ВАЛЕРИЙ НАЗАРОВ, собик фермер.
Бугунги кунда Узбекистонда жойлардаги хокимлар мансаб лавозимини суъистеъмол килиб, оддий фукароларга зугум утказиб, хатто уз айтганларини амалга ошириш учун судларга хам таъсир утказмокдалар. Шунинг учун мамлакат худудларида мавжуд хукуматдан норозилар купайиб бормокда. Бизнинг Хива шахар ва туман хокими Даврон Аллокулиев хам факат айтганини килдириб, мумай фойда кетидан кувадиганларнинг ашаддийларидан бири. Буни мен фермер сифатида фаолият курсатган давримда уз танамда синаб курганман.
Узим хакимда гапирадиган булсам, адолат топталган пайтда хакикатни шартта айтадиган одатим бор. Шу туфайли Совет даврида хам бир жойда муким ишлолмаганман. Бошликлар тугри сузим, харакатимни хазм килолмай, кайсидир йуллар билан ишдан бушатиб юборганлар. Лекин мен барча тазйикларга карамай, хакикатгуйлигимча колавердим.
Мустакиллик даврида, аниги, 1997 йилда ширкат хужалиги таркибида яхши ниятлар билан «Хазина» номли фермер хужалигини ташкил килдим. Халол мехнат билан даромад топиб, оиламни фаровон килишга бел богладим. 2005 йилгача мен эгалик килаётган фермер хужалигининг ер майдони 2 гектар эди. Бошка фермерлар катори давлат билан шартнома туздим. Хар йили давлатнинг шартномада белгиланган режасини 100 фоиз килиб уддалаб келдим.
Шуни айтишим керакки, фермерлик килаётган йилларимда тугри иш олиб боришим натижасида туман хокимлиги билан бир неча бор тукнашишимга тугри келди. Хокимлик вакиллари менга хокимга кандайдир улуш ажратадиган, конуний хукукимни топтайдиган йулларни таклиф килардилар, мен эса бунга кунмасдим.
2005 йилдан бошлаб Узбекистон Республикаси Президенти карорига мувофик барча ширкат хужаликларининг ерлари фермерларга булиб берилди ва хужалик фермер хужаликлари уюшмасига айлантирилди. Шу йили туман хокимлиги билан 50 йил ижара муддатига шартнома тузилиб, менга фермерлигимни амалга оширишим учун 18 гектар ер майдони ажратилди. Шартномада ерларнинг контурлари курсатиб берилган. 2005-2007 йилларда мавжуд еримга пахта ва бугдой экиб, тукин хосил етиштирдим.
Пахтани топшириш учун пахтани кайта ишлаш заводлари билан, бугдойни топшириш учун «Хонкадон» очик акциядорлик жамияти билан шартномалар туздик. Шарномада курсатилган режаларни баъзан юз фоиз, баъзан ундан хам куп микдорда ошириб бажардим. Аммо 2008 йилдан бошлаб туман хокими ва унинг гумашталари билан орамизда ихтилоф пайдо була бошлади.
Гап шундаки, мен хоким ва унинг ходимларининг хар бир айтганига, лаббай, деб, тура олмадим. Коррупцияга йул куймасликка харакат килдим. Ноконуний тушумларга имконият яратадиган сохта хужжатларга имзо куймаслик чорасини курдим. Хокимнинг чунтагини тулдирадиган улушни бермадим.
Натижада 2008 йил 30 октябрда Хива тумани хокими Д. Аллокулиев «Хазина» фермер хужалиги билан давлат орасида тузилган шартномани бекор килиш ва менга ажратилган ер майдонини туман захира ерларига кайтариш тугрисида узининг мутлако асоссиз 1139-сонли карорини чикарди ва шу аснода фарс-мажорни амалга оширди.
Карорда, жумладан, шундай дейилган: «Окёп кишлогида фаолият юритиб келаётган «Хазина» фермер хужалиги билан туман хокими уртасида тузилган ер участкасини узок муддатли ижарага олиш шартномаси бекор килинсин. «Хазина» фермер хужалигига пахтачилик-галлачилик йуналишида фойдаланиш учун ажратилган жами 18,3 га экин ери туман захира ерлари хисобига кайтарилсин. Шу муносабат билан «Хазина» фермер хужилигини тугатиш вазифаси махсус комиссия зиммасига юклатилсин».
Бу карор менга уша йили декабрь ойида почта оркали етиб келди. Карорда асослантирувчи факт йуклиги учун мен «Комиссия хулосаси билан таништиринг» деган мазмунда хат ёзиб, туман хокимлигига йулладим. Аммо хатимга жавоб келмади. Шунинг учун 10 кун кутиб, яна хат ёздим. Бу хатимга хам жавоб булмади. Учинчи хатимга эса туман хокимлиги мутассадди ходими Комил Шариповдан жавоб келди.
Жавобда энди еримни тортиб олинишига бутунлай бошка нарсани, фермер хужалиги ерларини йириклаштиришни бахона килиб курсатишибди. Шу кунлари фермер хужаликларини йириклаштириш тугрисидаги Президент карори эълон килингани уларга кул келди. Мен туман хокимлигига бориб, кабулига киришга рухсат сурадим. Аммо меии кабул килишмади. Хокимнинг хонасига киритишмади.
Шундан сунг бу карор ва курсатмалар ноконунийлигини, чизган чизигига юрмаганим учун хоким томонидан атайлаб уюштирилаётганини англаб етдим. Еримни бермайман, деб, каттик туриб олдим. Хокимлик топширигига биноан кишлок фукаролар йигини раиси ва участка милиция нозири еримни зурлик билан тортиб олиб, хукумат ихтиёрига утказиш чорасини курди.
Мен бунга чидаб туролмай, уларни, асосан туман хокимини судга бердим. Хоразм вилояти хужалик судида ишимнинг куриб чикилиши иккинчи томон келмаганлиги учун бир неча маротаба колдирилди. Куп сарсон-саргардонликлардан кейин туман хокими Д. Аллокулиев узининг урнига вакил килиб кул остида ишлайдиган Бобур Абдуллаевни судга юборди.
Бобур Абдуллаев хали суд бошланмай туриб, судъя Лазиз Умаров ва Хурмат Назаровлар гувохлигида, менга огзаки равишда, «Судлов даъво аризангизни кайтариб олинг, узаро келишайлик» деди. Хатойим шу булдики, мен унинг сузига ишониб, бу таклифга рози булдим. Энди ишим юришармикин, унгланиб кетармикин, деб, хокимликка катнай бошладим.
Хужалик суди на у ёглик, на бу ёглик килиб хукм чикарди. Хокимликдан курилган зарарни ундиришга келишилди-ю, бирок хокимнинг карорини бекор килиш масаласи куриб чикилмади. Шундан сунг ишимни кассация тартибида кайта куриб чикилишини сураб, Узбекистон Республикаси Олий хужалик судига мурожаат килдим. Олий хужалик суди кассация инстанцияси Хоразм вилояти хужалик суди ажримини бекрор килиш ва ишни кайтадан куриб чикиш хакида карор чикарди.
2010 йил 5 февралда Хоразм вилояти хужалик суди судья Х. Абраев раислигида хал килув карорини чикарди. 21 миллион 700 сум зарарни ундириш тугрисидаги даъвоим рад килинди. Туман хокими карорини бекор килиш тугрисидаги даъво талабим юзасидан иш юритиш тугатилди. Мендан эса 217 минг сумдан зиёд давлат божи ундириладиган булди. Мен яна ва яна аризаларо ёзавердим. Март ойида Ресбулика олий хужалик суди судьяси Б. Сайфуллаев давлат божини тулашни кечиктириш тугрисидаги илтимосномамни кондириш, кассация шикояти буйича иш юритишни кайта тиклаш хусусида ажрим чикарди. Шу ой охирида , буни карангки, Олий хужалик суди менинг фойдамга эмас, давлат божини янада купрок ундириш хусусида карорини эълон килди.
Энди Олий хужалик судига Узбекистон Республикаси Олий Мажлиси Сенати конунчилик ва суд хукуклари масалалари кумитаси оркали мурожаат килдим. Бу хам иш бермади. Жараён 2011 йилда хам давом этди. Шу йили январь ва февраль ойларида Хоразм вилояти хужалик суди раиси М. Хасанбоевга, Узбекистон Республикаси хужалик суди кассация инстанциясига аризалар ёздим.
2011 йил 11 мартда Хива туман хокилмиги хукукшуноси К. Киличевнинг 20 та имло хатосига йул куйилган, ярим бетлик хатини олдим. Унда хокимнинг юкоридаги карори асосли булгани кайд килинган. 30 мартда Олий суд судьяси Б. Сайфуллаев ажримида кассация шикоятини кабул килиш рад килинди. Мендан яна давлат божи ундириладиган булди.
Бу карорларнинг кай бирига ишониш мумкин. Вилоят хужалик суди, Олий хужалик суди каби инстанциялардан утиб, хакикатни карор топдира олмадим. Бу хакда Узбекистон буйича ёзмаган идорам колмади. Халигача натижа йук. Судма-суд ва хокимликка катнаб, оёгим толди. Халол мехнат билан даромад топаётган фермер хужалигимни тортиб олган хокимга хеч ким тегишли чора куролмаяпти ва фермернинг ёнини олмаяпти. Ёзишмалар натижасида уйимда тупланган когозлар бир дунё. Яна ёзишда давом этаяпман. Бу гавголар качон тугайди, качон адолат тикланиб, узи хон, куланкаси майдон хоким жанобларига тегишли чора курилади, буни узим хам билмайман.
«БИРДАМЛИК» БОШКАРУВИДАН: АДОЛАТСИЗЛИККА УЧРАГАНИ АЁН КУРИНИБ ТУРГАН, РОССИЯДА ТУГИЛИБ, ХОРАЗМДА УСГАН ВАЛЕРИЙ ОГАМИЗ БУ МАКОЛАНИ БИЗГА ЮБОРИШ БИЛАН БИРГА, ЭНДИ УЗИНИГИНА ЭМАС, ХОРАЗМДАГИ АДОЛАТСИЗЛИКНИ ТУГАТИШ УЧУН БИЗЛАР БИЛАН ХАМКОРЛИК КИЛИШ УЧУН АРИЗА БЕРИБДИЛАР. бИЗ У КИШИНИНГ АРИЗАСИНИ КАБУЛ КИЛИБ, «БИРЛИК ХАЛК ХАРАКАТИ»ДАГИ ИЛГАРИГИ ФАОЛИЯТЛАРИНИ ХАМ ХИСОБГА ОЛИБ У КИШИНИ БИРДАМЛИКНИНГ ХОРАЗМ ВИЛОЯТИГА МУТАСАДДИ КИЛИБ ТАЙИН ЭТДИК. ОК ЙУЛ, СИЗА ВАЛЕРИЙ ОГА! БИЗНИНГ НОЗУРОВОН ЙУЛ БИЛАН АДОЛАТНИ ТИКЛАШГА МАСЪУЛ БУЛГАН «БИРДАМЛИК» ХАРАКАТИГА ХУШ КЕЛИБСИЗ!!!