Тўрт нафар неварам болалар учун тўланадиган нафақа олади. Келинларим эса шу пулни олиш учун ҳар ойнинг 20 си санасидан бошлаб Пахтакор тумани халқ банкига навбатма-навбат қатнашади. Бироқ пул ололмайди. Бу гал ҳам шундай бўлди. Мана, март ойи тугугани ҳамки, банкда пул йўқ деган гап.
Охири, 5 апрель куни Пахтакор туман халқ банкига ўзим бордим. Кассир йигитларга учрашдим. Банкда нақд пул йўқ дейишди. Кейин банк бошлиғи Акмал Кўчатовга учрашдим. Бошлиқ кассирга пул беришларини тайинлаб, чиқиб кетди. Тушлик бўлай деб қолганди. Кассир йигитга учрашсам, пул йўқ, бошқа куни келинг деди. Бугун 5 апрель буўлди десам, «Нима қилишим керак банкда пул бўлмаса? Бошқа куни келинг» деди. Мен Пахтакор туман прокуратурасига бордим. Прокурорни сўрасам, прокурор далага чигит экиш учун, унининг ёрдамчиси эса таътилга кетганлигини айтишди. Унда фуқароларни ким қабул қилади, деб сўрасам, прокурорнинг ўрнига терговчи Абдураҳмон қабул қилади, дейишди. Абдурахмонга учрашиб, невараларимнинг нафақа пулини ололмай сарсон юганимизни айтдим. У банк бошлигига телефон қилиб пулни бериб юборишини тайинлади Шу билан тушлик вақти ҳам бўлди. Тушликдан сўнг яна банкга бордим. Бошлиқ йўқ экан. Унинг ўринбосари Баҳодир исимли йигитга учрашдим. “Бошлиқ ҳозир келиб қолади. Кутиб туринг” деди й. Кутдим. Иш вақти тугаяптиямки бошлиқдан дарак йўқ. “Баҳодиржон, яна қанча кутишим керак?” деб сўрадим тоқатим тоқ бўлиб. «Опа илтимос, эртага келинг» деди у ҳам. “Неган энди?” десам, «Банкда пул йўқ» дейди. Хуллас, бир кун вақтим кутиш билан ўтди-ю, шундаям ишим битмади.
Самарқанд хўжалигидан келган бир аёл кам таъминланган оила бўлганлиги учун моддий ёрдам олаётган экан. «Ўтган ҳафта 35000 (ўттиз беш минг) сўмни икки кишига бўлиб беришганди, қолганини ололмай сарсонман.Ҳар куни қатнайман. Бугун ҳам эрталаб келганидим. Мана кеч бўлди. Яна ололмай қайтиб кетаяпман. 15 кундан буён қатнайвериб ўшанча пулни ишлатиб ҳам қўйдим шекилли» дея ҳасрат қилиб қолди у ҳам.
Банк ходамларининг «Эртага келинг», «Банкда пул йўқ», «Пластигингизни тополмаяпман», «Пластик топиб келинг» «Пластигингиз адашиб кетибди» каби турли баҳоналари натижасида сарсон юрганларнинг саноҳи йўқ.
Хўш, Пахтакор туман халқ банкида қачон пул бўлади? Бундай сарсонгарчиликнинг охири борми?
Саида ҚУРБОН
“Бирдамлик” халқ демократик ҳаракати Жиззах вилоят бўлими раҳбари