Ўтаева Тўлғаной 1976-йилда туғилган, оилали, 2 нафар фарзанди бор, ҳеч қаерда иш йўқлиги сабабли Ғаллаорол туманида Сайфиддин Ҳожи фермер хўжалигида оиласи билан ёлланиб ишлаган. 2011-йил 19-июл куни «Сайфиддин Ҳожи»нинг 60 гектар ўрилмасдан турган ғалла майдонига Аҳмедова Мукаррамнинг 4 бош қора моли тушиб ғалла майдонини пайҳон қилган.
Фермер хўжалигида ишловчи Ўтаева Тўлғаной турмуш ўртоғи билан 4-бош қора молни ғалла бошида сўйиб ташламасдан қўтонга олиб келиб қамаб қўйишади. Сигирларнинг эгаси эса, бу яхшилигини «бурнидан чиқариб», уларнинг олдига келиб, жанжал кўтариб Ўтаевани уриб тан жароҳати етказган, оғизга олиб бўлмас сўзлар билан ҳақорат қилган. «Бизлар Сизларга яхшилик қилдик, аслида Жиззах вилоятида ғаллага тушган қўйу молларни ғалланинг бошида сўйиб, гўштини қариялар ҳамда етимхоналарга берилсин, деган қарор қабул қилинган» дейишига қарамасдан, уларга айбдор қилиб, зўрлик билан сигирларини олиб кетишган.
Тан жароҳати олиб умрида эшитмаган ҳақоратларни эшитгач Ўтаева туман Ички ишлар бўлими (И.И.Б)га ариза билан мурожаат қилган.а Туман И.И.Б. бўлимида участка нозири бўлиб ишлайдиган Номозов Бахтиер Ўтаева ёзган ариза буйича cуриштирув олиб борган. Орадан кўп утмай Номозов Ўтаевани туман И.И.Б. бўлимига чақиртириб: «илтимос синглим мен кози билан гаплашдим ёзган аризангни кайтадан ёзишинг керак экан, сен мен айтгандай қилиб ариза ёзиб бергин, бу сенинг фойдангга бўлади» деган. Участкавойнинг ўзи айтганидай қилиб (сигирларнинг эгасини мен ҳам ҳақорат килдим деб) аризани кайтадан ёздириб олган. Ўтаеванинг ишончига кириш учун, «синглим, сен менинг молларимга сал кам бир йил бепул қараб бердинг сизларнинг ҳурматингиз бор, шу учун мен сизлар тамон», деб эр-у хотиннинг қўйнини пуч ёнғоққа тўлдириб, бизнингча, ишни ўз фойдасига ҳал қилиб чиқиб кетган. Хуллас, неча ойлар молларини текинга боктириб иш судга ошганида участка нозири мол эгаси тамонга ўтиб кетади. Суд бўладиган кун Номозов кози Л.Мамаражабовнинг олдига кириб чиқиб Ўтаева ҳамда Ахмедовани қозининг олдига олиб киради. Қози иккаласидан ҳам фақатгина фамилияларини сўраб, бошқа ҳеч нарса сўрамасдан суд залидан чиқариб юборган.
Маҳкамадан чикишларидан олдин шу ерда ишлайдиган қиз суд қарорини бир ҳафтадан кейин келиб олишларни айтади.
Аммо, суд қарорини роппароса 15 кундан кейин олишган.
Қози айбдор хамда жабрланувчини тингламасдан қандай қилиб суд қарорини чиқарганига ҳамма ҳайрон. Балки участка нозири кози билан яхшигина тил топишгандир?
Суд қарорида жабрланувчи Ўтаевага энг кам ойлик иш хакининг икки баробари яьни, 99.470 сум жарима солган.
Жавобгарга ҳам худди шундай жарима тайинланган.
Ким билсин Ўтаевага ишлатган найрангларини сигирларнинг эгасига ҳам ишлатган бўлса участка нозири албатта ишни ўз фойдасига ҳал қилгани кўриниб турибди.
Акс ҳолда сигирлар давлат фойдасига ундирилиши керак эди. Лекин ёпиғлик қозон ёпиғлигича қолиб кетди.
Г.Бердиева.
Жиззах.