6 декабрь кунидан эьтиборан, Қаршилик ҳуқуқ фаоллари мунтазам кузатувдалар. Мен ҳам эьтибор қаратганим йўқ эдим, аммо қўшниларим бири қўйиб бири нима гаплигини сўраб қўйишмаяпти.
-“Нега яна сени пойлашаяпти”-дейишади қўшниларим.
Мен ҳам қисқагина қилиб, сўраб билинглар-да, кейин менга ҳам айтинглар дейман.
Ўзимча тахмин қиламан. Бизни кузатувда туришимизга биринчи сабаб, бу конститууция кунига яқин кунлар қолди. Иккинчиси, боши айланиб Бирдамлик Халқ Ҳаракатининг уюштирган Ош тадбирида яна ўзини бахтини синаш учун пойтахтга кетиб қолмасин деган хавотирлари бор менимча.
Менам бахтимни синаб кўриш ниятим йўқ эмас, аммо барибир махаллий хокимиятимиз боришимни хоҳлашмаяпти. Лотореяда ютуқ чиқиб қолгудек бўлса-я?
Мен айни пайтда Тошкентга боришим учун маблағим ҳам йўқ. Касал фарзандимга хар куни памперс олиб кийдиришимга тўғри келаяпти. Унинг соғлигини сақлашим учун мажбур бўлаяпман.
Икки кунга етадиган памперсларни 5000 минг сўмга олаяпман. (октябрь ойидан) бошлаб. Имконим бўлганда бу тадбирда қатнашардим, аммо эндиликда фақат омад тилаб қолишдан бошқа чорам йўқ.
Омад сизларга Бирдамлик Халқ Харакати фаоллари!
6-декабрь, 2011- йил.
Гулшан Қораева
Ўзбекистон Инсон Хуқуқлари Жамиятининг Қашқадарё вилоят бўлими раиси