Татьяна Довлатованинг 31 ёшли ўғли жуда катта миқдордаги наркотик моддаларни тарқатгани учун 10 йилу 1 ойга озодлик дан маҳрум этилишга ҳукм қилинди. Ҳукм Тошкент шаҳри – нинг Яккасарой тумани судида ўқилди.
Татьяна Довлатованинг фикрича, ўғлига қўйилган 273 – модданинг (Гиёвандлик воситалари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш) 5 – қисми унинг айбига мос келмайди.
“Юра бундай жазога лойиқ эмас, уни даволаш зарур, улар эса уни қандайдир катта бир наркодилерга айлантириб қўйишди. Бу буюртма. Ўғлим менинг ҳуқуқбонлик фаолиятим учун жабр чекди. Улар нафақат мени, балки менинг бутун оиламни ҳам қийнаб юборишди”, –дейди ҳуқуқ ҳимоячиси.
У ўғли ҳеч қачон ҳеч қандай наркотик моддалар қабул қилмаганлигини, аммо аввалари алкоголизм билан касалланганини, саккиз йил мобайнида Россияда яшаганини, Волгоград ва Подмосковьеда ишлаганини, кейин эса Тошкентга қайтганини “Фергана”га айтди.
Довлатова Т.нинг ҳаётида кўнгилсизликлар у 2011 йилнинг апрелида “Россия–1” телеканалининг “Махсус корреспондент” кўрсатувига Ўзбекистондаги русларнинг ҳаёти ҳақида интерьвю берганидан сўнг бошланди. Маҳаллий ҳокимият бу сюжетга ҳуқуқ ҳимоячисини таъқиб остига олиш билан жавоб берди. Провокаторлар уйини ёқиб юбориш пўписаси билан уч марта унинг уйига бостириб киришди. Татьянанинг ўзи эса безориликда айбланди ва 10 миллион сўм миқдоридаги жаримага тортилди. Унинг барча қариндошларини ишдан ҳайдашди, Татьянадан ногиронлик гуруҳини олиб ташлашди, кейин эса ҳукумат Татьянанинг суд ҳукмида кўрсатилган қарзини ундириш учун тортиб олиш мақсадида Довлатова Т.нинг эрига тегишли уйни баҳолашга қарор қилди. Ўғлини наркотик моддалар тарқатишда айблашди ва ҳибсга олишди.
2011 йил 22 август куни кечқурун 2 таси милиция ходими формасида бўлган саккиз кишидан иборат гуруҳ Довлатованиг уйига келди. Улар тинтув ўтказиш тўғрисидаги (муҳрсиз) қарорни кўрсатишди. Унда Николаев Ю. ва у ишлаган автоустахонанинг мижози В. Исабоев деган киши ҳибсга олингани кўрсатилган эди. В.Исабоевдан умумий оғирлиги 0,1793 бўлган героиннинг 2 та “чек”и (чек – 1 марталик доза) топилган. В.Исабоевнинг айтишича у буларни Довлатова Т.нинг ўғлидан сотиб олган. Николаев Ю. ҳибсга олинган. Келганлар уйни остин – устун қилиб юборишди, айниқса ахлат челакларини ва ётоқхонани яхшилаб текшириб чиқишди, аммо ҳеч нарса топа олишмади ва шу ҳақда тинтув баённомаси тузишди.
“Автоустахонадаги йигитларнинг айтишича бу Исабоев наркомандир. У ўзининг носоз машинасида шаҳарнинг умуман бошқа чеккасидан келиб ўғлимга дўст тутинишга ҳаракат қилган ва ўғлимдан доза топиб беришни сўраган.Юра янги ўртоғига “ломка” дан қутулишга “ёрдам берган”, – дейди Довлатова Т.
Николаев Ю. В. Исабоевга иккита “чек” берган.У “чек”ларни чўнтагига солиб кетган.
“ У атайлаб юборилган шахс бўлиб чиқди.Менинг ўғлимни ҳибсга олишди, аммо бу сотиш бўлмаганини таъкидлаб ўтаман.Юра наркотиклар учун пул олмаган.Шунчаки уни сийлаган”. – дейди Довлатова.
Унинг айтишича, Исабоев унинг ўғлига тўлаган ва суд тергови пайтида кўрсатилган 70 000 сўм аслида машинанинг таъмири учун ҳақ бўлган. Сотиб олинган эҳтиёт қисмларнинг пули ҳам шу пулларнинг ичида бўлган.
“ Судда адвокат шу ҳақда В.Исабоевга савол берганида В.Исабоев шу пулни таъмир учун берганини тасдиқлади, аммо судья бунга эътибор беришни истамади”. – дейди Довлатова Т.
Ҳуқуқбон ўз ўғлининг адвокати сифатида иштирок этмоқчи эди,аммо рад олди. Унинг айтишича, Юрийнинг адвокати ўз ҳимояси остидаги шахснинг ҳаракатларини ЎР ЖКнинг 276 моддаси (Гиёвандлик воситалари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар) билан малакалашни ва уни мажбурий даволашга жўнатишни суддан илтимос қилган. Унинг илтимоси рад қилинган.
Натижада,Ўзбекистон суди оғирлиги 0,1793 грамм бўлган икки доза героинни жуда катта миқдор деб атаб Николаев Ю.ни гиёвандлик воситалари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш учун жазо назарда тутилган оғирроқ 273 модда билан айблади. Юрий Николаев 10 йилу 1 ойга озодликдан маҳрум қилинишга ҳукм қилинди.
Татьяна Довлатова апелляцияга мурожаат қилмоқчи, аммо бу ўғлига ёрдам беришига унча ишонмайди.
“ Ҳукумат менинг оғзимни ёпмоқчи,мени бартараф қилмоқчи ва менинг ҳаракатларим учун менинг яқинларим ва қариндошларимни жазоламоқда.Бу адолатсиз” – дейди ҳуқуқбон.