Кадим замонда Турон томонда бир хавойи подшох булган экан. Унинг маслахатчилари узига хос вам ос экан. Бир куни улар бекорчиликдан токати ток булиб, подшохликда урин тутадиган бир янгилик уйлаб чикаришиб, подшохга уктиришибди. Нима ва киммишки, одам зоти олтмиш-етмиш ёшидан утганидан кейин жамият учун фойдасиз зарарли хусусиятлар устун келиб, кераксиз чикит сифатини олиб, вайсакига айланиб, керакли ва кераксиз маслахатлари билан бош котиришни руёбга чикаради. Унумдорликдан чалгитади ва ундан кутулиш керак. Кутулишнинг
бир йули уни тогдан ошириб, дара ва урмонзорларга адаштириб ташлаш, ёввойи хайвонларга ем килиш услубини таклиф килишибди. Бу фикрни жоиз билган подшох фармон чикарибдики, хар бир хонадон уз уйида олтмиш ёшдан ошган ыария булса, уни тогдан ошириб, урмонзорга тушириб, адаштириб келсин, фармонга буйсунмаганни боши кесилади, деб, жар солдирибди. Шу подшохликда бита хонадон бор эканки, уйда ёлгиз бир угил, келин ва кария яшаркан ва угил отасини жудаям эъзозлар экан. Фармонни эшитиб боши котибди. Нима килсин, отасини адаштирмаса боши кетади. Уйлаб уйига етолмай, охири фармонни бажаришга карор килиб, отасини опичлаб, «Сизни дала-урмонзорларни айлантириб келаман. Уйда сикилиб кетдингиз», деб, тог дарасига йул олибди. Юравериб чарчаб тогдаги текис супачага отасини утиргизибди ва узи хам ёнбошлабди ва мудрокка кетибди. Шунда бирдан кулгу овозини эшитиб, кузини очса, отаси супачада утириб кулаётганмиш, «Ха, ота, нега кулаяпсиз?», деб, сураса, «Эй, углим, бундан 40 йил бурун мен хам отамни адаштириб келишга отланиб, шу супачага келганда утириб, чарчок ёзгандим. Эндиликда отамнинг куни узимнинг бошимга тушди. Шунга кулаяпман», дебди. Углининг боши гувиллаб кетиб, «Ота, биларкансиз-да нима иш килмокчилигимни, мени кечиринг, фармонга буйсунмасам, бутун хонадон нобуд булишини уйлаб, шу карорга келгандим», дебди йигламсираб. «Болажоним, менинг майлим сенинг кулингда, ихтиёринг, бу кургулик эртага сенинг бошинга хам тушмаса деб куркаяпман, холос». Угил уйлаб колибди-да, отасини опичлаб, кетига кайтибди, «Нима булса булар, лекин мен отамни улимга равона килмайман. Кайтар дунё, эртага узим хам шундай холатга тушишни истамайман» деб отасини уйига кайтариб, ертулада саклайверибди. Хурматли укувчилар, Эртакнинг ярмига етдик. Энди уёгини ким агарда куп китоб укиган булса, куп эртак эшитган булса, уёги билан танишдир. Чузиб утиришни маъкул курмай, асосий масалага ойдинлик киритайлик. Мен куйидаги хужжатга эътиборингизни каратмокчиман:
ДАЛОЛАТНОМА
Хива тумани Пахлавон Махмуд жамоа хужалигида яшовчи Нуруллаева Реймажоннинг 32586 ракамли пенсия иши хужжатларини текшириш натижалари тугрисида
Хива тумани 30.06.2011 йил.
Хоразм вилояти хокимлиги молия бошкармаси, Узбекистон Республикаси Молия Вазирлигининг Хоразм вилоятидаги Назорат тафтиш бошкармаси ва Бюджетдан ташкари пенсия жамгармаси Хоразм вилояти бошкармасининг 2011 йил 20 апрелдаги (22, 35, 44 и) сонли ыушма буйругига асосан Хива туман бюджетдан ташкари пенсия жамгармаси пенсия иши хужжатларига илова килинган даромадлар тугрисидаги маълумотлар хакконийлиги юзасидан щтказилган текширишда куйидагилар аникланди: Нуруллаева Реймажон 30.07.1950 йилда тугилган булиб, унга Хива туман Бюджетдан ташкари пенсия жамгармаси (собик ижтимоий таъминот булимии) томонидан 21.12.2000 йилда ёшга доир ( имтиёзли) асосда пенсия тайинланган. Нуруллаева Реймажоннинг пенсия иши хужжатларига илова килинган иш хаки (даромад) лари тугрисидаги Хива туман Феруз ширкат хужалигидан берилган (раками ва санаси курсатилмаган) -малумотнома Хива туман Хужалик хисобидаги шахсий таркиб Архивидаги мавжуд бирламчи хужжатлар асосида кайта текширилганда маълумотномада курсатилган иш стажлари ва даромадлари тугрисидаги ёзувлар Феруз ширкат хужалигининг иш хаки хисоблаш дафтарларида фукаро Р. Нуруллаевани ишлагани кайд килинмаганлиги аникланди. Шунга асосан Р. Нуруллаевани мазкур 8 йилини кайтиб хисоблаганда унинг иш стажи 12 йил 2 ойни ташкил килади ва уз навбатида уни имтиёзли 5 йил олдин тайинланган пенсияси рад булади. Р. Нуруллаева 2004 йил 30 июлдан (54 ёшдан) туликсиз пенсия хукукига эга булади. Юкоридагиларга асосан Нурулаева Реймажоннинг пенсияси кайта хисобланганда унинг номига 21.12. 2000 дан 01. 06. 2011 гача булган даврда жами 1 788 005 сум пенсия ошикча туланганлиги аникланди. Далолатномага пенсия ишидаги тегишли хужжатларнинг тасдикланган нусхаси ва кайта текширишда аникланган даромадлар тугрисидаги маълумотнома илова килинади. Илова килинган хужжатлар 2 (икки) варакдан иборат. Далолатномага имзо чекувчилар:
1. Хива туман БТПЖ мутахассиси имзо Р. Хасанов
2. Хива туман БПТЖ булимии бошлиги имзо М. Мадаминов.
3. Тайинлаш гурухи рахбари имзо А. Ботирова.
Узбек халкида «Килни кирк ёриб» деган бир ибора бор. Бу холатни тафтиш килиш учун Хужалик хисобидаги шахсий таркиб Архивига бориб курдим. Лекин улар хак булиб чикишди. Афсуски нафакахур нафака жамгармасига хужжат топширишда топширилган хужжатлардан нусха олишни эп курмаган. Чунки у даврда Давлат архики деб юритиларди. Хозирда хусусий. Балки мавжуд хужжатлар эхтиётсизлик окибатида тушриб колдирилгандир. 21 йл утиб кетган. Колаверса, ушбу жувонни еттита фарзанди бор ваш у давр хисоботига 15 йил хар бир тугилган авлод эъзозланиб стаж куйилган ва хозирда бу холат ахамиятсиз хисобланаяпди. Судга мурожаат килган такдирда хам хукумат конунлари давр такозоси билан узгартирилган. Лекин бир холатга кизикишим сунмаяпди. Нгеа шу даврда хисобга олиниб, минимал пенсия тайинланиб, туланиб келинаётган нафакни тезак титкилаётган товук мисоли титкилаб, нафакахур буйнига айбдор тамгасини кистираётирлар? Ахир нафакахур шу даврларда 40-50 минг сумм билан каноатланган ва кейинчалик нафакахур талаби билан эмас, мамлакат Президенти томонидан давр талабига монанд равишда тобора иш хаки билан баробар нафака хам оширилиб келанган. Лекин нафакахур берилган нафакага шукур килиб, уни олиб рузгорига ишлатган. Бу холатда нафакахурни айблаш инсофданми? Бу холатда хукуматимиз «Куйни семиртир, ёги купайгандан кейин суй» услубини кулламаяптими? Ахир 2007 йил августда хукумат конуни узгариб, шу даврдан бошлаб нафакахур нафакасини ошириш учун кушимча хужжатларни кабул килмаслик тайинланганди. Ундай булса нега фукароларнинг хужжатлари кайта кавлаштирилиб, карияларнинг тогдан ошириш услуби кулланилаяпди? Бу олганда хозир, берганда нозирлик услубимасми? Ахир конун устиворлиги хукумат ва фукарога баробар тарзда кулланилмайдими? Ойни этак билан ёпиб булмайди, дейилгандек, нега бу мужмалликлар каердан келиб чикиб, фукарога зарба бераяпди. Рай Собез (хозирда БПТЖ) ташкилотига кирсанг, гала-говур, бечора кариялар нима килиш ва кимдан нима сурашни билолмай, кариб, бушашиб колган танасига нафасини ичига ютиб, азоб чекиб, мия-юрак касалликлари авж олаяпди. Бир хиллари ажалидан беш кун олдин БПТЖ мажбурлаб берган йулланма оркали жаннатга равона булаяпди. Мана мисол, ушбу тафтиш оркали нафакадан махрум килинган фукаро Нуруллаева Реймажон хозирда таркалиши чекланмаган ёмон сифатли усма саратон (рак) касалига чалинган ва бир ярим йилдан бери азоб чекаяпди.
Бундай заиф ахволда унинг тани иккита зарбага бардош бера оладими? Хурматли укувчилар, ушбу холат таквимидан келиб чикиб адолатли фикр билдиришингизни сурайман.
Валерий НАЗАРОВ, Хоразм вилояти «Бирдамлик» ташкилоти раиси.