Умр ва хаёт…

Дилноз Кахорова
Бир сайёх кайси мамлакатга борса аввал бозорини, кейин мозорини айланар экан. Бозорга кирганида шу мамлакатнинг моддий бойлигигаю мозорига кирганида маънавий бойлигига бахо берар экан. Алкисса, айланиб бир мамлакатга бориб колибди. Аввал бозорини айланиб курибдию халкнинг яхши яшаётганига ишончи комил булгач кейин мозорига кирибди. Мозордаги кабрлар устидага ёзувларни укиб хайрон колибди. Ёзувларга галати сузлар битилган эмиш: «Фалончи етмиш йил умр курдию саккиз йил яшади», «Писмадончи олтмиш йил умр курдию ун турт йил яшади», «Бу инсон саксон йил умр курдию…бир йил хам яшамади». Сайёх бу гаройиб ёзувларнинг маъносини сураганида унга шундай тушунтириб беришибди: – Умр – бу Олллохнинг улчови билан берилади,кимгадир купрок, кимгадир озрок…Уни кандай яшаш эса узимизни кулимизда. Биз мархумни тупрокка топшираётганимизда ахли-жамони туплаб сураймиз «Фалончи канча яшади?» Мархум умрини канчасини халки учун, савобли ишлари учун, яхши амалларию шод дамларига сарф этганини хисоблаб чикамиз…Бировларники купрок чикади, бировиники камрок…
Албатта, бу – бир афсона…Бирок ер юзида чиндан хам шундай мамлакат бор булса , шубхасиз, бу – донолар мамлакатидир…Ахир узимизда хам мархумни тупрокка куйишдан олдин сурашади-ку : «Кандай одам эди?» деб…Утганларни ёмон отлик килиш – катта гунох…Макташ керак…Хеч булмаганда бир яхши фазилатини айтиш керак …
Умрида бирор кишига бирор яхшилик килмаган, аксинча, купол феъли, купол гаплари билан хамманинг дилига озор берадиган бир баттол киши хаётдан куз юмибди…Одатдаги савол уртага тушибди: – Фалончи канака одам эди? Хеч кимдан садо чикмасмиш…Саволни яна такрорлашибди…Яна жимлик… Узок сукунатдан сунг шу махаллада яшайдиган тиш доктори уртага чикибдию -«Хамма тишлари бутун эди»- деган экан…Халкимизнинг гаройиб одатлари бор…галати донишмандлиги бор…Оллох берган умримизни кандай утказаяпмиз? …Хаётимизда бирор кишини кунглини ололдикми узи…ёки кунглига озор бериб куйдикми?…Эртага тупрокка куйишаётганда -«Кандай одам эди?- деган саволни жавобига лойик бирор яхши иш килдикми…ёки шу савол берилганда сукунат чукишини кутиб юрибмизми?…Ёки кабримиз устига «олтмиш-етмиш йил умр курдию бир кун хам яшамади» деган ёзувни узимизга раво курмокчимизми?…Билмадим…лекин Оллох узи асрасин бунака сукунату бундайин ёзувдан… Хеч булмаса бир огиз ширин сузимизни бир-биримиздан аямайлик…бир чимдимгина мехрни бир-биримизга улашсак улиб колмаймизуууу…