2011 йилнинг 24 декабр куни тахминан 15 дан 40 минут ўтганда Тошкент трактор заводи яқинида уч милиция ходими давлат рақами 105 ЕА бўлган автомашинага бир ёш йигитни зўрлик билан ўтқазиб ичида гурунч бўлган катта жигарранг сумкасини тортиб олишди.
Маълум бўлишича, бу ёш йигит гурунч сотиш учун Хоразмдан келган экан. У ҳужжат текшируви баҳонасида ҳибсга олинишини ва гурунч милиция ходимларига тегишини кутмаган эди. Елена Урлаева милиция ходимларидан бу йигит қаерга олиб кетилганини маълум қилишни талаб қилганида улар Путин келаётганини,шаҳарда пропискасиз фуқаролар бўлмаслиги кераклигини, йигит КВДга олиб кетилганини айтишган. Урлаева Е. гурунчни қайтариб беришни талаб қилганида милиционерлар ҳеч қандай гурунч бўлмаганини айтишган.Ҳолбуки,машинанинг ёнида гурунч тўкилиб ётган ва Урлаева Е. машинанинг юкхонасига гурунч солинган сумкани солишганини кўрган эди.
Альянс ҳуқуқ ҳимоячилари Хоразмлик фуқаронинг ноқонуний ушланиши ва унинг гурунчи тортиб олиниши факти юзасидан шикоят ёзиш ниятидалар.
ЎЗБЕКИСТОН МИЛИЦИЯСИГА УЯТ !
Альянс матбуот маркази.Тошкент. Ўзбекистон.