Наманган шаҳрига бундан икки йил олдин келган одам бугун шаҳарни танимай қолиши тайин. Айниқса, Тошкентдан шаҳарга кириб келаверишдаги катта йўлнинг ҳар иккки томонида қад кўтарган осмонўпар кўркам бинолар шаҳримизга ўзгача чирой бағишлаб турибди. Қарасангиз, кўзингиз қувонади. Бироқ шуни минг айсус билан айтиш мумкинки, мана шу кўркам йўлнинг ўнгу сўл томонига қараб бир қадам қўйсангиз, таъбингиз хира тортиши аниқ. Ичкаридаги бу йўлларнин ҳолига маймунлар йиғлайди, умуман. Бриб бўлмайди. «Навбахор» ўйингоҳи биқинидаги йўлдан юқориласангиз, таъмирланганига роппа-роса 15 йил бўлган бир чакирим йўлга чиқасиз. Йўл деганлари ўра бўлиб ктеган. Футбол ўйинлари чоғида ҳокимлар айнан мана шу ўйдим-чуқур йўл орқали ўйингоҳга кириб боришади. Лекин амалдорман деган бирорта валломат хароба йўлларнинг ҳолига қайрилиб ҳам қарамайди, таъмирлай, эпақага келтириб, олқиш олай демайди-я, эҳҳҳ!!!
28 октябр куни Наманган туманидаги Олахамак қишлоғига, бир дўстимизнинг тўйига бордик. Қишлокда газ йўқ, электор чироги йўқ. Тўй қиладиган оилалар махсус “движок”дан фойдаланишмоқда. У ҳам ҳар замон ўчиб қолавериб одамларнинг сабрини синаб, асабларини пармалайди, денг. Қишлоқ йўлларини-ку, айтмай қўя қолай, бу ерда умуман яёв юриб бўлмайди. Ёзда то тиззангизга қадар тупроққа, қишда эса лойу балчиққа ботасиз. Бу бало биргина шу қишлоқда бўлса, кошки эди. Ҳайронман, нега бунча кундан-кунга аҳолининг яшаш тарзи оғирлашиб бомроқда экан-а? Мана, масалан, кейинги пайтларда ҳатто кўп қаватли уйларда ҳам гоҳо милтиллаб қолса, гоҳо умуман келмай қолади. Оқибатда, ўкп қаватли уйларда яшаётган аҳоли пастга, ҳовлига тушиб, ўчоққа қозон осишга мажбур. Бир пайтлар ҳудудларда электор чироғи навбат билан, инсоф билан ўчарди, рости. Эндигилик кунда электр токи соат сайин ўчиб, хит қилади, кишини. Бундай бедодликдан халқ норози, фиғонлари фалакда. Ўлганнинг устига тепгандек, мамлакатдаги Марказий телевидения эса Ўзбекистон газ, электор энегияси мустақиллигига эришди, дея аюҳаннос солишгани-солишган.Бир томондан эса Наманган вилоят телевиденеяси ўтин билан кўмирни реклама қилиш билан овора. Бирорта бир раҳбар ОАВлари орқали бу табиий газ ва электр энергиясининг тақчиллиги, камёблиги борасидаги муаммонинг моҳиятини тушунтириб берай демайди, кўнгилларининг кўчасига ҳам келмайди. Тўғри, шахарларимизнинг янада чирой очиши учун кўп ишлар қилинмокда. Бундан кўпчилик хурсанд. Бироқ шуни таъкидлаш керакки, кўзга ташланган ташқи гўзаллик алдамчи бўлади, дейишади. Айтмоқчи бўлганимиз, шаҳарнинг у бу ерида қад кўтараётган бинолар, ободончиликлар халқ учун, аҳоли манфаати учун эмас, аксинча, шунчаки, хўжакўрсингагина, холос. Шаҳримизнинг, аслида, сирти ялтироғу, ичи қалтироқ, очиғи. Ваҳоланки, агарда ҳақиқатдан ҳам мамлакатда фуқаролар манфаатини кўзлаб иш қилинганида эди, энг аввало таббий газ, электр энергияси, қишлоқ йўлларидаги камчиликларни бартараф этилган бўларди. Шундай эмасми?
Носир Зокир