Ўз.Р.нинг “Фуқароларни давлат нафақа таъминоти” тўғрисидаги Қонунини яқиндан ўрганган Ўзбекистон ҳуқуқбонлари 2011 йилнинг июлида ЎЗ.Р. Қонунчилик палатасига қонунга ўзгартириш киритиш тўғрисидаги аниқ таклиф билан чиқишди. Қонунчилик палатасига кейинги ташрифда барча ҳисоб-китоб ва таклифларни Ўз.Р. Молия Вазирлиги қошидаги бюджетдан ташқари нафақа фондига юборган Олий Мажлис депутати Ражабов иштирок этди. Бюджетдан ташқари фондга Бросалина Л. ва Виноградова В. боришганида жавоб олиша олмади ва бу одамлар “ Фуқароларни давлат нафақа таъминоти” тўғрисидаги Қонунга ўзгартириш киритиш тўғрисидаги лойиҳани муҳокамасига жалб қилинмади. Сабаби – Ўз.Р. Молия Вазирлиги. Нафақаларни қайта ҳисоблашни Бросалина Л. ва Виноградова В. таҳлил қилишганида 1993 йилдан бери қандай қилиб нафақа ҳисоблаб чиқариладиган, индексация қилинган ўртача ойлик ва нафақа камайтириб борилгани кўринди. Ўз.Р президентининг “Нафақа, ойлик маошларни ошириш тўғрисидаги ” Фармони чиққанида юқори, ўрта ва паст пенсиялар ўртасидаги доимо ошиб борувчи фарқ кўринди. Асосий адолатсизлик хизмат кўрсатган ва имтиёзларга эга, яъни Улуғ Ватан ва афғон уруши,Чернобил аварияси натижаларини бартараф қилиш қатнашчилари, ногиронларига нисбатан қилинди. Бу нафақахўрларга нисбатан Ўз.Р. Олий Совети томонидан ишлаб чиқилган ва тасдиқланган, Олий Совет ва ВМ томонидан 1992 йилнинг 06 апрелида қабул қилинган 170- сон қарори амал қилади. Унга биноан 1993 йилннинг июлигача тайинланган нафақалар максимал нафақа миқдоридан ошиб кетган тақдирда ҳам қайта ҳисоблаб чиқиш мумкин эмас. Олий Совет 1993 йилдаги Ўз.Р. президенти Каримов имзолаган МДҲ шартномасига асосланган ва демак, у халқаро статусга эга. Ўзбекистон ҳукумати бу шартномани қўпол равишда бузаётганини билишлари шарт эди. Айниқса, ёш авлодларнинг келажаги учун ўз кучини сарфлаган Улуғ Ватан ва Афғонистон уруши қатнашчилари ва чернобилчилар, яъни катта авлод вакиллирини ҳеч ким эсидан чиқармаслиги лозим, лекин хукумат буларнинг ҳаммасини йўқ қилмоқчи. Бу ҳолат ҳатто уларнинг пенсияларида ҳам акс этмоқда. Улуғ Ватан ва Афғонистон уруши қатнашчилари, чернобилчилар у ёқда турсин, ҳатто 1992 йилгача бўлган даврда ишлаган одамлар ҳам пенсияларида пул коэффициентининг камайиб кетишидан катта зарар кўришган. ЎзР.нинг “ Фуқароларни давлат нафақа таъминоти” ҳақидаги қонунига ўзгартириш Ўз.Р. Сенати томонидан 2011 йил 5 декабрда тасдиқланди. 6-модда орқали халқаро шартнома расмий тасдиқлади ва унда аниқ ёзилганки, агар халқаро шартномада Ўз.Р. қонунларидан бошқа қоидалар кўзда тутилган тақдирда халқаро шартномадаги қоида қўлланилади. Бу барча Улуғ Ватан ва Афғонистон уруши қатнашчилари ва чернобилчи нафақахўрларга катта ҳуқуқ беради. Улар МДҲ давлатлари учун 1993 йилда қабул қилинган шартнома ва 06.04.1992 йил №170 рақамли Қарорга асосланиб суд инстанцияларига ўз ҳуқуқларини ҳимоя қилиб арзномалар топширишлари мумкин. Ўз.Р. Сенати ва Олий мажлис бу нафақахўрларга нисбатан халқаро келишувни бузилганлигини тан олди. Бу ўз навбатида Бросалина Л.нинг муваффақияти бўлди. У 2010-2011 йиллар давомида Улуғ Ватан ва Афғонистон уруши қатнашчилари ва чернобилчи нафақахўрлар юзасидан кўп инстанциялардан ўтди. Унинг бу ҳаракатлари дуч келган қаршиликларга қарамай, оз бўлса-да, лекин зарур ғалаба билан тугади. Биз ҳукумат кўпроқ ўз халқининг фикрини ҳисобга олишини ҳоҳлардик, чунки ҳукуматнинг халққа яқин бўлиши ва халқ билан мунозара олиб бориши, айниқса, Қонун ва Қарорлар қабул қилинишида халқнинг фикрини инобатга олиши жуда зарурдир. Биз умид қиламизки, келажакда Ўзбекистонда реформалар қандай ўтаётганига бефарқ бўлмаганларнинг фикри ҳисобга олинади. Шунингдек, улар билан диалог олиб борилса, биз ҳукуматни халқ билан биргаликда демократик жамият қурилишида тўғри йўлдан кетаётганига ишонч ҳосил қиламиз.
Ўзбекистон ҳуқуқбонлари.