Гапнинг индаллосини айтганда, Ўзбекистонда бирорта пора билан иш битирмайдиган раҳбарнинг ўзи йўқ. Милилй хавфсизлик хизмати ёки ИИБнинг коррупцияга қарши кураш бошқармаси ходимлари гоҳо “план” кўрсаткичларини адо этиш илинжида гоҳо бир-бир ана шундай нафсига эрк берганларга қармоқ ташлаб, овлаб туришади.
Яқинда Тошкент вилоятининг Оҳонгорон туманида ҳам шундай бўлди. Ҳаддидан ошиб кетган нафс қулларидан бири ҳуқуқ-тартибот ходимлари ташлаган тўрга тушиб қолди.
Гап шундаки, Оҳонгоронда истиқомат қилувчи Клара опа Бойжонова оғриқнинг зўридан инграниб, туман Марказий шифохонасига келтирилганди, навбатчи жарроҳ Мансур Ўринбоевнинг ўлжасини кутиб ўтирган наҳангдек иштаҳаси карнай бўлиб кетди. Текширувлар натижасида беморнинг ўт пуфагида нуқсон борлиги аниқланди. Жарроҳлик йўли билан ўтпуфакни олиб ташлаш орқали К. Бойжонованинг жонини асраб қолиш мумкинлигини билган шифокор М. Ўринбоев ишга киришишга шошилмади. “Бирнарса умидвор бўлаяпти чоғи” деган ўйда бемор рўмолчасига тугиб келган йиққан-терганини шифокорга атади. Секингина киритиб, столига қўйди.
Бир даста ўзбек сўмига беписанд назар ташлаган жарроҳ норози чимрилди: “Опахон, ҳозирги пайтда бу сўмларингизга ҳеч ким қайрилиб ҳам қарамайди. соғаймоқчи бўлсангиз, жонингиздан ҳеч нарсани аямслигингиз керак. Агар ростдан ҳам операция нархини билмоқчи бўлсангиз, айтай: 500, кўкидан”, деди у пинагини бузмай.
Жондан-да азиз нима бор оламда. Бемор омон қолиш учун таниш-билишлари, қариндош уруғлариданқ қар-қавола қилди. Шундагина нафси ором олган шифокор опреацияга киришди. Мансур Ўринбоев ўз ишини ситқидилдан бажарганида-ку, ҳаммаси хамирдан қил суғургандек тугар, ёпиғлик қозон ёпиғлигича қоларди-ку-я! Бироқ, бундай бўлмади. Беморнинг жарроҳлик столидан турганига ҳафта-ўн кун бўлдиямки, оғриқ босилай демади. Қайтага кучайгандан кучайган оғриққа чидай олмаган бемор жон ҳолатда инграрди. Ахийри бўлмади, операция қилган шифокорга қайта мурожаат этишга тўғри келди. “Ўзингиз дардга енгил кўринасиз. Чиданг, ўтиб кетади, ўлмайсиз. Ундан кўра ўзингизни асрашни урганинг. Уй, рўзғор, бола чақа деб ўзларингни аямайсанлар, ўзларингни ўққаям-чўққаям урасанлар-да. Яна балога қолган дўхтир! Нима, қўлингизни совуқ сувга урганмидингиз, тикилган жой маддалаб кетибди-ку?” дея беморни жеркиб берган шифокор жароҳатга малҳам қўйган бўлди.
“Ўтиб кетар, ўтиб кетар” билан ўлим оғзига бориб қолган аёлни чалажон ҳолда яна шифохонага келтиришди. Маълум бўлишича, операция чоғида беморнинг ичида дока- бент қолиб кетан экан. Ҳа-аа, бемор жарроҳга тақон тўлаб, ҳақ бериш эвазига ширин жонига аччиқ азобни сотиб олган экан-да.
Бемор К. Бойжонова ҳангомаси сабаб жаррлҳнинг изига “одам тушган” экан шекиллли, тез кунда Мансур Ўринбоев пора олаётган чоғида – жиноят устида қўлга олинди. Шунақа, “Нафсига эрк бериб қўйганди сичқон, уни ҳам “ҳап” этиб еб қўйди қопқон”.
Шоҳсанам Тангриева
“Бирдамлик” Халқ Ҳаракати Ўзбекистон бўлими