Фахриддин Худойқулов, Канада.
Мен неки истамай, бу золим қисмат
Ўзи билганини қилиб боради.
Урумчи қасдида отилган бир ўқ,
Менинг юрагимни тилиб боради.
Ким эдик, ким бўлдик, олам оввора,
Бизнинг синоатни ечолмас кимса.
Шернинг жасадини тепиб ўтади –
Аждодин билмаган ҳар қандай хумса.
Бир тараф Химолой, бир тараф араб,
Шимол уммонида эсган шамолман.
Оврупа этагин қоқиб турибди –
Бошлари этакка етган заволман…
Сесканиб уйғонсам дейман тонг маҳал,
Бириси самимий исмимни сўрса.
Бириси чизса-да туғённинг расмин,
Бириси шу юртнинг отини қўйса…
Канада. 2009.