ТАХРИРИЯТДАН: кейинги бир икки ой ичида Узбекистондаги турли даражадаги элликка якин амалдорлар ишдан олинди, бир кисми камалди ва аксарияти тергов бермокда. Бу холнинг сабаблари хакида уйлаш ва мулохаза юритиш, уз сиёсатини, Узбекистон ичкарисидаги режаларини шу холга мувофиклаштириш мухолифатнинг, шу жумладан. «Бирдамлик»нинг хам вазифасидир. Жойларда хар битта арбоб ёки арбобчанинг ишдан олиниш сабабларини турлича талкин килишмокда. Куйида Жаббор Саиднинг иккита етук арбобнинг ишдан олиниш сабаблари хакидаги маколачани бермокдамиз.
УЗБЕКИСТОН МАДАНИЯТ ВА СПОРТ ИШЛАРИ ВАЗИРИ ХАМДА ТОШКЕНТ ШАХАР ХОКИМИ, НЕГА ИШДАН ОЛИНДИ?
Тошкент шахар хокими Абдуқаҳҳор Тўхтаев коррупция баткогига ботганликда айбланиб ишдан олинган ва хибсда сакланмокда. Аслида ундай эмас, бу хол президентнинг ички, кадрлар сийсати билан боглик. Маълумки, Узбекистонда биронта иш президентнинг алокасисиз амалга оширилмайди. Икки йилча олдин, собик Инкилоб хиёбони (хозирги Амир Темур хиёбони)даги юз йиллик чинорлар кийратилган ва у мебелсозлик фабрикаларига юборилган (кимлардир бу туфайли мумай даромадга эга булган) эди. Бу хол бутун дунёда шов-шув булди, кимлардир, рус амалдорлари юз йил олдин эккан дарахтларнинг кесилишини русларнинг таъсир доираси камайганидан, деб талкин килиши ортидан, хатто Путин хам Узбекистон президентига тахдид килганлигини айтишди. Аслида бу дарахтлар иктисодий фойда ва Амир Темурнинг от устидаги хайкали атрофдагиларга яхширок куриниб, уларни бугунги сиёсатдан огох этиб туриши учун амалга оширилган. Куч ишлатар тизимлари бирон амалдор ишдан олингач, уша худудда булиб утган ножоиз ишларнинг хаммасини унинг буйнига илиб куйишга устаси фаранг булиб кетган. Куплаб хокимларни курган, Абдукаххор Тухтаевнинг хам кулида ишлаганлардан бирининг айтишича, Тошкент хокими хозирги арбоблар орасида энг инсофлиси хисобланган. У, хоким булган пайтлари хам исломга эътикод килиб, беш вакт номозини укиб юрган. Бундай одамлар, бора-бора обру орттириб, халкка куп яхшиликлар килиши мумкин эди. Худди узининг савоб ишлари туфайли камокда утирган водийлик Акром Йулдошев сингари Абдукаххор аканинг хам халк орасида обруси ошмаслигини истаган кучлар унинг ишдан олинишига хисса кушган булишлари аник. Аммо Тошкентлик биродарлар, Абдукаххор Тухтаевнинг уруг аймоклари уз кишиларини Акром Йулдошевни химоя килишгани каби химоя килаоладими ёки бошка йулини килишадими? Буни келажак курсатади.
Маданият ва спорт ишлари вазири Анвар Жабборов (таникли шоир Жуманиёз Жабборовнинг угли)нинг ишдан олинишини юкорининг топширикларини вактида бажармаган, деган кайд билан изохлангани айтилмокда. Аслида эса, бу холнинг сабабини Узбекистон кахрамони Абдулла Ориповнинг кориндоши эканлиги (шоир кизларидан бирини уз хамкасби Жуманиёз Жабборовнинг жиянига берган)дан ахтариш керак. Маълумки, президентга якин юрган пайтлари Абдулла Ориповнинг таъсир доираси кенгайган ва у жойларга кадрлар куйишга хам кучи етарди. Хуш, Абдулла Ориф ишдан олиниб, таъсир доираси камайганига анча булдику, ундай булса, нега «унинг одами» сифатида талкин килинаётган Анвар Жабборов бугунга келиб, ишдан олинди, дейишлари мумкин. Бунинг яна бир сабаби президент кизи (Гулнора Каримова)нинг кадри булган хозирда олий кенгашда ишлайдиган бир хонимга мустакил урин керак булганлиги хамдир. Илгари А. Ориф Каримовга якин юрганда пайтларда, хатто Г. Каримова хам унинг кадрини ишдан олишга журъат этмаган буларди. Узбекистон кахрамонининг узи шунчаки кизларидан бирининг ножоиз ишлари: коррупцияга аралашиб колгани учун эмас, андижон катли омини бошкачарок талкин килгани («окил ва мард президентимиз уларни барбод этди», дегани) «Хаж дафтари» китобидаги хозирги сиёсатга карширок («нодонни шох килиб юртни суратгай» каби) шеърлари учун ишдан олинганди. Хозирда Абдулла Ориф деярли уй камогида умр кечирмокда. Таъсир доираси оиладан нарига чикмай колган. «Хаммадан купрок узим алдандим», деб шеърлар ёзяпти ва шеърларига шуро даврининг санасини куймокда.
Жаббор САИД.
ТАХРИРИЯТ ИЗОХИ: Жаббор Саиднинг ушбу маколаси бор-йуги икки арбобнинг ишдан олиниш сабаблари хакида. Республика пойтахти, Кораколплогистон республикасидаги, вилоят ва туманлардаги журналистлар, «Бирдамлик» фаолларидан уз худудларидаги хоким ва хокимчаларнинг ишдан олиниш сабабларини тахлил киладиган маколалар ёзиб юборишларини сураймиз. Зеро буларни билиш халкка хам, хукуматдаги арбобларга хам фойдалидир.