Дилноз Кахорова
Кадим замонларда бир подшо утган экан. Унинг ой деса ойдек кун деса кундек гузал хотини булиб, подшох уни жуда хам севар экан.
Подшонинг бир одати бор экан. Хар куни эрталаб урнидан тураётиб ёнида ётган гузал маликани упиб куяр экан. Бир куни уйкудан уйгониб уни упаётганида малика уйкусираб «Йукол, иймонсиз» деб юборибди. Подшо унинг бу гапидан газабга келибди ва «Нечун мени иймонсиз дейсан? Мен иймонсиз булсам жавобингни бердим» деб юборибди.
Бирок подшога хам «иймонсиз» деган хакоратни эшитгани, хам суюкли хотинидан ажралиб колиш алам килибди. Аламига чидолмай саройдаги вазирлариб казо-казо уламоларини туплабди. «Мен иймонсизманми-йукми, шуни исботлаб беринглар»дебди.Бандасининг иймонли ё иймонсиз эканлигини аниклаш факат Оллохни кулидан келиши мумкин. Уламолар куп уйлаб уйларига етишолмабди. Бундан кахри келган подшо «Сизларга кирк кун мухлат. Шу кирк кун ичида масалани жавобини топмасанглар, хаммангни улимга хукм киламан» дебди.
Орадан кирк кун утибди. Уламолар масалани ечимини топишолмабдилар.Подшо уларни шахарни чеккасига олиб бориб каллаларини танларидан жудо килишни буюрибди.
Жаллодлар уларнинг кулларига кишан солиб олиб кетишаётганида кучада бир олти етти ёшлардаги бола лой уйнаб утирган эмиш.У занжирбанд уламоларни куриб хайрон булибдию «Сизлар кимсизлар? Сизларни каерга олиб кетишаяпти?» деб сурокка тутибди. Бирок куни битиб кузларига хеч нарса куринмаётган уламолар «Лойингни уйнайверсангчи, нима киласан катталарни ишига аралашиб» дейишипти. Шунда шу уламоларнинг энг кексаси «Тухтанглар. Бола булса хам саволини жавобсиз колдирмайлик» дебди ва булган вокеани айтиб берибди. Шунда бола жаллодларга караб «Бандиларни оркага кайтаринглар, бу масалани мен ечимини топиб бераман.Лекин подшох мен учун шохона арава юборса бораман саройга» дебди.
Подшох болани хузурига чорлаб арава юборибди. Болани иззат-икром билан олиб келишибди. Тахтда утирган подшох «Кани курсат-чи кароматингни»дебди. Бола эса подшохга караб «Сиз хозир хожатталаб оддий одамсиз. Мен эса хожатбарорман. Шунинг учун хожатбарор юкоридаю хожатталаб куйида утириши керак» дебди. Боланинг аклига койил булган подшох тахтни унга бушатиб берибди ва булиб утган вокеани хаммасини унга айтиб берибди. Шунда бола подшохга караб «Хаётингизда нима яхшилик килган булсангиз сузлаб беринг» дебди. Подшох унга мамлакатга, халкка килган яхшиликларини санай бошлабди,мачиту хайру эхсонларигача сузлабди. Шунда бола «Бу яхшиликлар узингизни савобингиз учундир. Сиз уз хаётингизда Худонинг кахру газабидан куркиб, узингизни огир гунохдан тийганингизни гапиринг» дебди.
Подшох уйлаб-уйлаб бир вокеани айтиб берибди: «Шахзодалик пайтларим эди. Отамнинг хотинлари ичида бири гоят гузал, сулув, шаддод эди. У мени яхши куриб колган ва мени хам унга мойиллигим бор эди. Кунлардан бир куни биз панада учрашиб колдик ва у мени буйнимга осила бошлади. Мен хам уни кучоклаб турдиму бирдан эс-хушимни йигиб олдим. Худонинг кахру газабидан куркиб, тавба келтирдиму у аёлга: » Нари кет! Мен отамнинг хаккига хиёнат килмайман» дедим. Бир амаллаб унинг кучогидан чикдиму лекин у куйлагимнинг бир парчасини узиб колди. Мен ундан озгина узоклашишим билан у дод-вой солишга тушди. Отамга » Углингиз мени номусимга тажовуз килди. Мана куйлагини бир парчаси бунга гувох» деб арз килди. Отам унинг гапига ишониб мени улимга хукм килди. Шунда отамнинг вазири: «Шошманг шаханшох. Акл билан иш куриб хукм чикарайлик. Куйлакни парчасини курайлик. Углингиз йиртик куйлагини курсатсин.Агар куйлак олдидан йиртилган булса углингиз гунохкор, агар оркадан йиртилган булса аёлингизни айби» деди.
Мен йиртик куйлагимни олиб келдим. Куйлак оркадан йиртилганини курган отам тухматчи хотинини улимга хукм килди, мен эса окландим.»
Шунда донишманд бола подшохга караб: » Бировнинг хасму хаккига хиёнат килиш иймонсизнинг ишидир. Сиз Худодан куркиб отангизни хасмига хиёнат килмабсиз, демак сиз иймонли кишисиз. Ушанда хам аччигингизда «мен иймонсиз булсам сенга жавоб» дегансиз, демак бу сузларингиз хисобга утмайди,чунки сиз иймонсиз эмассиз» деган экан.
Ана шундай килиб ёш бола мамлакат уламоларини улимдан асраб колган экан.Бу бола ун ёшидаёк етук олим булиб дунёга ном чикарган буюк донишманд ИМОМ АЪЗАМ – Нуъмон бин Собит эканлар.
Оллохим хаммамизни иймонимизу инсофимизни, сабру токатимизни берсин ва уз панохида асрасин.