Ҳозирги кунда кўп қаватли уйлар орасида, фуқоролар кичик-кичик жойлар қилиб орлиб тижорат билан шуғилланишлари ҳамма жойда урфга айланган.
Наманган шаҳрининг 6- микрарайон ҳудудидаги бузиб ташланган бозор атрофидаги кўп қаватли уйлар атрофида ҳам юқоридагидек тижорат қилиб тирикчилик қиувчилар мавжуд. Бу ернинг атрофида бир неча чойхоналар бўлиб, бу жой ўта гавжум ва тижорат қилиш учун қулай жойдир. Душанба куни бу ерга кутилмаганда бир грух ҳуқуқ-тартибод ҳодимлари катта юк ташиш машинаси билан келиб, ўта қўполлик билан тижоратчиларни нарсаларини машинага юклай бошлашган. Айниқса, уларнинг нонларни савати билан машина юкхонасига отишлари атрофдагиларни норозилигига сабаб бўлган.
Ҳақиқатда ҳам бозор иқтисодиёти даврида тижорат ишларидан фойда олаётган ҳар бир фуқоро давлатга солиқ тўлаши шарт. Биз юқорида келтирган тижоратчилар солиқ тўламасдан ишлаётган бўлган. Эхтимол, улар бир неча маротаба огоҳлантирилган бўлиши ҳам мумкин. Лекин шунда ҳам ҳозирги шароитда беш-тўрт сўм топиб, бола чақасини боқаётган одамларга кўполлик ишлатиб, уларни ғазабини қўзғамай, аксинча, уларга қонун – қоидаларни ётиғи билан тушинтириш ёки маҳаллий шароитдан келиб чиқиб уларга шароитлар яратиб бериш давлат амалдорларини вазифаси эмасми?
Носир ЗОКИР
“Бирдамлик” халқ демократик ҳаракати Наманган ва Фарғона вилояти бўйича кординатори