Носир Зокир
Конституциямиз ҳақида кўпчилик шундай фикрда «Конституция зўр ёзилган, фақат кўплаб бандлари ижро этилмайди». Шундан келиб чиқиб бош комусимизнинг айрим моддаларини ёдингизга солмоқчимиз. Бу моддаларнинг қайсиниси ишлаябди-ю, қайсиниси ишлаямаябди, бу ҳақда ҳулоса чиқаришни, сизнинг ўзингизга хавола этамиз:
2-модда. Давлат ҳалқ иродасини ифода этиб, уни манфаатларига хизмат қилади. Мансабдор шахслар, жамият ва фуқаролар олдида масъулдирлар.
11-модда. Ўзбекистон Давлат хокимиятини тизими хокимиятнинг қонун чиқарувчи, ижро этувчи ва суд хокимиятига бўлиниши принципига асосланади.
16-модда. Бирорта ҳам қонун ва бошқа норматив ҳуқуқий хужжат Конституция нормалари ва қонунларига зид келиши мумкин эмас.
26- мода. Жиноят содир этилганликда айбланаётган ҳар бир шахснинг иши судда қонуний тартибда, ошкора кўриб чиқилиб, унинг айби аниқланмагунича у айбдор ҳисобланмайди. Хеч ким қийноққа солиниши, зуравонликка шавқатсиз ёки инсон қадр-қимматини камситувчи бошқа тарздаги тазйиққа дучор этилиши мумкин эмас.
33- модда. Фукаролар ўз ижтимоий фаоликларини қонунларга мувофиқ митинглар, йиғилишлар ва намойишлар шаклида амалга ошириш ҳуқуқига эгадирлар.
29- модда. Ҳар ким фикрлаш, сўз ва эътикод эркинлигига эга. Ҳар ким ўзи истаган ахборотни излаш ва уни тарқатиш ҳуқуқига эга.
34- модда. Хокимиятнинг вакиллик органларида озчилик ташкил этувчи мухолифатчи шахсларни ҳуқуқлари, эркинликлари ва қадр-қиммматини ҳеч ким камситиши мумкин эмас.
53-модда. Хусусий мулк, бошқа мулк шакллари каби дахлсиз ва давлат ҳимоясидадир.
61.- модда. Давлат диний бирлашмаларнинг фаолиятига аралашмайди.
67-модда. Оммавий аҳборот воситалари эркиндир. Цензурага йўл қўйилмайди.
90 -модда. Айни бир шахс сурункасига икки муддатдан ортиқ Ўзбекистон Республикасининг Президенти бўлиши мумкин эмас.
93 – модда. Ўзбекистон Президенти фуқароларнинг ҳуқуқлари ва эркинликларига, Ўзбекистонинг Конституцияси ва қонунларига риоя этилишининг кафилдур. Президент вилоят, туманларо, туман, шаҳар, харбий ва хўжалик судларининг судьяларини тайинлайди ва лавозимларидан озод этади.
112- модда. Судьялар мустақилдирлар. Фақат қонунга бўйсунадилар.
Агар Конституциямизннги юқорида келтирган моддаларнинг ўзигина амалда бажарилса борми, ҳаммамиз тинч-фаровон, кўнглимиз тўк яшаган бўлардик. Бу моддаларнинг бажарилиши фақат хуқуматга боғлик эмас. Сиз билан бизга ҳам боғлик. Биз ўз ҳуқуқларимизни билишимиз, талаб килишимиз даркор. Саломат бўлинглар.