Укранада Ющенко президентлик даврида Украина ва Россия ўртасида газ масалаларида тортишувлар авжига чиққан эди. Вақтики келиб бизда ҳам шунга ўхшаш воқеалар бўлиши мумкинлигини назарда тутиб Наманганлик «Бирдамлик» фаоллари ўша кунлари ҳар икки давлат орасидаги келишмовчиликларни муҳокама қилган эдик. Кўпчилик дўстларимиз, “Агар ҳокимият тепасига ҳалқаро жамоатчилик орасида «россияпараст» деб ном олган Янукович келса, газ борасидаги тортишувлар тўхтайди”, деб қитъий фикр билдирган эдилар. Улар орасида каминангиз ҳам бор эди. Вақтлар ўтиб бизнинг башоратларимиз ўзини оқлади. Қарангки, Янукович сиёсий ўйинини бошлаб ҳам ўзига, ҳам Россияга ёқмаган муҳолифатчи Юлия Тимошенкони айнан Россия билан газ борасидаги келишувларда жиноят содир этганликда айблаб уни қамади.
Яна бир ажабланарли томони, Тимошенкони Овропа иттифоқи ва бошқа халқаро ташкилотлар қўллаб – қувватлаб турганда ва унинг тарафдорлари норозилик намойишларини ўтказиб турганда, кутилмаганда, Днепропетровскда портлашлар содир этилди. Бу уюштирилган портлашлардан кимлар манфаатдор бўлиши мумкин? Бу ерда бўлиши мумкин бўлган икки омилни ўрганиб чиқишга тўғри келади.
Биринчи омил: Янукович бу портлашларни Кремль билан келишиб уюштирган бўлиши мумкин. Мақсад бита: бир неча бегуноҳ ёки ўзларини одамларини қора курсисига ўтқазиб, у шахсларни «Биз Тимошенкони тарафдорларимиз. У бегуноҳ азоб чекиб ётибди. Шунга қарши исён қилдик», қабилида гапиртириб, Тимошенкони химоя қилиб турган халқаро ташкилотларда унга нисбатан шубҳа уйғотиш.
Иккинчи омил.: маълумки, бу йил Июнь ойида Украинада футбол бўйича Овропа чимпионати ўйинлари бўлиб ўтади. Халқаро ва Овропа футбол уюшмалари Украина ҳукуматидан чимпионат ўтадиган шаҳарларга келадиган мехмонларнинг хавфсизлиги таъминлашини талаб қилиб келмоқда. Овропа иттифоқи эса Ющенко замонидан Украинани аъзо қилиб олишни тарафдори бўлиб келмоқда. Кремльнинг наздида, Януковични у томонга оғиб кетиш хавфи мавжуд. Шуни назарда тутган Кремль Украина учун мураккаб даврда Януковични огоҳлантириб қўйиш учун портлашларни уюштирган бўлиши мумкин. Чунки Украина Америка эмаски, уни дунёда душманлари бўлсин. Ёки Украина дикаторлик ёки авторитар давлат эмаски, хақсизлик жонидан ўтиб кетган фуқоролар уюшиб бу ишларни амалга оширган бўлсин. Хуллас, мен бу портлашларда сабаб кўрмаяпман. Албатта, бу менинг шахсий фикрим. Кмидир мени фикрларимга қўшилмаслиги мумкин. Лекин бу қўшилмаслик менинг бу мақоламни сайтимиз юзини кўрмаслигига сабаб бўлмаслиги керак.
Носир ЗОКИР
«Бирдамлик» халқ демократик ҳаракати Фарҳона ва Наманган вилоятлари бўйича координатор