(таржимаи ҳолимдан)
Бу одамнинг исмини эслаб қолмаган эканман. Интернетдан ҳам (хозирча), тополмаяпман. Лекин у АЖОЙИБ инсон экан. У, 1991 йили Ленфильм киностудиясида суратга олинган “Пирамида-1” номли бадиий фильмининг постановкачи режисёри.
Бу фильм, ҳаммамизга яҳши маълум, СССР Бош прокуратурасининг ўта мухим ишлар бўйича терговчиси Тельман Гдляннинг, шу номли китоби асосида суратга олинган, “Пахта иши”, “Ўзбеклар иши” деб ном олган, ишлар ҳақида. Бу фильм сураттга олинган йилнинг ўзидаёқ, Москва ва Ленинград шаҳарларида намоиш қилиниши таъқиқланган, кейинчалик, ҳуқуқни мухофаза қилувчи органлар томонидан мусодара қилинган экан.
Лекин унгача, муаллифлар Кузбасснинг Кемерово шаҳрида фильмнинг презентациясини ўтказишга улгиришган эдилар. Мен ўша презентацияда бўлганман, ва ўшанда куйидаги воқеа содир бўлган эди:
Ўшанда, 1991 йили, август ойининг бошларида, бир неча шериклар билан, Кемеровога 10 тоннали “Камаз”да мева-чева олиб борган эдик. Юкимизни 2-3 кунда сотиб тугатдик, ва кайтиш учун Томск – Андижан (уланувчи 2 вагони Кемероводан қатновчи) поездга билетларни ҳам олиб қўйган эдик.
Поезд кечаси кетарди ва кундузи 10 соатдан ортиқ бўш вақт бўлиб қолди.
Мен бу вақтни ўтказиш мақсадида, бирор кино кўрмоқчи бўлиб, шаҳарнинг, кенг форматли “Юбилейный” номли кинотеатрига бордим. У ерда, ёнбошда алохида турган, катта афишага кўзим тушди. Афишада:
“Презентация художественного фильма “ПИРАМИДА-1”. Фильм об узбекском хлопковом деле. Состоится встреча со следственной группой, проводивщей расследование, и с творческой группой, создавщей фильм”, деб ёзиб қўйилган эди.
Презентация эса 5 кундан кейин эди. Мен, бу фильм, ҳеч қачон Ўзбекистонда қўйилмаслигини тушуниб, уни томоша қилиб кетишга қарор қилдим. Сахнага яқинроқ қатордан, сўзга чикишга зарурат бўлиб қолса, деб, ҳар эҳтимолга, йўлак чекасидан (проходдан) билет олдим. Поездга билетимни эса (25 фоиз зараримга), топшириб келдим. Беш кун, презентация кунини, ўта илҳақлик билан кута бошладим. Нихоят, шу кун келди, ва презентация, яъни, такдимот маросими бошланди.
Тақдимотда, таниқли кишилардан, фильмнинг бош ролини ижро этган актёр, Пётр Вильяминов (“Командир счастливой Щуки” фильмидаги сувости кема капитани) ва СССР бош прокуратурасининг ўта мухим ишлар бўйича терговчи Николай Ивановлар катнашди. Тельман Гдлянни, сайлов-олди ишлар билан, Зеленогорск шахрида эканлигини эълон қилишди.
Биринчи бўлиб фильмнинг постановкачи-режисёри гапирди. У салом-аликлардан сўнг, шундай деди:
– Мы сняли фильм, о, всем вам известном, хлопковом деле. Когда, Михаил Сергеевич Горбачёв, со своей супругой, Раисой Максимовной, на своей даче посмотрят его, наш фильм им очень не понравиться. Потому что это не хлопковое дело, и не узбекское дело. Это кремлёвское дело! Что бы вы могли представить себе масштабы этого дела, хочу вам задать вопрос: Какая толщина десяти тысяч рублей, то есть одной пачки сторублёвых купюр?
Минг кишилик, лим тўла залдан, саволнинг мохияти тушунарли эмаслигидан, бирон бир жавоб эшитилгани йўқ. Кинорежиссер ўзи давом этди.
– Один сантиметр! Это десять тысяч рублей. Сто тысяч рублей будет всего десять сантиметров! А, знаете, сколько будет миллиард?! Один километр плотно сложенных сотенных! Так вот, одна республика украла четыре с половиной миллиарда рублей! Представляете(?) – четыре с половиной километра сотенных! А ведь они обкрадывали вас! Вы(!), вместо трёхсот рублей, получали двести, вместо четырехсот рублей получали триста…
Бу гаплардан сўнг, фиғоним чиқиб кетди. Кейин, қандай гаплар бўлди миямга кирмадиям. Эсимда қолгани, Н.Иванов, бир жуссаси кичик аёлни сахнанинг ўртасига чикариб, “Они нас обвиняют, что мы применяли жестокие пытки. Вот, посмотрите на эту женщину. Она тоже в нашей группе была. Может-ли такая женщина пытать людей?” деганда, залда кулги кўтарилган эди.
Охирида, учрашувни олиб борувчи, кимда қандай саволлар бор, мархамат (если у кого есть, какие вопросы, пожалуйста), деганда, шарт ўрнимдан туриб, ўртага чиқдим.
Олиб борувчидан микрофонни олиб, залга қараб, хаёжондан тиззаларим қалтираб, бир неча сония, гапимни йўқотиб қўйдим. Ичимда, “Лаилаҳа иллалоху Муҳаммаду Расувлиллоҳ”, деб тиззаларим қалтирашини бир амаллаб тўхтатиб, гапимни бошладим:
– Здавствуйте, я из Ўзбекистана. Фамилия моя Зайнабитдинов. У меня не было желания выступать. Но, уважаемый режисёр тут такое сказал, что я невыдержал. У меня тоже к вам всем вопрос: Скажите, в каком году Советский Союз последний раз покупал хлопок из-за рубежа?
Бир неча сония кутдим. Залдан ҳеч қандай жавоб бўлмади. Ўзим давом этдим:
– В тысяча девятсот тридцать втором году! С тридсать второго года, эта республика, обеспечивает хлопковую независимость нашей страны. Представте себе, что бы было сейчас в зале, если мгновенно не стало бы ўзбекского хлопка!
Бутун залдагилар, деярли баралла, мийиғида кулиб қўйишди. Ҳа, ҳамма тушунди, залда яхлит ярим яланғоч одамлар ўтирган бўларди:
– Может быть, наш уважаемый кинорежисёр не следил за соей речью. Но, если кто то воровал, надо говорить конкретно кто, а не обвинять всю республику! – деб сўзимни якунладим. Бутун зал қаттиқ қарсак чалиб юборди.
Сўзимни тугатишим билан, кинорежисёр сахнани тепасида, рўпарамга, деярли юғургилаб келиб (мен пастдаман), микрофонни бер деб, қўлини чўзиб турарди. Унга микрофонни беришим билан у, бир қўлини зал томонга узатиб:
– Прошу меня извинить! Прошу меня извинить! (зал тинчлангач), – Безусловно, простой узбекский народ к этим кражам не имеет никакого отношения. Воровали приспешники кремля. А узбекский народ – дружелюбный, трудолюбивый, прекрасный народ! Низкий поклон узбекскому народу, – деб, икки букилиб, ҳа(!), икки букилиб, таъзим қилди.
Зал яна қарсак чалиб юборди. Хаяжондан, яна тиззаларим қалтирай бошлади. Жойимга бориб ўтирдим. Фильм бошланди. Уни кўриб ўтирганимда, бир рус йигит келиб:
– Пойдём, тебя зовут, – деди. Миямга ёмон фикрлар келди. Чунки, ўша пайтларда, Россиядан ўзбек солдатларининг жасадлари келиши, Россия шаҳарларининг бозорларида, кўча-кўйларида ўзбекларни тростлар-у занжирлар билан дўппослашлар авж олган эди. Мен: – Я специально остался в Кемерово на неделю, что бы посмотреть этот фильм, – деб у билан бирга бормаслик учун бохана қилдим. Ичимда эса, кино тугай деганда “суриб юборишни” режалаб қўйдим.
Йигит индамай қайтиб кетди. Кўп ўтмай у яна қайтиб келиб, менга: – Тебе передали, – деб, қўлимга, нималардир солинган, пакет бериб кетди. Очиб қарасам, гриль нимтаси, ширинликлар, мева-чевалар солинган, насиба экан. Мени зиёфатга чақаришган экан, мен бошқа нарсаларни ўйлаб юрибман…
Хуллас, шундай вокеа содир бўлган эди. Бу ҳақда мен илгари гапирмагандим ҳам, ёзмагандим ҳам. Чунки, мақтанчоқлик килаётганимга ўхшаб қоларди. Лекин бугун “ўзбеклар қўйлар”, “ўзбеклар балиқлар”, “ўзбеклар қўрқоқ” деган гаплар шундай кўпайиб кетдики, бир рус зиёлиси ўзбек халқи ҳақида қандай фикрда эканлигини ва унинг ОМОНАТИНИ эгасига етказмасликка ҳаққим йўқлигини тушундим:
Ҳечдан кўра, кеч: “Ўзбекский народ – дружелюбный, трудолюбивый, прекрасный народ! Низкий поклон узбекскому народу”, деб айтган, ва икки букилиб таъзим қилган, рус ҳалқининг олижаноб бир вакилининг, омонатини қабул эт Халқим!
***
Саиджаҳон Зайнабитдинов.
Андижон. Ўз Р
14 07 2012