Ўзбекистоннинг диктатор президенти Ислом Каримовнинг алмисоқдан қолган бир гапи бор, кўп эшитгансиз: “Янгисини қурмасдан туриб, эскисини бузма?” Биз, “Бирдамлик”чилар ул “уломо”нинг бу фикрларига қўшилаолмаймииз. Нега? Сабаб шундаки, дўппини бошдан олиб, юқоридаги ибораларни, аввало, атрофлича бир таҳлил қилайлик, мушоҳада этиб қўрайликчи: Бу билан Каримов “жаноби олийлари” нимага ишорат қилмоқчилар?! Янги Ҳукумат тузмасдан туриб, менинг Ҳокимиятимга ҳамла қилма, “тил теккизма!” деганлари эмасми, мабодо? Ана, энди, ўзингиз ўйлаб қўрингчи, Каримов тамал тошини қўйган диктаторлик биносига барҳам бермай туриб, қандай қилиб, ҳурлик ва озодликни, инсон ҳуқуқларини кафолатловчи ўз иморатимизни бунёд қилишимиз мумкин? Ана шу нуқтаи назардан биз Каримовнинг “фалсафаси”ни пучга чиқаришга, инкор қилишга мажбурмиз.
Бизга аёнки, Каримов тўдаси коммунистик режимнинг тарафдорлари, маддоҳлари бўлишган. Бугун собиқ тузумнинг ўша малайлари ватан озодлиги ва эрки учун курашга отланган юзлаб ватанпарварларни чиқинди каби чиқитга чиқариб юбрди. Элпарвар инсонлар ўрнини эса Каримовнинг фатвоси билан собиқ СССРнинг маддоҳлари, бир ҳовуч тўда эгалладики, улар 20 йилдан буён ўзбек халқини бепичоқ буғизлаб, қонини ичиб келмоқда.
Уларнинг ноғарасига ўйнашдан бош тортганларни, йўриғига йўрғаламаган мард, жасур халқ вакилларини эса азобламоқда, қамамоқда, бошларига ит кунини солмоқда, оқибат, ҳам руҳан, ҳам жисмонан топташга, йўқ қилишга уриниб келмоқда, ва маълум манода бу каби қабих мақсадларига эришмоқдалар ҳам.
Ҳалиям кеч эмас. Биз, ўзбек халқи дунё диктатор деб тан олган Каримовнинг салтанатига барҳам бермоғимиз ва ўз танлаган эзгу йўлимиздан дадил ва шахдам одим отмоғимиз шарт.
Биз нечоғлик истамайлик, Каримов “кашф” этган, ҳур фикрли инсонларни янчишга, элни эзишга асосланган ҳақсизлик машинасини издан чиқариш учун кенг қамровли буйсунмаслик ҳаракатларини олиб бориш осон кечмаслигини жуда яхши тушунамиз. Аммо шуни унутмангки, шоир лут қилганидек, “Болам дея яшайди ўзбек!”. Бас шундай экан, зурриёдларимизнинг эртаси, порлоқ келажаги учун сизу биз бугун ҳаётимизни хатарга қўйишга-да мажбурмиз. Буюк орзулар йўлида бирлашишимиз, қўлни-қўлга бериб, бирга-бирга олға босмоғимиз шарт. Ана шундагина Каримов бунёд этган ёвузлик салтанатига барҳам бера олишимиз мумкин.
“Бирдамлик” Халқ Демократик ҳаракати томонидан ташкил этилган “Оммавий Шодлик” марафони сиз, азиз ватандошларимизни ҳамжиҳат, ҳамфикир бўлишга чақиради.
Орангизда элнинг эртасини, дилбандининг ҳурлигини ҳоҳловчилар бўлса, у ҳолда, аввало, ҳашарга, “Оммавий Шодлик”га, ОШ марафонига марҳамат!
Огоҳ бўлинг, Оммавий Шодликнинг якунига атиги 2 кун қолди!
Каримов тузумига бўлган ўз норозилигингизни оқ либослар орқали ошкор қилишдан чўчиманг! Чунки сизни эртага нурафшон кунлар, порлоқ кечалар, қўйингчи, мунаввар келажак кутмоқда. Ва яна бир нарса, Оммавий Шодлик марафонининг мукофоти ҳам сизга илҳақ. Шундай экан, ўз суратларингизни тақдим этишдан толманг, ҳечам чарчаманг, иккиланиш, қўрқув нима, билманг! Токи сизнинг келбатингиздан Каримов деганлари қўрқувга тушсин!
Танлов танижаларига кўра, тез кунда молиявий рағбатлар ўз эгасини топади. Бунга саноқли кунлар қолди,холос.
Ва яна шуни ҳам севинч билан қистириб ўтишни истардикки, тадбиркору ишбилармонларимиз орасида ҳам Каримов режимини ёқламайдиган юртдошларимиз талайгина экан. Айни кунда Каримов салтанатини дарз кетказиш илинжида марафонни молиялаштиришга баҳоли қудрат ўз кўмакларини қўшаётган элпарвар юртдошларимиз сони 22 нафарга етди. Улар томонидан берилган молиявий қувватлов миқдори эса 1520 АҚШ долларни ташкил қилмоқда.
8 сентябрь куни wester union кўмагида икки нафар россиялик юртдошимизнинг ҳар биридан ҳисоб рақамимизга 50 АҚШ долларидан, 100 АҚШ доллари келиб тушди. Шунингдек, яна бир ватандошимиз томонидан http://paylal.com воситасида бош қароргоҳимиз манзилига 35 АҚШ доллари миқдорида молиявий қўллов юборилган. Навбатдаги ватандошимиз эса Money order орқали 75 АҚШ доллари тортиқ этган.
Халқ ва миллатнинг мунаввар кунлари учун моли ва жонини тикишга ҳам шай юртдошлар! “Бирдамлик” Халқ Демократик ҳаракати барча-барчангизга ўз ташаккурини изҳор этади!
Навбат кутиб турган олийҳиммат юртдошларимизга эслатма: бизнинг АҚШдаги Бош қароргоҳимизнинг манзили Birdamlik Movement , 1813 Peach St., Sant Peters, MO 63376 USA.
Банк реквизитлари ва электрон йўлловларимиз:
– Cheek, Money order, Wester Union, Moneygram учун
– Birdamlik Movement га 1813 Peach St.,Sant Peters, MO 63376 USA
– Banklar orqali o’tqazmalar uchun
– Bank of America
– Account # 354004944339
– Routing # 081000032 Or 026009593
– For Internetional
– Account # 354004944339
– Routing #BOFAU53N
– Internet orqali Visa,MasterCard va boshqa turdagi debit,kredit kartochkalardan to’lash uchun quyidagi rasmni bosing:
– http://www.wdscode.guru/birdamlik/?page_id=3684
Атиги 2 кундан кейин “Оммавий Шодлик” марафони якун топади. Демакки, омадингизни синаб кўришга ҳали икки кун ватқингиз бор! ОШ марафонида иштирок этинг ва ғолибликни қўлга киритинг! Барчангизга омад ёр бўлсин!
15 сентябрь куни аксия шоҳсупасига муносиб деб топилган юртдошларимиз билан таниши имкониятига эга бўласиз.
“Бирдамлик” халқ демократик ҳаракати Матбуот хизмати