 | |
 | Малохат Эшонқулова Конституция кунига бағишланган Олой бозоридаги мусобақани тайёрлаган |
Самарқанд вилояти, Оқ дарё тумани Қиёт қишлоғи йўллари оқшом, кечаги кундан бошлаб очилди.
Қишлоқнинг тўрт томонида туриб, одамларни қўрқитувчи машиналар энди ортиқ навбатчилик қилмаяпти.
“Бирдамлик” мухолифат ҳаракати лидери Малоҳат Эшонқулованинг уйи олдида ҳам машиналар йўқ. Сўнгги бир неча кун давомида иккита енгил машина ва бир микроавтобус у ерда муттасил пойлаб турди.
Қишлоқда мобил алоқаси тикланди. Беш кун давомида Қиёт қишлоғида ҳеч кимнинг мобил телефони ишламади. Эшонқулова, унинг уйи олдидаги машиналар, алоқа тармоғини узишга мўлжалланган махсус техника билан жиҳозланган дея гумон қилади.
“Мен озодман, Тошкентга боришим, телефонда гаплашишим мумкин», – дейди Эшонқулова.
Бутун бошли қишлоқни назорат остига олишдан мақсад – битта аёлни, – Эшонқуловани, Ўзбекистон Конституциясининг 20 йиллиги нишонланадиган 8 декабр куни, асосий қонунни энг яхши билувчилар танловини ўтказишдан тўхтатиш бўлган.
«Бирдамлик»нинг «ОШ» (Оммавий шодлик) акцияси Конституция шарафига оқ кийим кийишни кўзлаган. Одамлар, ўзларининг оқ кийган суратларини ҳаракат ҳайъатига жўнатиб фототанловда
 | |
 | |
| Мен озодман, Тошкентга боришим, телефонда гаплашишим мумкин» | |
| Малоҳат Эшонқулова | |
| |
Конституция Куни арафасида
Малохат Эшонқулова Қиёт қишлоғида ўз онасиникида меҳмон бўлган, 7-декабр куни Тошкентга Олой бозори олдидаги фототанлов ва «ОШ» тадбирини ўтказиш учун йўлга ҳозирлик кўрган.
Эшонқулованинг сўзларига кўра, тахминан соат 12 ларда унинг машинасини йўлда турган иккита “Нексия” тўсган. Ундан нотаниш эркаклар чиққан, улардан бири ўзини жиноий қидирув ходими дея таништирган ва ўзлари билан юришини буюрган.
Эркаклар уни Оқдарё туман милиция бўлимига олиб боришган, бу ерда у 18 соатгача қолиб кетган. Кутилмаганда у милицияда 16 ёш қизин кўрган.
Маълум бўлишича, унинг қизини бувисиникидан милицияга олиб келиб, ечинтириб кўрикдан ўтказишган. Милиционерлар, бола онаси томонидан, ахборотни ўз ҳамкасбларига етказиш учун куръер сифатида фойдаланилган дея ҳавфсирашган.
“Мен милиционерларга: у вояга етмаган, унинг айби нима, нима учун уни адвокатсиз ва педагогсиз сўроқ қилдингизлар?, дедим”, – дея ҳикоя қилади Эшонқулова.
Кечга яқин Эшонқуловани қизи билан онасининг уйига олиб бориб қўйишган, ундан уйда қолишни ва ҳеч ким билан мулоқотга чиқмасликни талаб қилишган.
Эшиги қулф квартирада
Бироқ Эшонқулова Самарқандга, эрининг олдига боришга аҳд қилган. Уни Самарқанд туманидаги эрининг уйидан милиционерлар тахминан соат 22 да топишган.
Улар “Бирдамлик”лидерини эри билан бирга олиб кетишган. Уни Самарқанд вилоят милиция бўлимига, эрини эса – Самарқанд туман милиция бўлимига олиб кетишган.
“Сиз нега қочдингиз”, – дея тергов қилишган Эшонқуловани милиционерлар. Бунга жавобан у қочмагани, балки эриникига борганини айтган. Соат тунги 12 гача уни совуқ машинада ушлаб ўтиришган, кейин номаълум қвартирага олиб бориб, эшигини қулфлаб қўйишган.
“Квартира жуда ҳам совуқ эди, мен бир ёстиқ топдим ва учта стулдан ўзимга ётоқ ясадим”, – дейди у.
Эрталаб 8-декабр куни, президент ва Ўзбекистон ҳукумати Конституциянинг 20-йиллигини нишонлаётган пайтда, Эшонқулованинг олдига, уни унга таниш бўлган Оқдарё милиция бўлимига олиб кетиш учун келишган.
“Сиз совуқ камерада ўтиришни истайсизми, ёки ойингизнинг уйида, бироқ ҳеч қаерга чиқмасдан ва мулоқотга киришмасдан ўтиришними”, – дея у билан гаплашган мулозим унга иккита вариантни таклиф қилган. Эшонқулова онасиникида уй қамоғида ўтиришни афзал кўрган.
Қўшнилар олдида ноқулай бўлди
Қиёт қишлоғи, 8 дан 11 декабргача осойишта ва камтар қишлоқ тинчини бузган машиналар ва фуқаролик кийимдаги мулозимлар билан тўлди.
Кўп одамлар, қишлоқда ҳавфли жиноятчи яшаяпти деган ўйга боришган, кўплар эса Эшонқулова билан мулоқот қилмаслик ҳақида огоҳлантириш олишган.
“Одамлар менинг турқимдан қўрқа бошлашди, – дейди Эшонқулова, – мени кўришлари билан, уйларига шошилишади”.
“Ўзингиз қўрқмайсизми?” деган саволга Эшонқулова, ўзи учун қўрқмаслигини, унга ўз ҳамқишлоқлари олдида уят бўлганини айтади: улар, уни қандайдир жиноятчи дея гумон қилишлари мумкин, гарчи у аслида Ўзбекистон Конституциясини қўллаб қувватламоқчи бўлган.
Uznews.net