Мақоланинг асосий қисмига ўтишдан олдин, айтадиган гапим: биз ўзбекмиз, мусулмонмиз, мусулмончиликда, «бир пиёла чой ичган жойингга қирқ кун салом бер», деган нақл бор. Абдураҳим Пўлат оила аъзолари билан менинг ҳонадонимда бир кун меҳмон бўлишган, мен ҳам Абдураҳим Пўлат ҳонадонидан бир пиёла чой ичганман, унинг укаси раҳматли Абдуманноб Пўлат Бирдамлик халқ ҳаракатининг маслаҳатчиси эди. Бу ҳақда Абдуманноб аканинг Аризалари мавжуд. Марҳамат танишинг :
On Sun, 2/21/10, AbduMannob Polat <abdumannob@yahoo.com> wrote:
From: AbduMannob Polat <abdumannob@yahoo.com>
Subject: Bohodir, «Birdamlik» Harakatida A’zolikka Roziman
To: bchoriyev@rambler.ru
Cc: «AbduMannob Polat» <abdumannob@yahoo.com>
Date: Sunday, February 21, 2010, 6:06 PM
«Birdamlik» Harakati Raisi Bohodir Chorievga
Hurmatli Bohodir,
Xabaringiz bo’lsa kerak, men 11 yildan bri O’zbek muholifatida emasman, siyosiy qarashlarim bo’yicha markazchi, mo’tadil demokratiya tarafdoriman va bu haqida bir necha marta bayonotlar berganman. Aynisqa ashaddiy muholifatchilar va murosasiz kurashchilar safiga kirishni istamayman. Lekin, har bir davlat, jamiyatga, u sog’lom rivojlanishi uchun shakllangan, uyushgan (va tinch, demokratik, konstruktiv, mas’uliyatga ega) muholif tashkilotlar kerak deb hisoblyman.
Meni fikrimcha, bugungi tinch, no-zo’ravonlik yo’llar bilan mamlakatda demokartik o’zgarishlar uchun kurashayotgan O’zbek muholifat guruhlari orasida «Birdamlik» harakati ham Yurt ichida, ham tashqarida faolligi, tinimsizlik bilan tarafdor va hamkorlar yig’ishga intilishdagi izchilligi bilan ajralib turadi.
Shu sabablar bilan Sizning hamkorlik, harakatingizda ishtirok etish haqidagi taklifingizga ijobiy javob berishni lozim topdim.
Men «BIrdamlik» harakati faoliyatiga baholi qudrat yordam berish, uning faoliytida imkonim doirasida ishtirok etmoqchiman.
Harakatda meni ihstirokim birinchi navbatda, O’zbekiston, mintaqa, xalqaro sahnadagi siyosij vaziyat tahlili, Harakat vazifalari, hamda rivojlangan demokratik davlatlarda boshpana izlayotgan siyoisy qochoq Vatandoshlar, jumladan va biirnchi navbatda «Birdamlik» a’zolariga, qo’limdan kleganicha, maslahatlar bilan huquqiy va bohqacha (konultativ) yordam berish bo’lishi mumkin deb o’layman.
AbduMAnnob Po’lat.
AbduMannob
Abdoumannob Poulatov (also known by pen name as AbduMannob Polat), Independent Consultant on US-Eurasian Affairs
… grant me the serenity to accept things I can not change; the courage to change the things I can; and the WISDOM to know the Difference – St. Francis of Assisi.
Энди асосий гапга ўтайлик! Халқимиз бир пайтлар ҳурмат қилган «Бирлик» халқ ҳаракатининг бошида турган, (юқорида эслатилган ариза муаллифи Абдуманноб Пўлатнинг акаси) Абдураҳим Пўлат бутунлай ақлини ебди, деганларига ишонмай юрардим. Кейинги мақолаларини ўқиб, бу шахснинг ақлини еганига ишона бошладим. У ўзбек халқини мол, деб ҳақорат қиляпти. Агар бирон чаласавод шоир халқимизни мол, деб шеър ёзса, ундан «ҳа, энди бир шоирда», образли қилиб гапирмоқчи бўляпти, деб индамай қўйса бўларди. Аммо ўзини сиёсатчи деб билган «одам»ни халқни бундай ҳақорат қилиши юмшоқ қилиб айтганда мантиқсиз ва ахмоқона ишдир. Хўш, халқ қаромол бўлса, сен агар шу халқнинг вакили бўлсанг, сен ҳам шу сафга кирасанку, деб айтиш мантиққа тўғри келади.
Майли, Ўш ва Жалолобод қирғинига юрт бошида иблис тургани учун Ўзбеклар аралаша олмади, ҳукумат ҳатто «қирғинни тўхтатинглар», деб нота юборишга ҳам ярамади. Ҳеч қайсимизда, шу жумладан, А.П.да ҳам Қирғизистон жанубида қолган ўзбекларни ҳимоя қилиш имкони бўлмади. Бунинг учун биринчи навбатда, урушни «қирғизларнинг ички иши», деган ҳукумат айбдорку! Ҳукуматнинг халқпарвар, ўзбекпарвар, эмаслигини бутун дунё кўриб турибди. Шундай аҳволда биз нима қилишимиз керак? А.П. айтаётгандек, «автономия талаб қилиш». ёниб турган оловга керосин сепиш эмасми? Бу икки халқни катта урушга жалб этиш, яна минглаб қурбонлар беришку! Ундан кўра, бугунги кунда, вазиятни контрол қилиб, кузатиб туриш ва ҳозирги ҳукуматдан жиноятчиларни адолатли жазолашни, ноҳақ қамалганларни озод қилишни талаб қилиш ўринли эмасми?
Ахир биз демократик ва тинч йўлни танлаган кишилармизку? Агар шундай иқтидори, ўзи айтгандай «мол бўлмаган» одамлари бўлса, нега А.Пнинг ўзи айтган «молликдан» чиқолмаяпти? Чунки ҳозирча ҳеч бир иложи йўқлигини бошига зарба еб ақлидан озган бўлсада, у ҳам билади. Билиб туриб, ўзини кўрсатиб қўйиш учун чиранади.
А.П. демократия учун жиддий курашмаётган зиёли ва мухолифатчиларни ҳам мол, деб гапиради. Юрт ичида биронта партия рўйхатга олинмаган, ҳатто ҳуқуқ ҳимоячиларига ишлаш учун йўл берилмаётган бўлса, ўзбек тугул бошқа бирон халқ ҳам бу вазиятда ҳеч нарса қилаолмасди. Ундан, «агар курашиш имкони бўлса, сен нега Ўзбекистонга бормаяпсан», деб сўрасак, нима деб жавоб бераркан? Яна бепарда гапларни айтишдан нарига ўтмаса керак.
Иккинчидан, А.П. агар ҳалиям ўзини бир ҳаракатнинг раҳбари деб билса, оғзига келган сўзларни ўйлаб гапиришга ўрганиши, тилимизни қонун қоидаларини ҳис этиши керак. «Ўйнаб гапирсанг ҳам ўйлаб гапир», дейди халқимиз.
Майли, унинг саводсизлигини кечириб турайлик! Аммо туҳматчилигини кечириб бўлмайди. Мен яқин 6-7 ой ичида Васила Иноятова билан бир оғиз ҳам гаплашмаганим ҳолда, «В. Иноятни Бирдамликка тортмоқчи бўлибди», деган маънода гапириши (аслида барча ҳаракатлар ўзларига у ёки бу шахсни тортишга ҳаракат қилиши табиий бўлсада) менинг шаънимга айтилган навбатдаги туҳматдир. Бугун (10.11.2011) мен Тошкентга Васила Иноятовага қўнғироқ қилиб, у киши билан А.П нинг туҳматига муносабатини сўрамоқчи едим. Биринчи ўринишдаги қўнғироғимга ало деб жавоб берган Васила опага бошқа бир неча маратоба ўриниб тушолмадим. Очиғи қўнғироқларим самарасиз кетди. Мен албатта Васила опадан бу масалага ойдинлик киритишларини сўраб қоламан. Бугунги кунда Бирдамлик халқ харакатининг сафларида Васила Иноятдан кучли сиёсатчи опа ва сингилларимиз бор. Бирдамлик Васила Иноятнинг ёрдамига умуман мўҳтож емас.
А.П. Ҳурматли Бобур Маликовни гўё менга, Васила Иноятни Бирдамликка тортишга маслаҳат берган, дегандай гапиради. Шуни очиқ айтишим керакки, Хурматли Бобур Маликов билан менинг ўртамда умуман Васила Иноят ёки Бирлик партияси хақида гап ёки маслаҳат бўлган емас. А.П Бобур ака Маликовга хам ғирт туҳмат қилмоқда.
А.П. мақоласининг бир жойида: “Бирлик” бор. 2001-2003 йиллари ҳеч ким кутмаган ва ишонмаган вақтда оёққа турганимиз каби, яқинда яна оёққа туриб, ўзбекларни 21 аср миллатига айлантириш йўлидаги ҳозирги оғир шароитдаги нисбатан суст бўлган ҳаракатларимизни самаралироқ давом эттирамиз», дебди. Шу ақлинг, шу чаласаводлигинг ва дипломатияни билмаслигинг билан «Бирлик»ни оёққа турғазишингга ақли бор одам ишонмайди, дейишга мажбурмиз.
А.П. ўз мақоласида мени ва Бирдамликни менсимай гапиради. Ҳолбуки, ҳозирда ўзи айтгандай «йиғи сиғи» қилиб юрган қариялардан кўра, биз кўпроқ оёққа туриб олганмиз, халқимизни ёруғ кунларга бошлаш учун бизнинг имкониятларимиз ҳам, кучимиз ҳам етарли: Ўзбекистоннинг деярли ҳамма вилоятларда одамларимиз, ячейкаларимиз бор. Россияда. Қозоғистонда, Қирғизистон, АҚШ, Европанинг бир қанча давлатларида бўлимларимиз бор. Нозўровон усулни обдан ўрганаётган, халқимиз вакилларининг сиёсий онгини оширишга бел боғлаган минглаб вакилларимиз мавжуд. Шундай экан, синчалакка ўхшаб «осмонни мен тутиб турибман», демократия учун фақат «Бирлик» курашяпти, деб оғиз кўпиртириш чиранчиқ ғозни эслатади. Биз унга: «Чиранма ғоз, ҳунаринг оз» деймиз.
Баҳодир Чориев,
Бирдамлик халқ демократик ҳаракатининг раҳбари.