Навоий вилоятида Фуқаролик ишлари бўйича Кармана туманлараро судида журналист Нодира Самандарованинг ишга тиклаш бўйича даъво аризаси юзасидан иш курила бошланди. Журналистнинг таъкидлашича, у ишлаган Навоий вилоят телерадиокомпаниясидан 13 нафар ходим 2 июль куни Ўзбекистон
Республикаси Президентига ташкилот рахбари Ғулом Султоновнинг ноқонуний фаолияти юзасидан шикоят хати билан мурожаат қилган. Шикоят хати тушгандан сўнг Навоий вилоят телерадиокомпания рахбари Ғулом Султонов аризачиларнинг 5 нафарини ишдан бўшатган. Ана шулардан бири Нодира Самандарова.
14 йиллик иш фаолиятига эга журналистнинг айтишича, ишдан хайдалган барча ходимлар тазйиқ ва таъқиб остига олиниб, уларга мехнат вазифаларини бир марта қупол равишда бузганлик айби қўйилиб , Ўзбекистон Республикаси Меҳнат Кодексининг 100- моддаси 2 қисми 4-банди мехнат шартномалари бекор қилинган. Ўз иш ўрнидан мосуво бўлган журналист ва техник ходимлар рахбарнинг ходимларни ишдан бўшатишига уларнинг Президентга ёзган шикоят хати сабаб бўлмокда деб,таъкидлашмокда.
Нодира Самандарованинг айтишича,Ғулом Султонов бир ташкилотда 14 йил ишлаган журналистга нисбатан тазйиқ ва ишдан четлатиш таркибини хар йили синаб кўради. Аниқланишича, журналистнинг рахбари билан бу судлашуви биринчи бор эмас. Рахбарнинг ходимига нисбатан адоватини кўп йиллардан буён жамоатчилик кузатиб келаётганини таъкидлайди, мустақил экспертлар.
Мужгон.