туширдик. Мен ўзим суратга тушиб юбормасликка қарор қилдим,чунки вилоят газетасида ишлайман,уларнинг кўзи тушса тўғри келмайди,шунинг учун Валерий оғани суратлар танловида иштирок этишига ёрдам бердим.
4 декабрь куни уйга кечқурун қайтсам,чироқ ўчибди. Флешкадаги расмларни юборолмадим. 5 декабрь куни эрталаб ток ишлаганида сиз ва “Бирдамлик” адресига юборган хатим негадир отказ бўлиб,ўз почтамга қайтиб келаверди. Кейин яна чироқ ўчди. У тушдан кейингача ёнмади. Шу пайт Валерий оғадан телефон келди. У,уни туман ички ишлар бўлими бошлиғи ҳузурига чақиришганини айтди.
Энди расмларни бир амаллаб юбормасам бўлмас,деб,ўзим ҳам бирорта фотосуратга олиш йўлини топарман деган ниятда уйдан чиқсам,подъезд олдида 2 нафар милиция ходими турган экан. Улар мени тўхтатиб,қўлимлаги фотоаппарат ва телефонимни,кўзимдаги видеочкини тортиб олишди. Фақат телефонимни қайтариб беришди,телефонимда камера йўқ,фақат аудиоёзувларнигина ўқийди. Қолганларини кейин оласиз,дейишди.
Улардан бири,менга “Биз сизни нима қилмоқчи бўлаётганингизни биламиз. Шу ишни қилманг,уйингизга боринг. Бўлмаса,сизга ёмон бўлади” деди. Бирдан қилган дағдағаларидан довдираб,исмларини ҳам сўрамабман. Уйга қайтдим. Валерий оғага телефон қилмоқчи эдим. Тушолмадим. Яна ток келиб,ахир суратлар флешкада бўлмаса,электрон почтамда бор-ку,деб,почтамни очсам,унда мен прикрепить қилган файллар йўқолибди. Шу билан суратлар гумдон бўлди. Деразадан қараб,уйимиз олдида бир неча шубҳали одамлар ва милиция ходимлари изғиб юрганини кўрдим. Худди уй қамоғида ўтиргандайман.
Бугун Валерий оға Тошкентга бориш учун вокзалга келиши керак. Уни хавотир билан кутяпман. Малоҳатхон,илтимос,бу гапларни бирор сайтда эълон қилманг.
Ҳурмат билан Довуд Сулаймон.
http://www.wdscode.guru/birdamlik/?p=25498#more-25498
Бирдамлик Халк Демократик харакати матбуот хизмати