( Ёҳуд сиқувга олинган муҳлис қисмати ҳақида)
Одатда биз ҳукумдор доираларни оддий фуқороларга ёки ўз қўл остидаги хизматчиларга зўравонларча муносабатда бўлгани ҳақида кўп эшитганмиз. Илгариги мақолаларимизнинг бирида Наманганлик, қонунни бир тийинга олмайдиган юқори мартабали шахслардан бирини, ноҳақдан ишдан бўшатилган, “Навбаҳор” футбол клубининг мураббийи У.Асқаралиевга “Агар ана шу ерда тўпланиб турган ишқибозлар, ҳокимиятга борса сени қамайман” деб дўқ – пўписа қилгани ҳақида ёзган эдик. Қуйидаги воқеа ҳам шунга ўхшаб кетади. Аслида бу воқеа ҳақида бир мунча олдин “Озодлик” радиоси ҳам қисқагина материал берган эди. Лекин “Фут- ГОЛ” деб номланган газета ходимлари ,газетанинг кейинги сонларидан бирида бу воқеа ҳақида батафсил ёзишибди. “Пахтакор” жамоасининг муҳлиси Азиз Қурбоновни мухбирга айтишича, “Пахтакор”ни “Ал-Араби” клуби билан бўлиб ўтган ўйин чоғида, кўпчилик қатори жамоани вице президенти С .Бабаянни ишларидан норoзи бўлиб “Бабаян, в атставку” деб ёзилган боннерни кўтариб балога қолган. Уни айтишича ярим тунда, жамоа фан клуби раҳбари Иззат Асадуллаев Бабаянни иккита соқчиси билан Азизни уйига келиб уни қаршилик қилганига қарамай “Пахтакор” қароргоҳига олиб кетишган. “Соқчилар – Агар бормасанг сени ички ишлар ходимлари олиб кетишади”деб қўрқитишди” дейди. А.Қурбонов. Унинг айтишича машинада манзилга етиб боришгунча соқчилар уни сўроқ қилиб боришган. Жамоа қароргоҳини эшиги олдида уларни ғазабнок нигоҳлари билан кутиб олган Бабаян ва Азизга орасида манабундай суҳбат бўлиб ўтган.
– Боннерни сен ёздингми?
– Йўқ, мен ёзганим йўқ.
– Ўзингни билмасликка олма, сен ёзгансан.
“Эртаси куни яна мени олиб кетишди. Энди кечагиларга ички ишлар ходимлари ҳам қўшилиб… тилхат ёзиб беришимни талаб қила бошлашди” дейди Азиз. Уни айтишича улар унга ички ишлар ходимини кўрсатиб, “Мана бу аканг сени 15 сўткага олиб кетади” дейишган. “Умуман олганда Бабаян қилаётган ишини ҳеч ким билан маслахатлашмай амалга оширади… Жамоада ишлашни ҳохлаган кишилар уни айтганинии қилиб, “Падход” қилиши керак… гўё жамоа унинг шахсий дўкони-ю, у ерда кимнинг ишлаши-ю, кимнинг мухлислик қилишини у киши белгилайдигандек. Бабаян “Пахтакорга” мухлис керак эмас” деб айтган ҳам” дейди А.Қурбонов. Ҳақиқатда “Пахтакор”ни ўйинларига минг нафарга етмаган мухлис киради. Уларнинг ҳам ярми рақиб жамоани муҳлислари. Газета мухбирлари Бабаянни ҳам фикрини ўрганмоқчи бўлиб у билан учрашишади. Бабаян гапни мухбирларни қўрқитишдан бошлайди.
– Ким нима деса ёзаверасизларми…Аҳмоқ, ишини тайини йўқ кишиларни фикрини ёзишга ҳақларинг йўқ. Сабабини биласизларми? Чунки уларга ўзларига ўхшаган кишиларни бир жойга тўпланишига шароит яратиб бераяпсизлар…Ундан кўра ўзларингни ўйласаларинг бўларди! Ички ишлар органига Азиз, “мендан мажбурлаб интервю олишган эди” демаслигига кафолат берасизми? Унда сизлар ҳам унга шерик сифатида жавобгарликка тортилиб кетишларинг мумкин.
Ана холос. Мамлакат қонунларининг қайси жойида, “боннер кўтариб, ўз норозилигини билдирганлар жавобгарликка тортилади” деб ёзиб қўйилган экан. Мамлакатнинг бошқаруви қўлида бўлган раҳбарлар, ҳақиқатда ҳам Ўзбекистонда қонун устиворлигини таъминлашни асосий мақсад қилган бўлсалар, халқ суйган мураббийни ноқонуний равишда қамаш билан қўрқитган Наманганлик ҳоким амалдорга ўхшаган ёки ўз норозилигини билдириб, боннер кўтарган ва уни фикрларини газетада чоп этган журналистларни жиноий жавобгарликка тортиш билан қўрқитган Бабаянга ўхшаган шахсларга нисбатан қонуний чора кўришлари шарт. Бу талабни биргина биз қўяётганимиз йўқ. Ўзбекистон терма жаоаси фан клуби раҳбари Абдураҳмон Фозилов “Фут – ГОЛ” газетасининг охирги сонида, юқоридаги воқеага муносабат билдирар экан, шундай дейди “Мухлис кониститутцияга зид иш қилмаган.У ўзини фикрини оммага ошкор қилди холос. Агар ростан ҳам воқеалар Азиз Қурбонов айтгандай бўлган бўлса, бу ерда қонунбузарлик бўлган. Ҳар ким қонуний жазосини олиши керак”. Ҳақиқатда ҳам шундай бўлмаса, Бабаянга ўхшаган кимсалар ёнларига иккита милиция ходимини оливолиб, ўзларига маъқул бўлмаган кишиларга тазйиқ ўтказаверадилар. Уларга Ўзбекистонни ҳалқаро обрўсини ҳам, келажагини ҳам кераги йўқ. Яна бир гап. Агар улар жазоланмай қолса, Ўзбекистонда қонун устивор бўлган жамият қуриш ҳақидаги гаплар қуруқ сафсата бўлиб қолаверади.
Носир Зокир
“Бирдамлик” Халқ демократик ҳаракатининг Фарғона ва Наманган вилояти бўйича координатори