2011 йилнинг 9 март куни иш билан Пахтакор туман марказига бордим. Соат 11 -00 лар атрофида соглигим яхши булмаганлиги сабабли бир пас дам олиш максадида танишимникига кирдим. Исмини келтирмайман. Яъна сурок килишларини хохламайман. У, юз киёфамдан соглигим йуклигини билиб «Саида опа бир пас дам олиб оласизми?» деди. Мен «ха» дегач уйининг тинчрок хонасига жой килиб берди. Мен ётдиб дам олдим.
Канча вакт ётганимни билмайман. Ухлаб колибман. Аёлларнинг овозидан уйгониб карасам опалари келишган экан. Уйлари тор. 7 киши 2 хонали уйда туришади. Уй эгасига рахмат айтиб чикиб кетдим. Мен чикиб кетгач, Пахтакор туман Дустлик махалласи участка нозири Аъзам Шамсиев (илгари бизнинг кишлокда участка нозири эди) мен уйида дам олган хонадон сохибасига «Опа Сизни туман ИИБ бошлиги чакираяпти» дебди.
-Хайрон булиб бордим- дейди уй сохибаси.
– Пахтакор туман ИИБ бошлиги муовиниман, бошлигимиз банд эди. Мен билан юринг» деб бир йигит хонага олиб кирди. «Тинчликми?- деб сурадим. «Ха тинчлик опа. Сиз билан сухбат утказмокчи эдик. Сухбатни узим утказавераман» деди формадаги йигит.. Кейин сурок кила бошлади.
– «Саида Курбоновани танийсизми?» деди.
– Ха танийман.
– Каерда танишгансиз?-деди.
-Худди шу, хозир Сиз ишлаётган милиция биносининг ховлисида танишганман. Узим яшайдиган уйимга узим эгалик килолмай колган пайтларимда, бошликларингизга арз килиш максадида келганимда, у киши хам иш билан келган экан менинг дардимни эшитиб куплаб маслахат берди.
– Нима деб маслахат берди?
– Шикоятингни огзаки айтма. Ёзма равишда бергин. Огзаки айтсанг текширилмай колиб кетиши мумкин. Аввал ёзиб кейин киргин, – деди. Шундан буён мен у кишини яхши танийман.
– Интернет нималигини биласизми? – деб суради.
– Жанжалли уйимнинг кулф турган эшигини бузишга бир неча киши булиб бир неча бор келишди. Саида опани бир неча бор ёрдамга чакириб олганман. Хатто бир куни бир йигит «Менга «Эшикни бузуб киравер» деб начальник милиция рухсат берди» деб келди. Уша пайти хам Саида опани ёрдамга чакирганман. Келди. Эшикни бузишга келган йигит билан гаплашди ва «Шошилма ука. Суд кетаётган пайтда кулф турган Эшикни бузиб ичкарига киришинг учун Сенга ким рухсат берганлигини хозир аниклаймиз» деб телефонда ракам териб бошлаган эди у йигит кочиб колди. Шу масала буйича хам началь ник милициянинг олдига ариза билан иккаламиз кирганимизда. ИИБ бошлиги хонасига оркамиздан МХХ бошлиги Насим исимли йигит кирди. «Опа яхшимисиз» -деб Саида опа билан куришиб сурашдида «Опа илтимос хаммамиз мусулмонмиз. Сайловдан тинчгина утиб олайлик. Интернетни йигиштириб туринг» деганини эшитганман. Интернет нима билмайман.
– Саида Курбонованинг нима иш килишини биласизми?- деди.
– Саида опанинг менга ёки бошка бировга бирон ножуя маслахат берганини билмайман. Факат холатни эшитгач каерга, кимга, кандай мурожаат килиш кераклигини маслахат беради. Хукук химоячиси булиб ишлашини биламан, – дедим.
– Уйингизга келганида утирганларингизда нималар хакида гаплашасизлар? – деди
– Уйимда утирганимизда оиламиз, болаларимиз, невараларимиз хакида гаплашамиз. Нима у кишини уйимга киритиб нотугри иш килаяпманми? Узбекларда, умуман мусулмончиликда эшикдан келган кишига «Келинг. Хуш келибсиз» дейилади. Ёки «Уйимга келманг» дейишим керакми? Ука Сизни хечам тушунмаяпман, -дедим. Шундан кейин мени роса тергаган мовун,
– Опа Сиз билан самимий сухбат утказдим. Бу тугрида бошка бировга айтиб юрманг. Илтимос айтганларингиз тугрисида тушунтириш хати ёзиб беринг- деди.
– Менинг кузим яхши курмайди. Ёзолмайман, – дедим.
– Мен ёзаман. Сиз имзо чекиб берсангиз булди – деди. Узи ёзиб, менга укиб берди ва мен имзо чекиб бердим – деди танишим.
Бундан илгари хам, куплаб танишларимни тергов килиш анча булганди. Мен билан сухбатлашган ва якин булган кишилар сурок килинган. Улардан хам тушунтириш хати олишган. Хатто бир танишимдан (2009 йили икки келин олиш ва неварамга суннат туйи килиш учун югуриб юрган пайтимда)
– Саида опа кимлар билан пул олди берди килади? Шуни билиб беринг?» деб сурашган.
Мен тугримда хужжат туплаётганларга айтмокчиман. 2007 йил мени коралаш максадида (болаларнинг нафака пули тугрисида мажлис булади деган) ёлгон ишлатиб ахолини туплаб олиб «Саида Курбонва «Халк душмани», «Соткин», «Хойин» деб айиблаган вакт утиб кетди. Одамларнинг анча кузи очилиб колди. Вакт хукум чикариб булди.
Лекин гуруч курмаксиз булмагани каби одамлар орасида Сиз излаётганлари хам топилиб колиши мумкин. Ушандай одамларга ва Сизларга худодан инсоф сураб коламан. Илло Исломда «Тухматнинг бадали огир, ёлгон гувохлик бериш харом» дейилган. Чин дунёнинг азобидан, яратганнинг кахридан куркинг.
Саида КУРБОН.
Пахтакор тумани,
Жиззах вилояти
23 март 2011 йил.