Қирғизистоннинг хукумат бошчиси Омурбек Бабанов митинг пикетларни чеклаш ташаббусини қайтадан кўрди. Хукумат йиғинида Бабанов охири тугамаган митинглар иқтисодиётга терс таъсир кўрсатаётганини айтиб, қонунсиз митинглар учун жарима пулларини миллион сомгача кўпайтириш керак, деди.
Бунгача хам Омурбек Бабанов ўлкада 3 йилгача митингларга мораторий эълон қилиш таклифини мухолифат вакилларига йўллаган эди. У охири тугамаган норозилик акциялар чет эл сармоядорларини қочириб, ўлка иқтисодиётига терс таъсир кўрсатаётганлигини таъкидлаган.
Охири кўринмаган митинглар бўлса Қирғизистон учун одатий кўриниш. Ўз вақтида Бабанов хам норозилик акцияларининг бошида туриб, конституциявий ўзгаришлар учун чақириқ ташлагани кўпчиликнинг эсида. Ёш сиёсатчи айнан ўша митингларда олдида бўлиб кўпчиликка танилган.
Қирғизистонда хукумат хам, мухолифат хам халқнинг номидан гапириб, биринчиси митингларни тўхтатиб, хукуматга вақт бериш керак эканлигини айтиб келади. Иккинчиларнинг жавоби доим тайёр. Хукуматни алмаштиришни биз эмас, халқ талаб қиляпти дейишади. Лекин митинг пикетларни чеклаш ташаббусини хозир президент қўлламаслигини бунгача айтган эди. Алмазбек Атамбаев икки марта хукуматни алмаштиришга аралашган “революционер” қатори таниқли. Атамбаев бугуннинг ўзида митингларни тўхтатиш керак деган ўйни қўлламайди. Унинг айтишича митинг пикетлар бу демократиянинг кўриниши, шунинг учун унга кўниш керак. Лекин Атамбаев митинг йўли билан инқилоб қилиб, хукумат алмаштириш харакатлари қонунсиз эканини айтади.
Хуқуқ тартибот органларининг маълумоти бўйича Қирғизистонда йилига мингдан ортиқ митинг пикетлар бўлади. Бу бир кеча кундузда икки ёки уч митинг бўлади дегани.
Норозилик акциялари кўлами бўйича хам, феъл атвори бўйича хам турлича. Сўнгги 10йилдаги энг кўламли митинг деб, хукумат алмашишига олиб келган апрель ва мартдаги норозилик акциялари айтилиб келинади. Уларнинг ичида “жиноят дунёсининг бошчиси” деб танилган Рысбек Акматбаев ўз тарафдорларини бошлаб оқ уйнинг олдига келиб хукуматга талаб қўйгани хам кўпчиликнинг эсида.
Шабнам, Киргизистондан Бирдамлик учун.