2011 йил 22 декабр куни Тошкент шаҳри, Яккасарой тумани жиноят ишлари бўйича судида қийноқлар йўли билан наркотик моддаларини тарқатиш айбини бўйнига олишга мажбур қилинган Холиқов Санжар ва Николаев Юрийга ҳукм эълон қилиниши керак эди. Холиқов Санжар судда раислик қилаётган Шахабутдиновага терговчи Югай Александр ва суриштирувчилар унга қўйилаётган айбни бўйнига олишга мажбурлаб, уриб бошини ёришганини ва ҳушини йўқотгунича дўппослашганини, шу аҳволида уни ҳаттоки бир неча кун Тоштурмага қабул қилишмаганини ва милиционерлар медицина ёрдами кўрсатиш учун шифохонага олиб боришганини айтди.
Ҳуқуқ ҳимоячиси Довлатова Татьяна Холиқов Санжар 2011 йил 27 август куни милиция сержанти Қушиқов ҳамрохлигида бориб хирург Асланова З.дан медицина ёрдамини олганлигини тасдиқловчи ҳужжатни олишга эришди. Бу ҳужжатда бош врач Ризаева Ж. нинг ёзишича, жароҳатлар спорт залида олинган эмиш, лекин бу ҳақиқатга тўғри келмайди. Ундан ташқари Холиқовни қоши атрофи тикилган бўлса ҳам бу ҳужжатда унинг бош жароҳати кўрсатилмаган. Прокурор Пирмухаммедов Б.нинг йўқлиги сабабли суд мажлиси бошқа кунга қолдирилди.Ҳолбуки, прокурор ўша куни суд биносида бўлиб, коридорда чекаётган эди. Елена Урлаева ундан чекишни бас қилишни талаб қилди, лекин у ойнани олдига бориб сигаретини охиригача чекди.
Елена Урлаева Холиқов Санжарни ҳимоя қилаётган адвокат Сафронов Денисдан Холиқов Санжарни қийноқларга солишгани ҳақида шикоят ва аризалар ёзишни талаб қилганида, давлат адвокати ҳали ҳеч нарса ёзмаганини ва бу шикоятлар Холиқовга ёрдам бермаслигини айтди. Суд ҳудудида Елена Урлаева Холиқов Санжарни озод қилишларини ёзилган плакат билан пикет қилганида, навбатчи милиционери келиб пикетга халақит беришга уринди. Суд раиси эса талабларни ёзиб олди. Суд процессини ҳуқуқ ҳимоячилари: айбланаётган Николаев Юрийнинг онаси – Довлатова Татьяна, Ким Аделаида, Бросалина Людмила, Хусаинов Владимир, Баженова Виктория, Бадридинова Ирина, Борисова Светлана ва Урлаева Елена кузатиб бормоқдалар. Альянс ҳуқуқ ҳимоячилари Холиқов Санжар ва Николаев Юрийнинг озод этилишини талаб қилмоқдалар ва уларни қийнашда қатнашган милиция ходимларини, Холиқов Санжарни яширинча операция қилган ва ёлғон ташхис қўйган жарроҳларни, ўз ишига совуққонлик қилган ва ҳимоясидаги одамни қийнашгани ҳақидаги фактларни кўрсатмаган Сафронов Денисни, қийноқларга чора кўрмаган прокурор Пирмухаммедовни, суд процессида қийноқлар ҳақидаги аризаларни рад этаётган судья Шахабутдиноваларни жиноий жавобгарликка тортишларини талаб қилмоқдалар.
Холиқов Санжарнинг опаси Шахнозасининг телефон рақами – 436 65 56
Альянс ҳуқуқ ҳимоячилари қийноқдан жабрланганларни ҳимоя қилишни давом эттириш ниятидадирлар.
Альянс матбуот маркази. Ўзбекистон. Тошкент шаҳри.